ਇਸਲਾਮਾਬਾਦ-ਪਾਕਿਸਤਾਨ ਦਾ ਇਕ ਕਾਰੋਬਾਰੀ ਭਾਰਤ ਦੀ ਅੰਜੂ ਜੋ ਕਿ ਵੀਜ਼ਾ ਲੈ ਕੇ ਪਾਕਿਸਤਾਨ ਗਈ ਅਤੇ ਉੱਥੇ ਉਸ ਨੇ ਆਪਣੇ ਫੇਸਬੁੱਕ ’ਤੇ ਬਣੇ ਪ੍ਰੇਮੀ ਨਾਲ ਨਿਕਾਹ ਕਰ ਲਿਆ ਹੈ, ਦਾ ਸਹਾਰਾ ਲੈ ਕੇ ਗੰਦੀ ਖੇਡ ਖੇਡਣ ਅਤੇ ਭਾਰਤ ਵਿਰੁੱਧ ਪ੍ਰਾਪੇਗੰਡਾ ਚਲਾਉਣ ’ਚ ਲੱਗਿਆ ਹੋਇਆ ਹੈ। ਸੂਤਰਾਂ ਤੋਂ ਪ੍ਰਾਪਤ ਜਾਣਕਾਰੀ ਅਨੁਸਾਰ ਪਤਾ ਲੱਗਾ ਹੈ ਕਿ ਉਹ ਕਹਿ ਰਿਹਾ ਹੈ ਕਿ ਜਿਹੜੀ ਵੀ ਕੁੜੀ ਭਾਰਤ ਤੋਂ ਆ ਕੇ ਇੱਥੇ ਇਸਲਾਮ ਕਬੂਲ ਕਰੇਗੀ, ਅਸੀਂ ਉਸ ਦੀ ਹਰ ਸੰਭਵ ਮਦਦ ਕਰਾਂਗੇ। ਉੱਥੇ ਹੀ ਦੂਜੇ ਪਾਸੇ ਪੂਰੀ ਦੁਨੀਆ ’ਚ ਭੀਖ ਦਾ ਕਟੋਰਾ ਹੱਥ ’ਚ ਲੈ ਕੇ ਖੜ੍ਹੇ ਪਾਕਿਸਤਾਨ ਦੇ ਇਸ ਚਿਹਰੇ ਨੂੰ ਵੀ ਇਸ ਕਾਰੋਬਾਰੀ ਨੇ ਪੂਰੀ ਤਰ੍ਹਾਂ ਨੰਗਾ ਕਰ ਦਿੱਤਾ ਹੈ।
ਪਾਕਿਸਤਾਨ ਦੀ ਸਟਾਰ ਗਰੁੱਪ ਕੰਪਨੀ ਦੇ ਸੀ. ਈ. ਓ. ਮੋਹਸਿਨ ਖਾਨ ਅੱਬਾਸੀ ਨੇ ਅੰਜੂ ਨੂੰ ਇੱਕ ਫਲੈਟ ਅਤੇ 50,000 ਰੁਪਏ ਦਿੱਤੇ ਹਨ ਅਤੇ ਇਸਦੇ ਨਾਲ ਹੀ ਉਸ ਨੂੰ ਆਪਣੀ ਕੰਪਨੀ ਦਾ ਬ੍ਰਾਂਡ ਅੰਬੈਸਡਰ ਬਣਾਉਣ ਦੀ ਵੀ ਗੱਲ ਕਹੀ। ਹੁਣ ਅੱਬਾਸੀ ਨੇ ਭਾਰਤ ਦੇ ਖਿਲਾਫ ਜ਼ਹਿਰ ਉਗਲਦੇ ਹੋਏ ਕਿਹਾ ਹੈ ਕਿ ਜੋ ਲੋਕ ਕਹਿ ਰਹੇ ਹਨ ਕਿ ਅੰਜੂ ਲੂਜ਼ਰ ਹੈ, ਉਨ੍ਹਾਂ ਲਈ ਮੈਂ ਇਹੀ ਕਹਿਣਾ ਚਾਹੁੰਦਾ ਹਾਂ ਕਿ ਜੋ ਵੀ ਕੁੜੀਆਂ ਭਾਰਤ ਤੋਂ ਪਾਕਿਸਤਾਨ ਆਉਣਾ ਚਾਹੁੰਦੀਆਂ ਹਨ ਅਤੇ ਉਨ੍ਹਾਂ ’ਚੋਂ ਜੋ ਵੀ ਇੱਥੇ ਮੁਸਲਿਮ ਧਰਮ ’ਚ ਆ ਜਾਣਗੀਆਂ, ਉਨ੍ਹਾਂ ਨੂੰ ਅਸੀਂ ਹਰ ਸੰਭਵ ਸਹਿਯੋਗ ਦੇਵਾਂਗੇ।
ਉਸ ਨੇ ਕਿਹਾ ਕਿ ਪਾਕਿਸਤਾਨ ਦੀ ਸੀਮਾ ਹੈਦਰ, ਜਿਸ ਨੇ ਭਾਰਤ ’ਚ ਹਿੰਦੂ ਧਰਮ ਅਪਣਾ ਲਿਆ ਹੈ, ਨੇ ਦੋਵਾਂ ਦੇਸ਼ਾਂ ਵਿਚਾਲੇ ਇੱਕ ਅਜਿਹੀ ਦੁਸ਼ਮਣੀ ਪੈਦਾ ਕੀਤੀ ਹੈ, ਜਿਸ ਨੂੰ ਕਦੇ ਵੀ ਭੁਲਾਇਆ ਨਹੀਂ ਜਾ ਸਕਦਾ। ਉੱਥੇ ਹੀ ਦੂਸਰੇ ਪਾਸੇ ਅੱਬਾਸੀ ਦਾ ਇਹ ਕਥਨ ਕਿ ਭਾਰਤ ਤੋਂ ਆਉਣ ਵਾਲੀਆਂ ਕੁੜੀਆਂ ਨੂੰ ਇੱਥੇ ਮੁਸਲਿਮ ਧਰਮ ਅਪਨਾਉਣ ਲਈ ਬਹੁਤ ਜ਼ਿਆਦਾ ਤੋਹਫੇ ਅਤੇ ਪੈਸੇ ਦੇਵਾਂਗੇ, ਇਹ ਪਾਕਿਸਤਾਨ ਦੀ ਡੂੰਘੀ ਸਾਜ਼ਿਸ਼ ਦਾ ਹਿੱਸਾ ਹੈ। ਪਾਕਿਸਤਾਨ ’ਚ ਇੱਕ ਤਬਕਾ ਅਜਿਹਾ ਵੀ ਹੈ, ਜੋ ਇਸਦੇ ਜ਼ਰੀਏ ਪ੍ਰਾਪੇਗੰਡਾ ਚਲਾਉਣ ’ਚ ਲੱਗਿਆ ਹੋਇਆ ਹੈ।
Comment here