ਬਲੂਮ ਦੀ ਸਮੀਖਿਆ ਨੇ ਸਿੱਖਾਂ ਤੇ ਬ੍ਰਿਟਿਸ਼ ਸਰਕਾਰ ਸਬੰਧਾਂ ਨੂੰ ਨੁਕਸਾਨ ਪਹੁੰਚਾਇਆ-ਜਸ

ਲੰਡਨ-ਸੰਸਦ ਕੰਪਲੈਕਸ ਵਿੱਚ ਖਾਲਿਸਤਾਨੀ ਕੱਟੜਵਾਦ ਦੀ ਚੇਤਾਵਨੀ ਦੇਣ ਵਾਲੇ ਵੱਖ-ਵੱਖ ਧਾਰਮਿਕ ਵਿਸ਼ਵਾਸਾਂ ਦੀ ਸੁਤੰਤਰ ਸਮੀਖਿਆ ਦੀ ਯੂਕੇ ਸਥਿਤ ਇੱਕ ਸਿੱਖ ਸਮੂਹ ਨੇ ਇੱਕ ਰਿਪੋਰਟ ਦੀ ਸਖ਼ਤ ਆਲੋਚਨਾ ਕੀਤੀ ਗਈ। ਇਸ ਸਮੀਖਿਆ ਵਿਚ ਯੂਕੇ ਵਿੱਚ ਕੁਝ ਖਾਲਿਸਤਾਨ ਪੱਖੀ ਕਾਰਕੁਨਾਂ ਦੀਆਂ “ਵਿਨਾਸ਼ਕਾਰੀ, ਹਮਲਾਵਰ ਅਤੇ ਫਿਰਕੂ” ਕਾਰਵਾਈਆਂ ਵਿਰੁੱਧ ਚੇਤਾਵਨੀ ਦਿੱਤੀ ਗਈ ਹੈ। ਅਪ੍ਰੈਲ ਵਿੱਚ ਜਾਰੀ ਕੀਤੀ ਸਮੀਖਿਆ ਰਿਪੋਰਟ ਵਿੱਚ ਕਿਹਾ ਗਿਆ ਕਿ ਬ੍ਰਿਟਿਸ਼ ਸਿੱਖਾਂ ਦਾ ਇੱਕ ਛੋਟਾ ਅਤੇ ਹਮਲਾਵਰ ਘੱਟਗਿਣਤੀ ਸਮੂਹ ਹੈ, ਜਿਸ ਨੂੰ ਖਾਲਿਸਤਾਨ ਪੱਖੀ ਕੱਟੜਪੰਥੀ ਕਿਹਾ ਜਾ ਸਕਦਾ ਹੈ, ਜੋ ਨਸਲੀ-ਰਾਸ਼ਟਰਵਾਦੀ ਏਜੰਡੇ ਨੂੰ ਅੱਗੇ ਵਧਾ ਰਿਹਾ ਹੈ। ਸਰਕਾਰ ਨੂੰ ਇਹ ਪਤਾ ਲਗਾਉਣਾ ਚਾਹੀਦਾ ਹੈ ਕਿ ਬ੍ਰਿਟਿਸ਼ ਸਿੱਖ ਭਾਈਚਾਰੇ ਅੰਦਰ ਕਿੱਥੇ ਕੱਟੜਪੰਥੀ ਗਤੀਵਿਧੀਆਂ ਮੌਜੂਦ ਹਨ ਅਤੇ ਇਹ ਯਕੀਨੀ ਬਣਾਉਣਾ ਚਾਹੀਦਾ ਹੈ ਕਿ ਅਜਿਹੀਆਂ ਗਤੀਵਿਧੀਆਂ ਨੂੰ ਖ਼ਤਮ ਕੀਤਾ ਜਾਵੇ।
ਪ੍ਰੋਫੈਸਰ ਸਤਵਿੰਦਰ ਸਿੰਘ ਜਸ ਦੀ ਅਗਵਾਈ ਵਾਲੇ ਇੱਕ ਸਮੂਹ ਕਾਉਂਸਿਲ ਆਫ਼ ਸਿੱਖਸ ਇਨ ਲਾਅ ਕਮੇਟੀ ਨੇ ਦੋਸ਼ ਲਾਇਆ ਕਿ ਸੁਤੰਤਰ ਧਾਰਮਿਕ ਵਿਚਾਰ ਸਮੀਖਿਆ ਦੇ ਸਲਾਹਕਾਰ ਕੋਲਿਨ ਬਲੂਮ ਦੁਆਰਾ ਅਪ੍ਰੈਲ ਵਿੱਚ ਇੱਕ ਸਰਕਾਰੀ ਵਿਭਾਗ ਨੂੰ ਸੌਂਪੀ ਗਈ ਸਮੀਖਿਆ “ਸੁਤੰਤਰ ਅਤੇ ਨਿਰਪੱਖ” ਨਹੀਂ ਸੀ। ਉਨ੍ਹਾਂ ਦੋਸ਼ ਲਾਇਆ ਕਿ ਬਲੂਮ ਦੀ ਸਮੀਖਿਆ ਨੇ ਸਿੱਖ ਭਾਈਚਾਰੇ ਅਤੇ ਬ੍ਰਿਟਿਸ਼ ਸਰਕਾਰ ਦਰਮਿਆਨ ਹੁਣ ਤੱਕ ਦੇ ਨਿੱਘੇ ਸਬੰਧਾਂ ਨੂੰ ਨੁਕਸਾਨ ਪਹੁੰਚਾਇਆ ਹੈ ਅਤੇ ਅਜਿਹਾ ਕਰਨਾ ਜਾਰੀ ਰੱਖਣਾ ਜੋਖਮ ਭਰਪੂਰ ਹੋ ਸਕਦਾ ਹੈ।