ਬਾਰਡਰ ਪੁਲਿਸ ਮੁਲਾਜ਼ਮਾਂ ਨੇ ਹਿਮਾਚਲ ਪ੍ਰਦੇਸ਼ ਦੀ ਬਰਫ ਚ ਖੇਡੀ ਕਬੱਡੀ   

ਮਨਾਲੀ-ਇੰਡੋ-ਤਿੱਬਤੀਅਨ ਬਾਰਡਰ ਪੁਲਿਸ (ਆਈ.ਟੀ.ਬੀ.ਪੀ.) ਦੇ ਜਵਾਨਾਂ ਦਾ ਵਿਹਲੇ ਸਮੇਂ ਵਿੱਚ ਕਬੱਡੀ ਖੇਡਣ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਇਆ ਹੈ। ਇਹ 52 ਸੈਕਿੰਡ ਦੀ ਇੱਕ ਕਲਿੱਪ ਹੈ ਜੋ ਸਾਨੂੰ ਪਹਾੜੀ ਖੇਤਰਾਂ ਵਿੱਚ ਸਾਡੇ ਦੇਸ਼ ਦੀ ਰੱਖਿਆ ਕਰਨ ਵਾਲੇ ਸੈਨਿਕਾਂ ਦੇ ਜੀਵਨ ਦੀ ਇੱਕ ਝਲਕ ਦਿੰਦੀ ਹੈ। ਅਸੀਂ ਆਈਟੀਬੀਪੀ ਦੇ ਜਵਾਨਾਂ ਨੂੰ, ਭਾਰੀ ਊਨੀ ਕੱਪੜੇ ਪਹਿਨ ਕੇ, ਹਿਮਾਚਲ ਪ੍ਰਦੇਸ਼ ਵਿੱਚ ਬਰਫ਼ ਨਾਲ ਢਕੇ ਹਿਮਾਲਿਆ ਪਹਾੜਾਂ ਵਿੱਚ ਕਬੱਡੀ ਖੇਡਦੇ ਵੇਖ ਸਕਦੇ ਹਾਂ। ਵੀਡੀਓ ਨੂੰ ਨਿਊਜ਼ ਏਜੰਸੀ ਏਐਨਆਈ ਦੁਆਰਾ ਟਵਿੱਟਰ ‘ਤੇ ਸਾਂਝਾ ਕੀਤਾ ਗਿਆ ਸੀ, ਜਿਸ ਨੇ ਵੀਡੀਓ ਦੀ ਕੈਪਸ਼ਨ ਦਿੱਤੀ ਸੀ, “ਇੰਡੋ-ਤਿੱਬਤੀਅਨ ਬਾਰਡਰ ਪੁਲਿਸ (ਆਈਟੀਬੀਪੀ) ਦੇ ‘ਹਿਮਵੀਰ’ ਹਿਮਾਚਲ ਪ੍ਰਦੇਸ਼ ਵਿੱਚ ਉੱਚੇ ਹਿਮਾਲਿਆ ਵਿੱਚ ਬਰਫ ਵਿੱਚ ਕਬੱਡੀ ਖੇਡਦੇ ਹਨ।” ਦੱਸ ਦੇਈਏ ਕਿ ਭਾਰਤ-ਚੀਨ ਸਰਹੱਦ ਖੇਤਰ ਲੇਹ-ਲੱਦਾਖ ਨਾਲ ਵੀ ਲੱਗਦਾ ਹੈ। ਹਿਮਾਚਲ ਪ੍ਰਦੇਸ਼ ਦੇ ਦੋ ਜ਼ਿਲ੍ਹਿਆਂ ਲਾਹੌਲ-ਸਪੀਤੀ ਅਤੇ ਕਿੰਨੌਰ ਦਾ ਕੁਝ ਹਿੱਸਾ ਚੀਨ ਨਾਲ ਲੱਗਦਾ ਹੈ। ਇੱਥੇ ਆਈਬੀਟੀ ਦੇ ਜਵਾਨਾਂ ਨੇ ਸਖ਼ਤ ਨਿਗਰਾਨੀ ਰਹਿੰਦੀ ਹੈ। ਉਲਟ ਹਾਲਾਤਾਂ ’ਚ ਵੀ ਜਵਾਨ ਦੇਸ਼ ਦੀ ਸੇਵਾ ’ਚ ਡਟੇ ਰਹਿੰਦੇ ਹਨ। ਕੁਝ ਹਫ਼ਤੇ ਪਹਿਲਾਂ, ਉੱਤਰੀ-ਪੱਛਮੀ ਸਰਹੱਦ ਆਈਟੀਬੀਪੀ ਨੇ ਲੱਦਾਖ ਵਿੱਚ ਪਹਿਲੀ ਵਾਰ ਬਰਫ਼ ਦੀ ਕੰਧ ਚੜ੍ਹਨ ਮੁਕਾਬਲੇ ਦੀ ਮੇਜ਼ਬਾਨੀ ਕੀਤੀ ਸੀ। ਇਸ ਸਮਾਗਮ ਵਿੱਚ 100 ਤੋਂ ਵੱਧ ਪਰਬਤਰੋਹੀਆਂ ਨੇ ਹਿੱਸਾ ਲਿਆ। ਆਈਟੀਬੀਪੀ ਦੁਆਰਾ ਸਾਂਝੇ ਕੀਤੇ ਗਏ ਇੱਕ ਵੀਡੀਓ ਵਿੱਚ ਪਰਬਤਾਰੋਹੀਆਂ ਨੂੰ ਬਰਫ਼ ਦੀਆਂ ਕੰਧਾਂ ਨੂੰ ਸਕੇਲ ਕਰਦੇ, ਬਰਫ਼ ਦੀਆਂ ਕੁਹਾੜੀਆਂ ਨਾਲ ਖੁਦਾਈ ਕਰਦੇ ਅਤੇ ਸਿਖਰ ‘ਤੇ ਪਹੁੰਚਦੇ ਦੇਖਿਆ ਗਿਆ।