ਇਸਲਾਮਾਬਾਦ-ਪਾਕਿਸਤਾਨ ਵਿੱਚ ਆਏ ਦਿਨ ਘੱਟ ਗਿਣਤੀਆਂ ਅਤੇ ਇਹਨਾਂ ਦੇ ਧਾਰਮਿਕ ਸਥਾਨਾਂ ‘ਤੇ ਹਮਲੇ ਹੋਣ ਦੇ ਮਾਮਲੇ ਵਾਪਰਦੇ ਰਹਿੰਦੇ ਹਨ। ਪਿਛਲੇਰੀ ਰਾਤ ਸਿੰਧ ਸੂਬੇ ਦੇ ਕਸਬਾ ਸ਼ਿਕਾਰਪੁਰ ’ਚ ਕੱਟੜਪੰਥੀਆਂ ਨੇ ਹਿੰਦੂ ਮੰਦਰ ਦੀਆਂ ਮੂਰਤੀਆਂ ਨੂੰ ਤੋੜਨ ਤੋਂ ਬਾਅਦ ਉਥੇ ਲੁੱਟਮਾਰ ਕੀਤੀ ਤੇ ਫੇਰ ਮੰਦਰ ਵਿਚ ਅੱਗ ਲਾ ਦਿੱਤੀ। ਮੰਦਰ ਦੇ ਪੁਜਾਰੀ ਨਾਲ ਵੀ ਕੁੱਟਮਾਰ ਕੀਤੀ। ਬੀਤੀ ਰਾਤ ਸ਼ਿਕਾਰਪੁਰ ਦੇ ਸੰਤ ਬਾਬਾ ਜੈ ਰਾਮ ਦਾਸ ਸਮਾਧੀ ਤੇ ਆਸ਼ਰਮ ਵਿਚ ਕੁਝ ਕੱਟੜਪੰਥੀਆਂ ਨੇ ਹਮਲਾ ਕਰਕੇ ਪਹਿਲਾ ਤਾਂ ਪੁਜ਼ਾਰੀ ਰਾਮ ਤੀਰਥ ਨਾਲ ਕੁੱਟਮਾਰ ਕਰਕੇ ਉਸ ਨੂੰ ਇਕ ਕਮਰੇ ਵਿਚ ਬੰਦ ਕਰ ਦਿੱਤਾ। ਉਸ ਤੋਂ ਬਾਅਦ ਕੱਟੜਪੰਥੀਆਂ ਜਿਨ੍ਹਾਂ ਦੀ ਗਿਣਤੀ 10 ਤੋਂ 12 ਸੀ, ਨੇ ਮੰਦਰ ਵਿਚ ਰੱਖੀਆਂ ਮੂਰਤੀਆਂ ਨੂੰ ਤੋੜ ਦਿੱਤਾ ਅਤੇ ਮੰਦਰ ਵਿਚ ਪਈ ਰਾਸ਼ੀ ਲੈ ਗਏ, ਜਦਕਿ ਜਾਂਦੇ ਸਮੇਂ ਮੁਲਜ਼ਮ ਮੰਦਰ ਵਿਚ ਅੱਗ ਲਾ ਗਏ। ਮੰਦਰ ਦੇ ਪੁਜਾਰੀ ਨੇ ਤੁਰੰਤ ਪੁਲਸ ਨੂੰ ਸੂਚਿਤ ਕੀਤਾ। ਪੁਜਾਰੀ ਦੇ ਅਨੁਸਾਰ ਦੋਸ਼ੀ ਹਿੰਦੂਆਂ ਨੂੰ ਪਾਕਿਸਤਾਨ ਤੋਂ ਭਜਾਉਣ ਦੀ ਗੱਲ ਕਰ ਰਹੇ ਸੀ। ਜਦ ਉਸ ਨਾਲ ਮਾਰਕੁੱਟ ਕੀਤੀ ਗਈ ਤਾਂ ਉਸ ਵੱਲੋਂ ਵਿਰੋਧ ਕਰਨ ਤੇ ਗੰਦੀਆਂ ਗਾਲਾਂ ਦਿੱਤੀਆਂ ਗਈਆਂ। ਪੁਲਸ ਨੇ ਸ਼ਿਕਾਇਤ ਦਰਜ ਕੀਤੀ ਪਰ ਬਿਆਨ ਨਹੀਂ ਲਏ।
Comment here