ਬਦਲਦੇ ਮੌਸਮ ਚ ਬੰਦ ਨੱਕ ਲਈ ਦੇਸੀ ਰਾਹਤ ਵਾਲੇ ਨੁਕਤੇ

ਸਰਦੀ ਦੀ ਸ਼ੁਰੂਆਤ ਮੌਕੇ ਹੀ ਕਈ ਲੋਕ ਨੱਕ ਬੰਦ ਹੋਣ ਦੀ ਸਮੱਸਿਆ ਤੋਂ ਪੀੜਤ ਹੋ ਜਾਂਦੇ ਹਨ। ਦਵਾਈ ਵੀ ਬਹੁਤੀ ਵਾਰ ਅਸਰ ਨਹੀਂ ਕਰਦੀ, ਪਰ ਕੁਝ ਦੇਸੀ ਘਰੇਲੂ ਉਪਾਅ ਕਰਕੇ ਰਾਹਤ ਲਈ ਜਾ ਸਕਦੀ ਹੈ-

ਭਾਫ਼ ਲੈਣਾ-ਨੱਕ ਬੰਦ ਹੋਣ ਕਾਰਨ ਸਾਈਨਸ ਦੀਆਂ ਖੂਨ ਦੀਆਂ ਨਾੜੀਆਂ ਸੁੱਜ ਜਾਂਦੀਆਂ ਹਨ। ਅਜਿਹੇ ‘ਚ ਤੁਸੀਂ ਸਟੀਮ ਦੀ ਮਦਦ ਲੈ ਸਕਦੇ ਹੋ। ਭਾਫ਼ ਲੈਣ ਨਾਲ ਜਿੱਥੇ ਨੱਕ ਖੋਲ੍ਹਣਾ ਆਸਾਨ ਹੋ ਜਾਵੇਗਾ। ਇਸ ਦੇ ਨਾਲ ਹੀ ਬਲਗ਼ਮ ਵੀ ਨਿਕਲਣਾ ਸ਼ੁਰੂ ਹੋ ਜਾਵੇਗਾ। ਜਿਸ ਨਾਲ ਤੁਹਾਨੂੰ ਕਾਫੀ ਰਾਹਤ ਮਹਿਸੂਸ ਹੋਵੇਗੀ। ਇਸ ਦੇ ਲਈ ਇਕ ਬਰਤਨ ‘ਚ ਪਾਣੀ ਲੈ ਕੇ ਗਰਮ ਕਰੋ। ਫਿਰ ਜਦੋਂ ਇਸ ਵਿਚੋਂ ਭਾਫ਼ ਨਿਕਲਣ ਲੱਗੇ ਤਾਂ ਇਸ ਭਾਂਡੇ ਨੂੰ ਗੈਸ ਤੋਂ ਹੇਠਾਂ ਉਤਾਰ ਲਓ, ਚਿਹਰੇ ਨੂੰ ਥੋੜੀ ਜਿਹੀ ਉਚਾਈ ‘ਤੇ ਰੱਖਦੇ ਹੋਏ, ਭਾਫ਼ ਲਓ। ਇਸ ਦੌਰਾਨ ਆਪਣੇ ਸਿਰ ਅਤੇ ਚਿਹਰੇ ਨੂੰ ਕੱਪੜੇ ਨਾਲ ਢੱਕ ਲਓ। ਤੁਸੀਂ ਚਾਹੋ ਤਾਂ ਭਾਫ਼ ਲੈਣ ਲਈ ਵੇਪੋਰਾਈਜ਼ਰ ਦੀ ਮਦਦ ਵੀ ਲੈ ਸਕਦੇ ਹੋ।

ਕੋਸਾ ਪਾਣੀ ਪੀਓ –ਠੰਡ ਵਿੱਚ, ਤੁਸੀਂ ਕੋਸੇ ਪਾਣੀ ਦੀ ਮਦਦ ਲੈ ਸਕਦੇ ਹੋ। ਬੰਦ ਨੱਕ ਨੂੰ ਰਾਹਤ ਦੇਣ ਦਾ ਇਹ ਸਭ ਤੋਂ ਵਧੀਆ ਤਰੀਕਾ ਹੈ। ਇਸ ਨਾਲ ਸਰੀਰ ‘ਚ ਗਰਮੀ ਵੀ ਪੈਦਾ ਹੋਵੇਗੀ, ਨਾਲ ਹੀ ਨੱਕ ਬੰਦ ਹੋਣ ਅਤੇ ਜ਼ੁਕਾਮ ਦੀ ਸਮੱਸਿਆ ਤੋਂ ਵੀ ਛੁਟਕਾਰਾ ਮਿਲੇਗਾ। ਤੁਸੀਂ ਚਾਹੋ ਤਾਂ ਕੋਸੇ ਪਾਣੀ ‘ਚ ਅਦਰਕ ਜਾਂ ਗ੍ਰੀਨ ਟੀ ਵੀ ਮਿਲਾ ਸਕਦੇ ਹੋ। ਇਹ ਨੱਕ ਨੂੰ ਖੋਲ੍ਹਣ ਦੇ ਨਾਲ-ਨਾਲ ਨੱਕ ਅਤੇ ਗਲੇ ਦੀ ਝਿੱਲੀ ਦੀ ਸੋਜ ਨੂੰ ਘੱਟ ਕਰਨ ਵਿੱਚ ਮਦਦ ਕਰੇਗਾ।

ਤਿੱਖਾ ਮਸਾਲੇਦਾਰ ਖਾਣਾ-  ਜ਼ੁਕਾਮ ਤੋਂ ਰਾਹਤ ਪਾਉਣ ਅਤੇ ਨੱਕ ਖੋਲ੍ਹਣ ਲਈ ਤੁਸੀਂ ਮਸਾਲੇਦਾਰ ਭੋਜਨ ਦੀ ਮਦਦ ਵੀ ਲੈ ਸਕਦੇ ਹੋ। ਵਾਸਤਵ ਵਿੱਚ, ਮਿਰਚਾਂ ਵਿੱਚ ਕੈਪਸੈਸੀਨ ਨਾਮਕ ਇੱਕ ਤੱਤ ਹੁੰਦਾ ਹੈ, ਜੋ ਗਰਮੀ ਪੈਦਾ ਕਰਨ ਵਾਲੇ ਪ੍ਰਭਾਵ ਲਈ ਜਾਣਿਆ ਜਾਂਦਾ ਹੈ। ਇਹ ਨੱਕ ਦੇ ਰਸਤਿਆਂ ਨੂੰ ਖੋਲ੍ਹਣ ਅਤੇ ਸੋਜ ਨੂੰ ਘਟਾਉਣ ਵਿੱਚ ਮਦਦ ਕਰਦਾ ਹੈ। ਜਿਸ ਨਾਲ ਨੱਕ ਬੰਦ ਹੋਣ ਦੀ ਸਮੱਸਿਆ ਤੋਂ ਰਾਹਤ ਮਿਲਦੀ ਹੈ।

ਨੱਕ ਨੂੰ ਸੇਕ ਦੇਣਾ-  ਜ਼ੁਕਾਮ ਦੇ ਸਮੇਂ ਨੱਕ ਬੰਦ ਹੋਣ ਕਾਰਨ ਸਾਹ ਲੈਣ ‘ਚ ਕਾਫੀ ਦਿੱਕਤ ਹੁੰਦੀ ਹੈ। ਅਜਿਹੀ ਸਥਿਤੀ ਵਿੱਚ, ਇਸ ਸਮੱਸਿਆ ਨੂੰ ਦੂਰ ਕਰਨ ਲਈ, ਤੁਸੀਂ ਕੋਸੇ ਪਾਣੀ ਨਾਲ ਨੱਕ ਨੂੰ ਸੇਕ ਕਰਵਾ ਸਕਦੇ ਹੋ। ਇਸ ਦੇ ਲਈ ਕੋਸੇ ਪਾਣੀ ‘ਚ ਇਕ ਕੱਪੜਾ ਭਿਓਂ ਕੇ ਉਸ ਨਾਲ ਨੱਕ ਨੂੰ ਸਕੇ ਕਰਵਾਓ। ਇਸ ਨਾਲ ਨਾ ਸਿਰਫ ਨੱਕ ਖੁੱਲ੍ਹਣ ‘ਚ ਮਦਦ ਮਿਲੇਗੀ, ਨਾਲ ਹੀ ਨੱਕ ਦੇ ਆਲੇ-ਦੁਆਲੇ ਦੀਆਂ ਨਸਾਂ ਨੂੰ ਆਰਾਮ ਮਿਲੇਗਾ।