ਸਿਆਸਤਖਬਰਾਂਦੁਨੀਆ

ਪੀ. ਟੀ. ਐਮ. ਨੇਤਾ ਦੀ ਰਿਹਾਈ ਲਈ ਪਸ਼ਤੂਨਾਂ ਨੇ ਕੀਤਾ ਸ਼ਕਤੀ ਪ੍ਰਦਰਸ਼ਨ

ਕਵੇਟਾ-ਕਰਾਚੀ ’ਚ ਪੀ. ਟੀ. ਐੱਮ ਵਿਰੋਧ ਰੈਲੀ ’ਚ ਸੂਬਾ ਅਦਾਰਿਆਂ ਦੇ ਖ਼ਿਲਾਫ਼ ਅਪਮਾਨਜਨਕ ਤੇ ਭੜਕਾਊ ਭਾਸ਼ਣ ਦੇਣ ਦਾ ਦੋਸ਼ ਵਿਚ ਗਿ੍ਰਫ਼ਤਾਰ ਪੀਟੀਐਮ ਨੇਤਾ ਅਲੀ ਵਜ਼ੀਰ ਤੇ ਹੋਰਨਾਂ ਕਾਰਕੁੰਨਾਂ ਦੀ ਰਿਹਾਈ ਦੀ ਮੰਗ ਕਰਦੇ ਪਸ਼ਤੂਨ ਤਹਫੁਜ਼ ਅੰਦੋਲਨ ਵਲੋਂ ਸ਼ਕਤੀ ਪ੍ਰਦਰਸ਼ਨ ਦਾ ਆਯੋਜਨ ਕੀਤਾ ਗਿਆ। ਪੀਟੀਐਮ ਦੇ ਨੇਤਾ ਅਲੀ ਵਜ਼ੀਰ ਦੱਖਣੀ ਵਜ਼ੀਰੀਸਤਾਨ ਤੋਂ ਨੈਸ਼ਨਲ ਅਸੈਂਬਲੀ ਦੇ ਮੈਂਬਰ ਵੀ ਹਨ। ਮੀਡੀਆ ਰਿਪੋਰਟਸ ਦੇ ਮੁਤਾਬਕ ਇਕ ਸਾਲ ਤੋਂ ਜੇਲ ’ਚ ਬੰਦ ਪੀਟੀਐਮ ਨੇਤਾ ਵਜ਼ੀਰ ਨੂੰ 16 ਦਸੰਬਰ, 2020 ਨੂੰ ਸਿੰਧ ਪੁਲਸ ਦੀ ਬੇਨਤੀ ’ਤੇ ਪੇਸ਼ਾਵਰ ’ਚ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਵਜ਼ੀਰ ਨੂੰ ਕਰਾਚੀ ’ਚ ਇਕ ਪੀ. ਟੀ. ਐੱਮ ਵਿਰੋਧ ਰੈਲੀ ’ਚ ਸੂਬਾ ਅਦਾਰਿਆਂ ਦੇ ਖ਼ਿਲਾਫ਼ ਅਪਮਾਨਜਨਕ ਤੇ ਭੜਕਾਊ ਭਾਸ਼ਣ ਦੇਣ ਦਾ ਦੋਸ਼ ਲਾਇਆ ਗਿਆ ਸੀ।
ਮੀਡੀਆ ਰਿਪੋਰਟਸ ਮੁਤਾਬਕ ਬਲੋਚਿਸਤਾਨ ਸਰਕਾਰ ਨੇ ਸੂਬੇ ’ਚ ਪੀ. ਟੀ. ਐੱਮ. ਪ੍ਰਮੁੱਖ ਦੇ ਦਾਖ਼ਲੇ ’ਤੇ ਰੋਕ ਲਗਾ ਦਿੱਤੀ ਹੈ। ਹਾਲਾਂਕਿ, ਪੀ. ਟੀ. ਐੱਮ. ਦੇ ਪ੍ਰਮੁੱਖ ਮਨਜ਼ੂਰ ਪਸ਼ਤੀਨ ਸਭਾ ’ਚ ਮੌਜੂਦ ਸਨ ਤੇ ਵਜ਼ੀਰ ਦੀ ਰਿਹਾਈ ਦਾ ਜ਼ੋਰਦਾਰ ਸਮਰਥਨ ਕਰ ਰਹੇ ਸਨ। ਪਸ਼ਤੂਨ ਤਹਫੁਜ਼ ਮੂਵਮੈਂਟ ਵਲੋਂ ਆਯੋਜਿਤ ਇਸ ਪਾਵਰ ਸ਼ੋਅ ’ਚ ਵੱਡੀ ਗਿਣਤੀ ’ਚ ਲੋਕਾਂ ਨੇ ਹਿੱਸਾ ਲਿਆ ਜਿਸ ’ਚ ਪਖਤੂਨਖਵਾ ਮਿੱਲੀ ਅਵਾਮੀ ਪਾਰਟੀ (ਪੀ. ਕੇ. ਐੱਮ. ਪੀ.) ਤੇ ਅਵਾਮੀ ਨੈਸ਼ਨਲ ਪਾਰਟੀ (ਏ. ਐੱਨ. ਪੀ.) ਸ਼ਾਮਲ ਹਨ। ਮੀਡੀਆ ਰਿਪੋਰਟਸ ਦੇ ਮੁਤਾਬਕ, ਏ. ਐੱਨ. ਪੀ. ਦੇ ਸੂਬਾ ਪ੍ਰਧਾਨ ਅਸਗਰ ਖ਼ਾਨ ਅਚਕਜ਼ਈ ਵੀ ਵਿਰੋਧ ਪ੍ਰਦਰਸ਼ਨ ’ਚ ਸ਼ਾਮਲ ਸਨ। ਪੱਤਰਕਾਰ ਦੀ ਗ੍ਰਿਫ਼ਤਾਰੀ ਦਾ ਵਿਰੋਧ ਦੁਨੀਆ ਭਰ ’ਚ ਕਈ ਅਦਾਰੇ ਕਰ ਰਹੇ ਹਨ।

Comment here