ਪਾਕਿ ਸਹੀ ਸਹਿਯੋਗ ਦਿੰਦਾ ਤਾਂ ਅਫਗਾਨ ‘ਚ ਇਹ ਹਾਲਾਤ ਨਾ ਹੁੰਦੇ: ਅਮਰੀਕਾ

ਇਸਲਾਮਾਬਾਦ/ਵਾਸ਼ਿੰਗਟਨ- ਅਮਰੀਕਾ ਦੇ ਚੋਟੀ ਦੇ ਡਿਪਲੋਮੈਟ ਥਾਮਸ ਵੈਸਟ ਨੇ ਅਫਗਾਨਿਸਤਾਨ ਮਾਮਲੇ ‘ਤੇ ਕਿਹਾ ਕਿ ਜੇਕਰ ਪਾਕਿਸਤਾਨ ਅਫਗਾਨਿਸਤਾਨ ‘ਚ ਸੰਘਰਸ਼ ਨੂੰ ਖ਼ਤਮ ਕਰਨ ਲਈ ਹੋਏ ਸਮਝੌਤੇ ਨੂੰ ਲੈ ਕੇ ਜ਼ਿਆਦਾ ਸਹੀ ਤੇ ਸੁਚੱਜੇ ਤਰੀਕੇ ਨਾਲ ਅਮਰੀਕਾ ਨਾਲ ਸਹਿਯੋਗ ਕਰਦਾ ਤਾਂ ‘ਅਸੀਂ ਅੱਜ ਇਕ ਵੱਖ ਜਗ੍ਹਾ ‘ਤੇ ਹੁੰਦੇ। ਅਮਰੀਕਾ ਤੇ ਨਾਟੋ ਫੋਰਸਾਂ ਦੀ ਵਾਪਸੀ ਤੇ ਤਾਲਿਬਾਨ ਦੇ ਕੰਟਰੋਲ ਦੇ ਬਾਅਦ ਅਫਗਾਨਿਸਤਾਨ ‘ਚ ਅਮਰੀਕੀ ਟੀਚਿਆਂ ‘ਤੇ ਕੰਮ ਕਰਨ ਦਾ ਜ਼ਿੰਮਾ ਸੌਂਪਿਆ ਗਿਆ ਸੀ। ਅਮਰੀਕਾ ਤੇ ਤਾਲਿਬਾਨ ਦੇ ਨਾਲ ਉਨ੍ਹਾਂ ਵਾਰਤਾ ਦੇ ਵਿਸ਼ੇ ‘ਤੇ ਮੰਗਲਵਾਰ ਨੂੰ ਵਾਸ਼ਿੰਗਟਨ ‘ਚ ਆਯੋਜਿਤ ਇਕ ਪ੍ਰੋਗਰਾਮ ਨੂੰ ਸੰਬੋਧਨ ਕਰਦੇ ਹੋਏ ਵੈਸਟ ਨੇ ਕਿਹਾ, ‘ਵਾਰਤਾ ਦੇ ਦੌਰਾਨ, ਜਨਵਰੀ ਤੋਂ ਅਗਸਤ ਤਕ, ਤੇ ਪਹਿਲੇ ਦੇ ਸਾਲਾਂ ‘ਚ, ਅਸੀਂ ਕੁਝ ਕਦਮਾਂ ਦੇ ਸਬੰਧ ‘ਚ ਪਾਕਿਸਤਾਨ ਦੀ ਅਗਵਾਈ ਦੇ ਨਾਲ ਬਹੁਤ ਨੇੜਲੇ ਸਬੰਧ ‘ਚ ਸੀ। ਅਸੀਂ ਪਾਕਿਸਤਾਨ ਦੇ ਜ਼ਰੀਏ ਇਸ ਸੰਘਰਸ਼ ਦੇ ਹੱਲ ਦੀਆਂ ਸੰਭਾਵਨਾਵਾਂ ਨੂੰ ਵਧਾਉਣ ਦੀ ਬੇਨਤੀ ਕੀਤੀ ਸੀ। ਉਨ੍ਹਾਂ ਕਿਹਾ, ‘ਜੇਕਰ ਪਾਕਿਸਤਾਨ ਨੇ ਉਨ੍ਹਾਂ ‘ਚੋਂ ਕੁਝ ਕਦਮ ਅਫਗਾਨਿਸਤਾਨ ‘ਚ ਸੰਘਰਸ਼ ਨੂੰ ਖ਼ਤਮ ਕਰਨ ਲਈ ਹੋਏ ਸਮਝੌਤੇ ਨੂੰ ਲੈ ਕੇ ਜ਼ਿਆਦਾ ਸਹੀ ਤੇ ਤਰਕ ਸੰਗਤ ਤਰੀਕੇ ਨਾਲ ਚੁੱਕੇ ਹੁੰਦੇ ਤੇ ਅਮਰੀਕਾ ਦੇ ਨਾਲ ਸਹਿਯੋਗ ਕੀਤਾ ਹੁੰਦਾ, ਤਾਂ ਅੱਜ ਅਸੀਂ ਅਲਗ ਜਗ੍ਹਾ ‘ਤੇ ਹੁੰਦੇ।’