ਨਸ਼ੇ ਦੀ ਪੂਰਤੀ ਲਈ ਪੰਜਾਬਣ ਮੁਟਿਆਰ ਬਣੀ ਲੁਟੇਰੀ, 

ਗੈਂਗ ਨੇ ਤਿੰਨ ਚ ਮਹੀਨਿਆਂ ‘ਚ ਲੁੱਟੇ ਅੱਠ ਬੈਂਕ

ਅੰਮ੍ਰਿਤਸਰ:– ਕਿਸੇ ਵੇਲੇ ਪੰਜਾਬੀ ਆਪਣੇ ਸੱਭਿਆਚਾਰ ਕਰਕੇ ਦੁਨੀਆਂ ਭਰ ਵਿੱਚ ਮਸ਼ਹੂਰ ਸਨ ਪਰ ਵਕਤ ਦੇ ਦੌਰ ਬਦਲਣ ਕਾਰਨ ਰੋਜਗਾਰ ਨਾ ਮਿਲਣ ਕਾਰਨ ਅੱਜ ਦੀ ਪੀੜ੍ਹੀ ਗਲਤ ਰਾਸਤੇ ਤੇ ਤੁਰ ਪਈ ਹੈ। ਨਸ਼ੇ ਦੀ ਲਤ ਨੇ ਪੰਜਾਬ ਦੀ ਜਵਾਨੀ ਨੂੰ ਰੋਲ ਕੇ ਰੱਖ ਦਿੱਤਾ। ਮੁਟਿਆਰਾਂ ਵੀ ਇਸ ਦੀ ਲਪੇਟ ਵਿੱਚ ਆ ਰਹੀਆਂ ਹਨ ਅਤੇ ਜੁਰਮ ਦੀ ਦੁਨੀਆ ਵਿੱਚ ਕਦਮ ਰੱਖ ਰਹੀਆਂ ਹਨ। ਇੱਕ ਬਿਊਟੀ ਪਾਰਲਰ ਵਿੱਚ ਕੰਮ ਕਰਨ ਵਾਲੀ ਕਾਜਲ ਨੇ ਆਪਣੀ ਚਿੱਟੇ ਦੀ ਲਤ ਨੂੰ ਪੂਰਾ ਕਰਨ ਅਤੇ ਐਸ਼ੋ-ਆਰਾਮ ਦੀ ਜ਼ਿੰਦਗੀ ਜਿਊਣ ਲਈ ਲੇਡੀ ਡੋਨ ਬਣ ਕੇ ਕਈ ਬੈਂਕ ਲੁੱਟੇ। ਉਸਨੇ ਆਪਣਾ ਇਕ ਗੈਂਗ ਬਣਾ ਲਿਆ ਸੀ। ਉਸਨੇ ਆਪਣੇ ਗਰੋਹ ਨਾਲ ਮਿਲ ਕੇ ਤਿੰਨ ਮਹੀਨਿਆਂ ਵਿੱਚ ਅੰਮ੍ਰਿਤਸਰ ਅਤੇ ਤਰਨਤਾਰਨ ਵਿੱਚ ਇੱਕ ਤੋਂ ਬਾਅਦ ਇੱਕ ਅੱਠ ਬੈਂਕਾਂ ਤੋਂ ਕਰੀਬ 80 ਲੱਖ ਰੁਪਏ ਦੀ ਲੁੱਟ ਕੀਤੀ। ਹਾਲਾਂਕਿ ਮੰਗਲਵਾਰ ਨੂੰ ਉਹ ਆਪਣੇ ਦੋ ਸਾਥੀਆਂ ਕੁਲਵਿੰਦਰ ਸਿੰਘ ਉਰਫ ਮਦਰ ਅਤੇ ਗੁਰਪ੍ਰੀਤ ਸਿੰਘ ਉਰਫ ਗੋਰਾ ਸਮੇਤ ਪੁਲਿਸ ਦੇ ਹੱਥੇ ਚੜ੍ਹ ਗਈ। ਕਾਜਲ, ਗੁਰਪ੍ਰੀਤ ਅਤੇ ਕੁਲਵਿੰਦਰ ਲੁੱਟ ਦੇ ਪੈਸਿਆਂ ਨਾਲ ਮਹਿੰਗੇ ਹੋਟਲਾਂ ਵਿੱਚ ਠਹਿਰਦੇ ਸਨ ਅਤੇ ਬ੍ਰਾਂਡੇਡ ਕੱਪੜਿਆਂ ਦੇ ਸ਼ੌਕੀਨ ਹਨ। ਬਟਾਲਾ ਰੋਡ, ਸੁੰਦਰ ਨਗਰ ਦੀ ਰਹਿਣ ਵਾਲੀ ਕਾਜਲ ਆਪਣੇ ਦੋ ਸਾਥੀਆਂ ਸਮੇਤ ਮਾਨਾਵਾਲਾ ਵਿਖੇ ਬੈਂਕ ਲੁੱਟਣ ਲਈ ਕਾਰ ਵਿੱਚ ਨਿਕਲੀ ਸੀ। ਇਸ ਦਾ ਪਤਾ ਲੱਗਦਿਆਂ ਹੀ ਪੁਲੀਸ ਨੇ ਨਾਕਾਬੰਦੀ ਕਰ ਦਿੱਤੀ। ਜਦੋਂ ਰੁਕਣ ਦਾ ਇਸ਼ਾਰਾ ਕੀਤਾ ਤਾਂ ਉਨ੍ਹਾਂ ਵਿੱਚੋਂ ਇੱਕ ਨੇ ਪੁਲਿਸ ਟੀਮ ‘ਤੇ ਗੋਲੀਆਂ ਚਲਾ ਦਿੱਤੀਆਂ। ਜਦੋਂ ਪੁਲੀਸ ਨੇ ਛੁਡਾਉਣ ਦੀ ਕੋਸ਼ਿਸ਼ ਕੀਤੀ ਤਾਂ ਤਿੰਨੋਂ ਜਲੰਧਰ ਵੱਲ ਭੱਜ ਗਏ। ਇਸ ਤੋਂ ਬਾਅਦ ਪੁਲਿਸ ਨੇ ਕਰੀਬ 18 ਕਿਲੋਮੀਟਰ ਤੱਕ ਪਿੱਛਾ ਕੀਤਾ ਅਤੇ ਟਾਂਗਰਾ ਨੇੜੇ ਤਿੰਨਾਂ ਨੂੰ ਕਾਬੂ ਕਰ ਲਿਆ। ਪੁੱਛਗਿੱਛ ਤੋਂ ਬਾਅਦ ਪੁਲਿਸ ਨੇ ਉਸ ਦੇ ਗਿਰੋਹ ਦੇ ਪੰਜ ਹੋਰ ਮੈਂਬਰਾਂ ਨੂੰ ਵੀ ਗ੍ਰਿਫਤਾਰ ਕੀਤਾ ਹੈ। ਇਨ੍ਹਾਂ ਕੋਲੋਂ 28 ਲੱਖ ਦੀ ਨਕਦੀ, ਚਾਰ ਪਿਸਤੌਲ, ਇਕ ਰਾਈਫਲ, ਚਾਰ ਤੇਜ਼ਧਾਰ ਚਾਕੂ, ਦੋ ਬਾਈਕ ਅਤੇ ਇਕ ਕਾਰ ਬਰਾਮਦ ਹੋਈ ਹੈ ਐਸ.ਐਸ.ਪੀ (ਦੇਸ਼) ਦੀਪਕ ਹਿਲੋਰੀ ਨੇ ਦੱਸਿਆ ਕਿ ਪੁਲਿਸ ਨੇ ਕਾਜਲ ਅਤੇ ਉਸਦੇ ਦੋਨੋਂ ਸਾਥੀਆਂ ਤੋਂ ਪੁੱਛਗਿੱਛ ਕਰਨ ਉਪਰੰਤ ਰਾਕੇਸ਼ ਕੁਮਾਰ ਉਰਫ ਵਿੱਕੀ ਵਾਸੀ ਮਜੀਠਾ, ਮਜੀਠਾ ਵਾਸੀ ਮੱਖੀ ਕਲਾਂ, ਸੰਦੀਪ ਕੁਮਾਰ ਉਰਫ ਕਾਕਾ ਵਾਸੀ ਤਰਨਕਾਰਨ ਸਥਿਤ ਪਿੰਡ ਭੈਣੀ ਬਾਸਰਕੇ, ਮਨਜੀਤ ਸਿੰਘ ਉਰਫ਼ ਸੋਨੂੰ, ਦਾਸੂਵਾਲ ਦੇ ਰਹਿਣ ਵਾਲੇ ਕ੍ਰਿਸ਼ਨਪ੍ਰੀਤ ਸਿੰਘ ਵਾਸੀ ਦਾਸੂਵਾਲ ਨੂੰ ਵੀ ਕਾਬੂ ਕਰ ਲਿਆ। ਪੁੱਛਗਿੱਛ ਦੌਰਾਨ ਗਿਰੋਹ ਦੇ ਮੈਂਬਰਾਂ ਨੇ ਦੱਸਿਆ ਕਿ ਉਹ ਪਿਛਲੇ ਤਿੰਨ ਮਹੀਨਿਆਂ ਦੌਰਾਨ ਕੁੱਲ ਅੱਠ ਬੈਂਕਾਂ ਤੋਂ 75 ਤੋਂ 80 ਲੱਖ ਰੁਪਏ ਦੀ ਲੁੱਟ ਕਰ ਚੁੱਕੇ ਹਨ। ਇਸ ਤੋਂ ਇਲਾਵਾ ਉਹ ਕਈ ਵਾਰ ਰਸਤੇ ਵਿਚ ਕਾਰਾਂ, ਬਾਈਕ ਅਤੇ ਲੋਕਾਂ ਨੂੰ ਲੁੱਟਦੇ ਰਹਿੰਦੇ ਸੀ। ਇੰਸਪੈਕਟਰ ਅਮਨਦੀਪ ਸਿੰਘ ਨੇ ਦੱਸਿਆ ਕਿ ਅੱਠ ਮੁਲਜ਼ਮਾਂ ਨੂੰ ਬੁੱਧਵਾਰ ਸ਼ਾਮ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ। ਅਦਾਲਤ ਨੇ ਉਸ ਨੂੰ ਤਿੰਨ ਦਿਨ ਦੇ ਪੁਲੀਸ ਰਿਮਾਂਡ ’ਤੇ ਭੇਜ ਦਿੱਤਾ ਹੈ। ਕਾਜਲ ਕੁਝ ਸਾਲ ਪਹਿਲਾਂ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦੇ ਸਾਹਮਣੇ ਇੱਕ ਸੈਲੂਨ ਵਿੱਚ ਕੰਮ ਕਰਦੀ ਸੀ। ਉਸ ਨੂੰ ਉਥੋਂ ਦੀ ਇਕ ਲੜਕੀ ਨੇ ਚਿੱਟੇ ਦਾ ਆਦੀ ਕਰ ਦਿੱਤਾ ਸੀ। ਉਹ ਦਿਨ ਵਿੱਚ ਪੰਜ ਗ੍ਰਾਮ ਚਿੱਟਾ ਖਾਂਦੀ ਹੈ। ਨਸ਼ੇ ‘ਚ ਧੁੱਤ ਹੋ ਕੇ ਉਹ ਲੁੱਟ-ਖੋਹ ਦੀਆਂ ਵਾਰਦਾਤਾਂ ਨੂੰ ਅੰਜਾਮ ਦਿੰਦੀ ਸੀ।