ਬਜਰੰਗ ਪੂਨੀਆ ਸੈਮੀਫਾਈਨਲ ਚ ਹਾਰੇ

ਟੋਕੀਓ– ਇੱਥੇ ਚੱਲ ਰਹੀਆਂ ਉਲੰਪਿਕ ਖੇਡਾਂ ਚ 65 ਕਿਲੋਗ੍ਰਾਮ ਵਰਗ ਦੇ ਸੈਮੀਫਾਈਨਲ ਵਿੱਚ ਭਾਰਤੀ ਪਹਿਲਵਾਨ ਬਜਰੰਗ ਪੂਨੀਆ ਸੈਮੀਫਾਈਨਲ ਵਿੱਚ ਹਾਰ ਗਿਆ। ਇਸ ਤੋਂ ਬਾਅਦ ਵੀ ਮੈਡਲ ਦੀ ਉਮੀਦ ਬਰਕਰਾਰ ਹੈ। ਉਹ ਹੁਣ ਰੀਪੇਜ ਵਿੱਚ ਦਾਖਲ ਹੋਣਗੇ। ਬਜਰੰਗ ਨੂੰ ਜੂਦਾ ਓਲੰਪਿਕ ਤਮਗਾ ਜੇਤੂ ਅਤੇ ਅਜ਼ਰਬੈਜਾਨ ਦੇ ਤਿੰਨ ਵਾਰ ਦੇ ਵਿਸ਼ਵ ਚੈਂਪੀਅਨ ਹਾਜੀ ਅਲੀਏਵ ਨੇ 5-12 ਨਾਲ ਹਰਾਇਆ। ਬਜਰੰਗ ਨੇ ਦੋ ਸਾਲ ਪਹਿਲਾਂ ਪ੍ਰੋ ਰੈਸਲਿੰਗ ਲੀਗ ਵਿੱਚ ਅਲੀਯੇਵ ਨੂੰ ਹਰਾਇਆ ਸੀ।
ਬਜਰੰਗ ਪੁਨੀਆ ਕੁਸ਼ਤੀ ਵਿੱਚ ਓਲੰਪਿਕ ਮੈਡਲ ਜਿੱਤਣ ਵਾਲੇ ਛੇਵੇਂ ਭਾਰਤੀ ਪਹਿਲਵਾਨ ਬਣ ਸਕਦੇ ਹਨ। ਇੱਕ ਦਿਨ ਪਹਿਲਾਂ, ਰਵੀ ਦਹੀਆ ਨੇ ਚਾਂਦੀ ਦਾ ਤਮਗਾ ਜਿੱਤਿਆ ਸੀ। ਇਸ ਤੋਂ ਇਲਾਵਾ ਸੁਸ਼ੀਲ ਕੁਮਾਰ ਨੇ 2008 ਬੀਜਿੰਗ ਓਲੰਪਿਕਸ ਵਿੱਚ ਕਾਂਸੀ ਅਤੇ 2012 ਲੰਡਨ ਓਲੰਪਿਕਸ ਵਿੱਚ ਚਾਂਦੀ ਦਾ ਤਗਮਾ ਜਿੱਤਿਆ ਸੀ। ਯੋਗੇਸ਼ਵਰ ਦੱਤ ਨੇ 2012 ਵਿੱਚ ਕਾਂਸੀ ਅਤੇ ਮਹਿਲਾ ਪਹਿਲਵਾਨ ਸਾਕਸ਼ੀ ਮਲਿਕ ਨੇ 2016 ਰੀਓ ਵਿੱਚ ਕਾਂਸੀ ਦਾ ਤਮਗਾ ਜਿੱਤਿਆ ਸੀ। ਇਸ ਤੋਂ ਪਹਿਲਾਂ ਕੇਡੀ ਜਾਧਵ ਨੇ 1952 ਦੀ ਹੇਲਸਿੰਕੀ ਓਲੰਪਿਕ ਵਿੱਚ ਕਾਂਸੀ ਦਾ ਤਗਮਾ ਜਿੱਤਿਆ ਸੀ। ਉਹ ਓਲੰਪਿਕ ਵਿੱਚ ਤਮਗਾ ਜਿੱਤਣ ਵਾਲਾ ਭਾਰਤੀ ਪਹਿਲਵਾਨ ਸੀ।