ਲੁਧਿਆਣਾ-ਪੰਜਾਬੀ ਨਾਵਲਕਾਰ ਤੇ ਕਹਾਣੀਕਾਰ ਨਿੰਦਰ ਗਿੱਲ ਦਾ ਬੀਤੇ ਦਿਨੀਂ ਦੇਹਾਂਤ ਹੋ ਗਿਆ। ਨਿੰਦਰ ਗਿੱਲ ਸਵੀਡਨ ਵਿੱਚ ਲੰਮਾ ਸਮਾਂ ਗੁਜ਼ਾਰਨ ਮਗਰੋਂ ਬੀਤੀ 4 ਨਵੰਬਰ ਨੂੰ ਆਪਣੇ ਜੱਦੀ ਪਿੰਡ ਜੰਡਾਲੀ ਪਰਤੇ ਸਨ। ਇਸ ਮੌਕੇ ਸਥਾਨਕ ਪੰਜਾਬੀ ਭਵਨ ਵਿੱਚ ਜੁੜੇ ਲੇਖਕਾਂ ਡਾ. ਲਖਵਿੰਦਰ ਜੌਹਲ, ਡਾ. ਗੁਰਇਕਬਾਲ ਸਿੰਘ, ਪ੍ਰੋ. ਗੁਰਭਜਨ ਸਿੰਘ ਗਿੱਲ, ਤ੍ਰੈਲੋਚਨ ਲੋਚੀ, ਕਹਾਣੀਕਾਰ ਸੁਖਜੀਤ, ਕਰਮਜੀਤ ਗਰੇਵਾਲ ਨੇ ਦੁੱਖ ਪ੍ਰਗਟਾਇਆ ਹੈ। ਨਿੰਦਰ ਗਿੱਲ ਨੂੰ ਵਧੇਰੇ ਉਨ੍ਹਾਂ ਦੇ ਨਾਵਲਾਂ ਵਿੱਚ ਪੰਜਾਬ ਦੇ ਅੱਸਵਿਆਂ ਦੇ ਸੰਕਟ ਨੂੰ ਡੂੰਘਾਈ ਨਾਲ ਚਿਤਰਣ ਦੇ ਹੁਨਰ ਕਰਕੇ ਜਾਣਿਆ ਜਾਂਦਾ ਹੈ। ਉਨ੍ਹਾਂ ਦੇ ਨਾਵਲ ‘ਪੈਂਡੇ’, ‘ਪੰਜਾਬ 84 ਚੋਣ ਹਲਕਾ ਪਾਇਲ’, ‘ਦਹਿਸ਼ਤ ਦੇ ਦਿਨਾਂ ਵਿੱਚ’, ‘ਵਿੱਚ ਵਿਚਾਲੇ’, ‘ਉਹ ਤਿੰਨ ਦਿਨ’ ਤੇ ‘ਸਹਿਮਤੀ ਤੋਂ ਬਾਅਦ’ ਉਨ੍ਹਾਂ ਦੀ ਵੱਖਰੀ ਛਾਪ ਦਾ ਸਬੂਤ ਹਨ। ਦੋ ਮੌਲਿਕ ਕਹਾਣੀ ਸੰਗ੍ਰਹਿਆਂ ‘ਜ਼ਿੰਦਗੀ ਦੇ ਇਸ਼ਤਿਹਾਰ’ ਤੇ ‘ਸੁੰਨ ਸਰਾਂ’ ਤੋਂ ਬਿਨਾਂ ਉਨ੍ਹਾਂ ਨੇ ਤਰਲੋਚਨ ਝਾਂਡੇ ਨਾਲ ‘ਅਸੀਂ ਜਿਉਂਦੇ ਅਸੀਂ ਜਾਗਦੇ’ ਕਹਾਣੀ ਸੰਗ੍ਰਹਿ ਦੀ ਸੰਪਾਦਨਾ ਵੀ ਕੀਤੀ।
Comment here