ਨੈਸਲੇ ਨੇ ਚਾਕਲੇਟ ਦੇ ਰੈਪਰ ’ਤੇ ਭਗਵਾਨ ਦੀ ਤਸਵੀਰ ਹਟਾਈ, ਮੰਗੀ ਮਾਫ਼ੀ

ਨਵੀਂ ਦਿੱਲੀ-ਮਲਟੀਨੈਸ਼ਨਲ ਕੰਪਨੀ ਨੈਸਲੇ ਵੱਲੋਂ ਕਿਟਕੈਟ ਚਾਕਲੇਟ ਦੇ ਪੈਕ ’ਤੇ ਭਗਵਾਨ ਜਗਨਨਾਥ ਜੀ, ਭਗਵਾਨ ਬਲਭੱਦਰ ਤੇ ਮਾਤਾ ਸੁਭਦਰਾ ਜੀ ਦੀ ਤਸਵੀਰ ਲਗਾਈ ਗਈ ਸੀ, ਜਿਸ ਦੀ ਸੋਸ਼ਲ ਮੀਡੀਆ ’ਤੇ ਕਾਫ਼ੀ ਆਲੋਚਨਾ ਹੋਈ ਸੀ। ਯੂਜ਼ਰਸ ਨੇ ਦੱਸਿਆ ਕਿ ਚਾਕਲੇਟ ਖਾਣ ਤੋਂ ਬਾਅਦ ਲੋਕ ਰੈਪਰ ਨੂੰ ਇਧਰ-ਉਧਰ ਜਾਂ ਡਸਟਬਿਨ ’ਚ ਸੁੱਟ ਦਿੰਦੇ ਹਨ। ਅਜਿਹੇ ’ਚ ਰੈਪਰ ’ਤੇ ਭਗਵਾਨ ਦੀ ਫੋਟੋ ਲਗਾਉਣਾ ਉਸ ਦਾ ਅਪਮਾਨ ਹੈ।ਇਸ ਦੇ ਪਿੱਛੇ ਦਾ ਕਾਰਨ ਕੰਪਨੀ ਨੇ ਦੱਸਿਆ ਕਿ ਉਨ੍ਹਾਂ ਦੇ ਟਰੈਵਲ ਬ੍ਰੇਕ ਪੈਕ ਦਾ ਮਕਸਦ ਇਨ੍ਹਾਂ ਸਥਾਨਾਂ ਦੀ ਖ਼ੂਬਸੂਰਤੀ ਦਾ ਜਸ਼ਨ ਮਨਾਉਣਾ ਸੀ। ਅਜਿਹੇ ’ਚ ਉਨ੍ਹਾਂ ਨੇ ਇਸ ਪੈਕ ’ਚ ਓਡੀਸ਼ਾ ਦੀ ਸੰਸਕ੍ਰਿਤੀ ਦਾ ਜਸ਼ਨ ਮਨਾਇਆ। ਇਸ ਦੇ ਲਈ ਪੈਕ ’ਤੇ ਵਿਲੱਖਣ ਕਲਾ ਫੳਟਟੳਚਹਟਿਰੳ ਨੂੰ ਦਰਸਾਉਂਦਾ ਇਕ ਡਿਜ਼ਾਈਨ ਵਰਤਿਆ ਸੀ।

ਮਾਮਲਾ ਵਧਣ ਤੋਂ ਬਾਅਦ ਹੁਣ ਨੈਸਲੇ ਕੰਪਨੀ ਨੇ ਇਸ ਪੂਰੀ ਘਟਨਾ ਲਈ ਮਾਫ਼ੀ ਮੰਗੀ ਹੈ। ਕੰਪਨੀ ਨੇ ਬਿਆਨ ਜਾਰੀ ਕਰਕੇ ਕਿਹਾ ਕਿ ਉਨ੍ਹਾਂ ਦਾ ਇਰਾਦਾ ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣਾ ਨਹੀਂ ਸੀ। ਇਸ ਦੇ ਨਾਲ ਹੀ ਕੰਪਨੀ ਨੇ ਅਜਿਹੇ ਸਾਰੇ ਉਤਪਾਦਨਾਂ ਨੂੰ ਬਾਜ਼ਾਰ ਤੋਂ ਵਾਪਸ ਮੰਗਵਾਉਣ ਦਾ ਐਲਾਨ ਵੀ ਕੀਤਾ ਹੈ। ਜਲਦੀ ਹੀ ਬਾਕੀ ਸਾਰੇ ਉਤਪਾਦਨਾਂ ਨੂੰ ਬਾਜ਼ਾਰ ਤੋਂ ਹਟਾ ਦਿੱਤਾ ਜਾਵੇਗਾ।