ਪੀਐਮਓ ਦੇ ਯੂਟਿਊਬ ਚੈਨਲ ਦਾ ਨਾਂ ਬਦਲ ਕੇ ‘ਇਮਰਾਨ ਖਾਨ’ ਰੱਖਿਆ

ਇਸਲਾਮਾਬਾਦ—  ਪਾਕਿਸਤਾਨ ‘ਚ ਸਿਆਸੀ ਅਸਥਿਰਤਾ ਕਾਰਨ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਇਨ੍ਹੀਂ ਦਿਨੀਂ ਬੇਭਰੋਸਗੀ ਪ੍ਰਸਤਾਵ ਦਾ ਸਾਹਮਣਾ ਕਰ ਰਹੇ ਹਨ। ਇਸ ਦੌਰਾਨ ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਦਫ਼ਤਰ ਨੇ ਆਪਣੇ ਯੂਟਿਊਬ ਚੈਨਲ ਦਾ ਨਾਂ ਬਦਲ ਕੇ ‘ਇਮਰਾਨ ਖਾਨ’ ਕਰ ਦਿੱਤਾ ਹੈ। ਨਾਮ ਬਦਲਣ ਨੂੰ ਲੈ ਕੇ ਇੰਟਰਨੈੱਟ ਯੂਜ਼ਰ ਇਮਰਾਨ ਸਰਕਾਰ ਦਾ ਮਜ਼ਾਕ ਉਡਾ ਰਹੇ ਹਨ। ਪਾਕਿਸਤਾਨ ਦੀ ਨੈਸ਼ਨਲ ਅਸੈਂਬਲੀ ਦੇ ਇੱਕ ਦਿਨ ਬਾਅਦ ਨਾਮ ਦੀ ਤਬਦੀਲੀ ਕੀਤੀ ਗਈ ਹੈ। ਪੀਐਮਓ ਦੇ ਯੂਟਿਊਬ ਚੈਨਲ ਦਾ ਨਾਂ ਬਦਲਣ ਦੀ ਇਸ ਘਟਨਾ ਬਾਰੇ ਪਾਕਿਸਤਾਨ ਸਰਕਾਰ ਦੇ ਡਿਜੀਟਲ ਮੀਡੀਆ ਵਿੰਗ ਦੇ ਜਨਰਲ ਮੈਨੇਜਰ ਇਮਰਾਨ ਗ਼ਜ਼ਾਲੀ ਨੇ ਕਿਹਾ ਕਿ ਉਨ੍ਹਾਂ ਦਾ ਵਿੰਗ ਸਿਰਫ਼ ਪ੍ਰਧਾਨ ਮੰਤਰੀ ਦਫ਼ਤਰ ਦੇ ਟਵਿੱਟਰ ਅਤੇ ਫੇਸਬੁੱਕ ਖਾਤਿਆਂ ਦਾ ਪ੍ਰਬੰਧਨ ਕਰਦਾ ਹੈ। ਉਨ੍ਹਾਂ ਕਿਹਾ ਕਿ ਯੂ-ਟਿਊਬ ਚੈਨਲ ਸਾਡੇ ਵਿਭਾਗ ਦੇ ਅਧੀਨ ਨਹੀਂ ਆਉਂਦਾ।ਇਸ ਦੇ ਨਾਲ ਹੀ ਪ੍ਰਧਾਨ ਮੰਤਰੀ ਦਫਤਰ ਦੇ ਯੂ-ਟਿਊਬ ਚੈਨਲ ਦਾ ਨਾਂ ਬਦਲਣ ‘ਤੇ ਇੰਟਰਨੈੱਟ ਯੂਜ਼ਰਸ ਆਪਣੀ ਪ੍ਰਤੀਕਿਰਿਆ ਦੇ ਰਹੇ ਹਨ।ਚੈਨਲ ‘ਤੇ ਅੱਜ ਇਮਰਾਨ ਖਾਨ ਦੀ ਮਾਨਸੇਹਰਾ ਰੈਲੀ ਦੀ ਇਕ ਵੀਡੀਓ ਅਪਲੋਡ ਕੀਤੀ ਗਈ ਹੈ। ਯੂਜ਼ਰ ਨੇ ਪੁੱਛਿਆ ਕਿ ਉਨ੍ਹਾਂ ਨੇ ਚੈਨਲ ਦੇ ਨਾਂ ਤੋਂ ‘ਪ੍ਰਧਾਨ ਮੰਤਰੀ’ ਕਿਉਂ ਹਟਾ ਦਿੱਤਾ ਹੈ। ਬੀਤੇ ਕੁਝ ਦਿਨਾਂ ਪਹਿਲਾਂ ਇਮਰਾਨ ਖਾਨ ਦੀ ਅਗਵਾਈ ਵਾਲੀ ਸਰਕਾਰ ਖਿਲਾਫ ਬੇਭਰੋਸਗੀ ਮਤਾ ਲਿਆਉਣ ਲਈ ਬੈਠਕ ਬੁਲਾਈ ਗਈ ਸੀ। ਹਾਲਾਂਕਿ ਨੈਸ਼ਨਲ ਅਸੈਂਬਲੀ ਨੂੰ ਸ਼ੁੱਕਰਵਾਰ ਨੂੰ ਬਿਨਾਂ ਮਤਾ ਪੇਸ਼ ਕੀਤੇ 28 ਮਾਰਚ ਤੱਕ ਮੁਲਤਵੀ ਕਰ ਦਿੱਤਾ ਗਿਆ। ਪਾਕਿਸਤਾਨੀ ਮੀਡੀਆ ਆਉਟਲੇਟ ਜੀਓ ਟੀਵੀ ਦੀ ਰਿਪੋਰਟ ਦੇ ਅਨੁਸਾਰ, ‘ਇਮਰਾਨ ਖਾਨ’ ਨਾਮ ਦੇ ਚੈਨਲ ਨੂੰ ਟਿੱਕ ਦੇ ਨਾਲ ਯੂਟਿਊਬ ਦੁਆਰਾ ਪ੍ਰਮਾਣਿਤ ਨਹੀਂ ਕੀਤਾ ਗਿਆ ਹੈ। ਚੈਨਲ ਦੇ ਇਸ ਸਮੇਂ 150,000 ਤੋਂ ਵੱਧ ਫਾਲੋਅਰਜ਼ ਹਨ। ਪ੍ਰਧਾਨ ਮੰਤਰੀ ਦਾ ਅਹੁਦਾ ਸੰਭਾਲਣ ਤੋਂ ਬਾਅਦ ਪ੍ਰਧਾਨ ਮੰਤਰੀ ਦੇ ਭਾਸ਼ਣ ਅਤੇ ਗਤੀਵਿਧੀਆਂ ਇਸ ਚੈਨਲ ‘ਤੇ ਅਪਲੋਡ ਕੀਤੀਆਂ ਜਾਂਦੀਆਂ ਹਨ। ਹਾਲਾਂਕਿ, ਇਹ ਇਮਰਾਨ ਖਾਨ ਦੇ ਅਹੁਦੇ ਲਈ ਚੁਣੇ ਜਾਣ ਦੇ ਇੱਕ ਸਾਲ ਬਾਅਦ 2019 ਵਿੱਚ ਬਣਾਇਆ ਗਿਆ ਸੀ।