ਕੁਪਵਾੜਾ – ਜੰਮੂ ਅਤੇ ਕਸ਼ਮੀਰ ਦੇ ਕੁਪਵਾੜਾ ਜ਼ਿਲ੍ਹੇ ਵਿੱਚ ਕਰਨਾਹ ਡਿਵੀਜ਼ਨ ਵਿੱਚ ਭਾਰਤੀ ਫੌਜ ਦੁਆਰਾ ਇੱਕ ਅਖਰੋਟ ਪ੍ਰੋਸੈਸਿੰਗ ਪਲਾਂਟ ਸਥਾਪਿਤ ਕੀਤਾ ਗਿਆ ਹੈ ਜੋ ਕਿ ਦੁਨੀਆ ਭਰ ਵਿੱਚ ਆਪਣੇ ਅਖਰੋਟ ਲਈ ਮਸ਼ਹੂਰ ਹੈ। “ਇੱਥੇ ਕੰਟਰੋਲ ਰੇਖਾ (ਐਲਓਸੀ) ਦੇ ਨੇੜੇ ਪਰਦਾ ਪਿੰਡ ਵਿੱਚ ਭਾਰਤੀ ਫੌਜ ਦੁਆਰਾ ਫੰਡ ਕੀਤੇ ਅਤੇ ਉਸਾਰੇ ਗਏ ਇੱਕ ਅਖਰੋਟ ਪ੍ਰੋਸੈਸਿੰਗ ਪਲਾਂਟ ਦਾ ਉਦਘਾਟਨ ਕੀਤਾ ਗਿਆ। ਸ਼ਕਤੀ ਵਿਜੇ ਬ੍ਰਿਗੇਡ ਨੇ ਇਸ ਨੂੰ ਹਕੀਕਤ ਬਣਾਉਣ ਵਿੱਚ ਅਹਿਮ ਭੂਮਿਕਾ ਨਿਭਾਈ ਸੀ।” ਇਹ ਪਲਾਂਟ ਖੇਤਰ ਦੇ ਕਿਸਾਨਾਂ ਨੂੰ ਪ੍ਰੋਸੈਸਿੰਗ ਪਲਾਂਟ ਵਿੱਚ ਸਥਾਪਿਤ ਮਸ਼ੀਨਾਂ ਰਾਹੀਂ ਅਖਰੋਟ ਦੀ ਪੈਕਿੰਗ ਅਤੇ ਬ੍ਰਾਂਡਿੰਗ ਦੁਆਰਾ ਆਪਣੀ ਉਪਜ ਦੀ ਬਿਹਤਰ ਕੀਮਤ ਪ੍ਰਾਪਤ ਕਰਨ ਦੇ ਯੋਗ ਬਣਾਏਗਾ। ਬ੍ਰਿਗੇਡੀਅਰ ਐੱਸ.ਪੀ. ਕੌਂਸਲ ਨੇ ਕਿਹਾ,”ਇਸ ਪਲਾਂਟ ਨਾਲ ਖੇਤਰ ‘ਚ ਆਰਥਿਕ ਲਾਭ ਅਤੇ ਰੁਜ਼ਗਾਰ ਦੇ ਰਸਤੇ ਖੁੱਲ੍ਹਣਗੇ।” ਪਰਦਾ, ਅਮਰੂਈ, ਪੰਤਜਾਰਾ, ਪਿੰਗਲਾ, ਪਿੰਗਲਾ ਹਰਿਦਲ ਅਤੇ ਬਹਾਦਰਕੋਟ ਆਦਿ ਪਿੰਡਾਂ ਨੂੰ ਲਘੁ ਉੱਦਮ ਨਾਲ ਲਾਭ ਹੋਵੇਗਾ। ਭਾਰਤੀ ਫ਼ੌਜ ਨੇ ਕਿਹਾ,”ਭਾਰਤੀ ਫ਼ੌਜ ਵਲੋਂ ਕਰਨਾਹ ‘ਚ ਅਜਿਹੇ 2 ਤੋਂ 3 ਹੋਰ ਪਲਾਂਟ ਸਥਾਪਤ ਕਰਨ ਦੀ ਵੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਤਾਂ ਕਿ ਪੂਰੀ ਤਹਿਸੀਲ ਨੂੰ ਫ਼ਾਇਦਾ ਹੋ ਸਕੇ।” ਪਲਾਂਟ ਦਾ ਉਦਘਾਟਨ ਬ੍ਰਿਗੇਡੀਅਰ ਐੱਸ.ਪੀ. ਕੌਂਸਲ, ਬ੍ਰਿਗੇਡ ਕਮਾਂਡਰ, ਬੀ.ਡੀ.ਸੀ. ਚੇਅਰਮੈਨ ਤਿਥਵਾਲ ਸ਼੍ਰੀ ਨਿਸ਼ਾਦਾ ਬਾਨੋ, ਪਿੰਡਾਂ ਦੇ ਸਰਪੰਚਾਂ ਅਤੇ ਪਿੰਡ ਵਾਸੀਆਂ ਨੇ ਕੀਤਾ।
Comment here