ਨੇਪਾਲ ‘ਚ ਮੁਸਲਮਾਨਾਂ ਤੇ ਈਸਾਈਆਂ ਦੀ ਆਬਾਦੀ ਇਜ਼ਾਫਾ-ਰਿਪੋਰਟ

ਕਾਠਮੰਡੂ-ਸੈਂਟਰਲ ਬਿਊਰੋ ਆਫ ਸਟੈਟਿਸਟਿਕਸ ਦੁਆਰਾ ਜਾਰੀ ਕੀਤੀ ਗਈ ਜਨਗਣਨਾ-2021 ਦੀ ਰਿਪੋਰਟ ਅਨੁਸਾਰ ਨੇਪਾਲ ਵਿੱਚ ਪਿਛਲੇ ਇਕ ਦਹਾਕੇ ਵਿੱਚ ਹਿੰਦੂਆਂ ਅਤੇ ਬੋਧੀਆਂ ਦੀ ਆਬਾਦੀ ਵਿੱਚ ਮਾਮੂਲੀ ਗਿਰਾਵਟ ਆਈ ਹੈ, ਜਦੋਂ ਕਿ ਮੁਸਲਮਾਨਾਂ ਅਤੇ ਈਸਾਈਆਂ ਦੀ ਆਬਾਦੀ ਵਿੱਚ ਵਾਧਾ ਹੋਇਆ ਹੈ। ਰਿਪੋਰਟ ਅਨੁਸਾਰ ਨੇਪਾਲ ਵਿੱਚ ਬਹੁਗਿਣਤੀ ਹਿੰਦੂ ਕੁੱਲ ਆਬਾਦੀ ਦਾ 81.19 ਪ੍ਰਤੀਸ਼ਤ ਹਨ। ਦੇਸ਼ ਵਿੱਚ 2,36,77,744 ਹਿੰਦੂ ਹਨ। ਬੋਧੀ ਦੂਜੇ ਨੰਬਰ ‘ਤੇ ਆਉਂਦੇ ਹਨ, ਜਿਹਨਾਂ ਦੀ ਕੁੱਲ ਆਬਾਦੀ ਵਿਚ ਹਿੱਸੇਦਾਰੀ 8.2 ਫ਼ੀਸਦੀ ਹੈ ਅਤੇ ਉਹਨਾਂ ਦੀ ਆਬਾਦੀ 23,94,549 ਹੈ। ਇੱਥੇ 14,83,060 ਮੁਸਲਮਾਨ ਹਨ, ਜਿਨ੍ਹਾਂ ਦਾ ਕੁੱਲ ਆਬਾਦੀ ਵਿੱਚ ਹਿੱਸਾ 5.09 ਫ਼ੀਸਦੀ ਹੈ।
ਰਿਪੋਰਟ ਦੱਸਦੀ ਹੈ ਕਿ ਪਿਛਲੇ ਦਹਾਕੇ ‘ਚ ਹਿੰਦੂਆਂ ਦੀ ਆਬਾਦੀ ‘ਚ 0.11 ਫ਼ੀਸਦੀ ਅਤੇ ਬੋਧੀਆਂ ਦੀ ਆਬਾਦੀ ‘ਚ 0.79 ਫ਼ੀਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ। ਦੂਜੇ ਪਾਸੇ ਮੁਸਲਮਾਨਾਂ, ਕਿਰਤਾਂ ਅਤੇ ਈਸਾਈਆਂ ਦੀ ਆਬਾਦੀ ਵਿੱਚ ਕ੍ਰਮਵਾਰ 0.69, 0.17 ਅਤੇ 0.36 ਫ਼ੀਸਦੀ ਦਾ ਵਾਧਾ ਹੋਇਆ ਹੈ। 2011 ਦੀ ਮਰਦਮਸ਼ੁਮਾਰੀ ਅਨੁਸਾਰ ਹਿੰਦੂ ਨੇਪਾਲ ਦੀ ਆਬਾਦੀ ਦਾ 81.3 ਪ੍ਰਤੀਸ਼ਤ ਅਤੇ ਬੋਧੀ 9 ਪ੍ਰਤੀਸ਼ਤ ਹਨ। ਮੁਸਲਮਾਨ 4.4 ਫੀਸਦੀ, ਕਿਰਾਤ 3.1 ਫ਼ੀਸਦੀ ਅਤੇ ਈਸਾਈ 0.1 ਫ਼ੀਸਦੀ ਸਨ। ਹਿੰਦੂਆਂ ਦੀ ਆਬਾਦੀ 0.11 ਫ਼ੀਸਦੀ ਅਤੇ ਬੋਧੀਆਂ ਦੀ ਆਬਾਦੀ 0.79 ਫ਼ੀਸਦੀ ਘਟੀ ਹੈ। ਪੰਜ ਹੋਰ ਪ੍ਰਮੁੱਖ ਧਰਮਾਂ ਵਿੱਚ ਪ੍ਰਕ੍ਰਿਤੀ, ਬੋਨ, ਜੈਨ, ਬਹਾਈ ਅਤੇ ਸਿੱਖ ਸ਼ਾਮਲ ਹਨ।
ਮੁਸਲਿਮ ਤੀਜੀ ਅਤੇ ਈਸਾਈ ਪੰਜਵੀਂ ਸਭ ਤੋਂ ਵੱਡੀ ਆਬਾਦੀ
ਮੁਸਲਮਾਨ ਨੇਪਾਲ ਵਿੱਚ ਤੀਜੀ ਸਭ ਤੋਂ ਵੱਡੀ ਆਬਾਦੀ ਹੈ। ਚੌਥੇ ਨੰਬਰ ‘ਤੇ ਕੀਰਾਤ ਆਉਂਦੇ ਹਨ, ਜਿਨ੍ਹਾਂ ਦੀ ਕੁੱਲ ਆਬਾਦੀ ‘ਚ 3.17 ਫੀਸਦੀ ਹਿੱਸੇਦਾਰੀ ਹੈ। ਈਸਾਈ 5,12,313 ਦੀ ਆਬਾਦੀ ਦੇ ਨਾਲ ਪੰਜਵੇਂ ਨੰਬਰ ‘ਤੇ ਆਉਂਦੇ ਹਨ, ਜੋ ਕੁੱਲ ਆਬਾਦੀ ਦਾ 1.76 ਪ੍ਰਤੀਸ਼ਤ ਬਣਦਾ ਹੈ। ਇੱਥੇ 14,83,060 ਮੁਸਲਮਾਨ ਹਨ, ਜਿਨ੍ਹਾਂ ਦਾ ਕੁੱਲ ਆਬਾਦੀ ਵਿੱਚ ਹਿੱਸਾ 5.09 ਫ਼ੀਸਦੀ ਹੈ।