ਗੁਰਦਾਸਪੁਰ-ਪਾਕਿਸਤਾਨੀ ਫੌਜ ਲਈ ਜਾਸੂਸੀ ਕਰਨ ਵਾਲੇ ਨੌਜਵਾਨ ਦਾ ਅੱਤਵਾਦੀਆਂ ਵਲੋਂ ਕਤਲ ਕਰਨ ਦੀ ਖਬਰ ਹੈ। ਲੱਕੀ ਮਾਰਵਤ ਜ਼ਿਲ੍ਹੇ ਦੇ ਦੂਰ-ਦੁਰਾਡੇ ਇਲਾਕੇ ’ਚੋਂ ਇਕ 19 ਸਾਲਾ ਨੌਜਵਾਨ ਦਾ ਅੱਤਵਾਦੀਆਂ ਨੇ ਸਿਰ ਕਲਮ ਕਰਕੇ ਕਤਲ ਕਰ ਦਿੱਤਾ। ਸੂਤਰਾਂ ਅਨੁਸਾਰ ਪਿੰਡ ਬਰਗਾੜੀ ਕੋਲ ਖੇਤਾਂ ’ਚ ਇਕ ਨੌਜਵਾਨ ਦੀ ਸਿਰ ਕੱਟੀ ਲਾਸ਼ ਮਿਲੀ, ਜਿਸ ਦੀ ਪਛਾਣ ਹਰੀਦੁੱਲਾ ਵਜੋਂ ਹੋਈ।
ਮ੍ਰਿਤਕ ਦੇ ਪਰਿਵਾਰ ਵਾਲਿਆਂ ਅਤੇ ਚਾਚਾ ਮੁਰਾਦ ਖਾਨ ਅਨੁਸਾਰ ਹਰੀਦੁੱਲਾ ਨੂੰ ਇਕ-ਦੋ ਦਿਨਾਂ ਤੋਂ ਅੱਤਵਾਦੀਆਂ ਵੱਲੋਂ ਪਾਕਿਸਤਾਨ ਲਈ ਜਾਸੂਸੀ ਕਰਨ ਦਾ ਕੰਮ ਬੰਦ ਕਰਨ ਦੀਆਂ ਧਮਕੀਆਂ ਮਿਲ ਰਹੀਆਂ ਸਨ। ਇਸ ਸਬੰਧੀ ਹਰੀਦੁੱਲਾ ਨੇ ਫੌਜ ਦੇ ਅਧਿਕਾਰੀਆਂ ਨੂੰ ਵੀ ਜਾਣਕਾਰੀ ਦਿੱਤੀ ਸੀ। ਬੀਤੇ ਦਿਨ ਅੱਤਵਾਦੀ ਹਰੀਦੁੱਲਾ ਨੂੰ ਮੋਟਰਸਾਈਕਲ ’ਤੇ ਬਿਠਾ ਕੇ ਆਪਣੇ ਨਾਲ ਲੈ ਗਏ ਸਨ ਤੇ ਅੱਜ ਉਸ ਦੀ ਸਿਰ ਕੱਟੀ ਲਾਸ਼ ਮਿਲੀ।
ਨੌਜਵਾਨ ਦੀ ਲਾਸ਼ ਕੋਲ ਇਕ ਖੰਜਰ ਅਤੇ ਅੱਤਵਾਦੀ ਸੰਗਠਨ ਇਤੇਹਾਦਲੁ ਮੁਜ਼ਾਹੀਦੀਨ-ਏ-ਖੁਰਾਸਾਨ ਦਾ ਪਸ਼ਤੋ ਭਾਸ਼ਾ ’ਚ ਪੱਤਰ ਮਿਲਿਆ ਹੈ, ਜਿਸ ਵਿੱਚ ਨੌਜਵਾਨ ਦੀ ਹੱਤਿਆ ਉਸ ਦੇ ਪਾਕਿਸਤਾਨੀ ਫੌਜ ਲਈ ਅੱਤਵਾਦੀਆਂ ਦੇ ਖ਼ਿਲਾਫ਼ ਜਾਸੂਸੀ ਕਰਨ ਦੀ ਸਜ਼ਾ ਦੱਸਿਆ ਗਿਆ ਹੈ।
ਪਾਕਿ ’ਚ ਨੌਜਵਾਨ ਦੀ ਸਿਰ ਕੱਟੀ ਲਾਸ਼ ਮਿਲੀ
Comment here