ਪੀਐਮ ਮੋਦੀ ਦੇ ਆਰਕੀਟੈਕਟ ਫੈਨ ਨੇ ਬਣਾਈ 7200 ਹੀਰਿਆਂ ਨਾਲ ਫੋਟੋ

ਸੂਰਤ-17 ਸਤੰਬਰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ 73ਵਾਂ ਜਨਮ ਦਿਨ ਹੈ। ਦੇਸ਼-ਵਿਦੇਸ਼ ‘ਚ ਪ੍ਰਧਾਨ ਮੰਤਰੀ ਮੋਦੀ ਦੀ ਵਧਦੀ ਲੋਕਪ੍ਰਿਅਤਾ ਨਾਲ ਕਈ ਲੋਕ ਉਨ੍ਹਾਂ ਦੇ ਪ੍ਰਸ਼ੰਸਕ ਬਣ ਗਏ ਹਨ, ਉਥੇ ਹੀ ਸੂਰਤ ‘ਚ ਪ੍ਰਧਾਨ ਮੰਤਰੀ ਦੇ ਇਕ ਪ੍ਰਸ਼ੰਸਕ ਨੇ 7200 ਹੀਰਿਆਂ ਨਾਲ ਉਨ੍ਹਾਂ ਦੀ ਤਸਵੀਰ ਬਣਵਾਈ ਹੈ। ਸੂਰਤ ਦੇ ਵਿਪੁਲ ਜੇਪੀਵਾਲਾ ਇਹ ਤਸਵੀਰ ਪ੍ਰਧਾਨ ਮੰਤਰੀ ਨੂੰ ਗਿਫਟ ਕਰਨਾ ਚਾਹੁੰਦੇ ਹਨ। ਉਸ ਨੇ ਬਰੋਕੇਡ ਨਾਲ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀਆਂ 9 ਤੋਂ ਵੱਧ ਤਸਵੀਰਾਂ ਬਣਾਈਆਂ ਹਨ।
ਵਿਪੁਲ ਪੇਸ਼ੇ ਤੋਂ ਆਰਕੀਟੈਕਟ ਅਤੇ ਇੰਜੀਨੀਅਰ ਹੈ। ਵਿਪੁਲ ਜੇਪੀਵਾਲਾ ਹੁਣ ਤੱਕ ਕਈ ਲੋਕਾਂ ਦੇ ਘਰਾਂ ਵਿੱਚ ਇੰਟੀਰੀਅਰ ਡਿਜ਼ਾਈਨਰ ਵਜੋਂ ਕੰਮ ਕਰ ਚੁੱਕੇ ਹਨ, ਪਰ ਕੁਝ ਸਮੇਂ ਬਾਅਦ ਉਨ੍ਹਾਂ ਨੇ ਕੁਝ ਵੱਖਰਾ ਕਰਨ ਦੀ ਇੱਛਾ ਮਹਿਸੂਸ ਕੀਤੀ ਅਤੇ ਵੱਖ-ਵੱਖ ਤਰ੍ਹਾਂ ਦੀਆਂ ਪੇਂਟਿੰਗਾਂ ਬਣਾਉਣੀਆਂ ਸ਼ੁਰੂ ਕਰ ਦਿੱਤੀਆਂ। ਸੂਰਤ ਦੁਨੀਆ ‘ਚ ਹੀਰਿਆਂ ਦੇ ਸ਼ਹਿਰ ਵਜੋਂ ਮਸ਼ਹੂਰ ਹੈ, ਇਸ ਲਈ ਵਿਪੁਲਭਾਈ ਵੀ ਹੀਰਿਆਂ ਨਾਲ ਪ੍ਰਧਾਨ ਮੰਤਰੀ ਦੀ ਤਸਵੀਰ ਬਣਾਉਣਾ ਚਾਹੁੰਦੇ ਸਨ। ਵਿਪੁਲ ਜੇਪੀਵਾਲਾ ਦੀ ਇਹ ਤਸਵੀਰ ਕਰੀਬ ਸਾਢੇ ਤਿੰਨ ਮਹੀਨਿਆਂ ਦੇ ਅਰਸੇ ਬਾਅਦ ਪੂਰੀ ਹੋਈ ਹੈ। ਇਸ ਤਸਵੀਰ ਨੂੰ ਬਣਾਉਣ ਵਿਚ ਤਿੰਨ ਵੱਖ-ਵੱਖ ਰੰਗਾਂ ਦੇ ਹੀਰਿਆਂ ਦੀ ਵਰਤੋਂ ਕੀਤੀ ਗਈ ਹੈ। ਇਹ ਅਮਰੀਕਨ ਹੀਰੇ ਹਨ, ਜੋ ਅਸਲੀ ਹੀਰਿਆਂ ਵਰਗੇ ਦਿਖਾਈ ਦਿੰਦੇ ਹਨ।
ਇਨ੍ਹਾਂ ਹੀਰਿਆਂ ਨੂੰ ਚਿਪਕਾਉਣ ਲਈ ਵਿਸ਼ੇਸ਼ ਕਿਸਮ ਦੀ ਗੂੰਦ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਇਨ੍ਹਾਂ ਹੀਰਿਆਂ ਨੂੰ ਲੰਬੇ ਸਮੇਂ ਤੱਕ ਚਿਪਕਿਆ ਰੱਖਣ ਲਈ ਖਾਸ ਕਿਸਮ ਦੀ ਬੈਕਗ੍ਰਾਊਂਡ ਸੀਟ ਲਈ ਗਈ ਹੈ। ਪ੍ਰਧਾਨ ਮੰਤਰੀ ਆਪਣੇ ਜੀਵਨ ਦੇ 72 ਸਾਲ ਪੂਰੇ ਕਰ ਰਹੇ ਹਨ, ਇਸ ਲਈ ਇਸ ਤਸਵੀਰ ਵਿੱਚ 7200 ਹੀਰਿਆਂ ਦੀ ਵਰਤੋਂ ਕੀਤੀ ਗਈ ਹੈ।