ਨਸ਼ੀਲੇ ਪਦਾਰਥ ਲੈ ਕੇ ਭਾਰਤ ’ਚ ਦਾਖਲ ਹੋ ਰਹੇ ਚੀਨੀ ਡਰੋਨ—ਫੌਜ ਮੁਖੀ

ਬੀਜਿੰਗ-ਬੀਐਸਐਫ ਦੇ 57ਵੇਂ ਸਥਾਪਨਾ ਦਿਵਸ ਦੀ ਪੂਰਵ ਸੰਧਿਆ ’ਤੇ ਡਾਇਰੈਕਟਰ ਜਨਰਲ ਪੰਕਜ ਕੁਮਾਰ ਸਿੰਘ ਨੇ ਕਿਹਾ ਕਿ ਚੀਨ ਦੇ ਬਣੇ ਡਰੋਨ, 95 ਫੀਸਦੀ ਮਾਮਲਿਆਂ ਵਿੱਚ ਨਸ਼ੀਲੇ ਪਦਾਰਥ ਲੈ ਕੇ ਜਾਂਦੇ ਹਨ, ਸਰਹੱਦ ਪਾਰ ਤੋਂ ਪੰਜਾਬ ਅਤੇ ਜੰਮੂ ਖੇਤਰ ਵਿੱਚ ਦਾਖਲ ਹੋ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਇਹ ਚਿੰਤਾ ਦਾ ਵਿਸ਼ਾ ਹੈ ਅਤੇ ਇਸ ਨਾਲ ਨਜਿੱਠਣ ਲਈ ਤਕਨਾਲੋਜੀ ਆਧਾਰਿਤ ਹੱਲ ਲੱਭੇ ਜਾ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਪਾਕਿਸਤਾਨ ਨਾਲ ਲੱਗਦੀ ਦੇਸ਼ ਦੀ ਪੱਛਮੀ ਸਰਹੱਦ ’ਤੇ ਇਸ ਸਾਲ ਹੁਣ ਤੱਕ ਘੱਟੋ-ਘੱਟ 67 ਡਰੋਨ ਦੇਖੇ ਗਏ ਹਨ। ਸਿੰਘ ਨੇ ਕਿਹਾ, “ਇਸ ਸਮੇਂ ਸਾਡੇ ਦੇਸ਼ ਵਿੱਚ ਆਉਣ ਵਾਲੇ ਡਰੋਨਾਂ ਦੀ ਗਿਣਤੀ ਘੱਟ ਹੈ ਅਤੇ ਇਹ ਸਾਰੇ ਚੀਨ ਵਿੱਚ ਬਣੇ ਡਰੋਨ ਹਨ3ਉਹ ਬਹੁਤ ਉੱਨਤ ਹਨ ਅਤੇ ਘੱਟ ਭਾਰ ਚੁੱਕਣ ਦੇ ਯੋਗ ਹਨ ਅਤੇ 95 ਪ੍ਰਤੀਸ਼ਤ ਮਾਮਲਿਆਂ ਵਿੱਚ ਉਹ ਡਰੱਗ ਲੈ ਜਾਂਦੇ ਹਨ।” ਉਨ੍ਹਾਂ ਕਿਹਾ, ‘‘ਅਸੀਂ ਸਰਹੱਦ ’ਤੇ ਇੱਕ ਤਰ੍ਹਾਂ ਦਾ ਐਂਟੀ-ਡਰੋਨ ਸਿਸਟਮ ਲਗਾਇਆ ਹੈ ਅਤੇ ਇਹ ਵਧੀਆ ਕੰਮ ਕਰ ਰਿਹਾ ਹੈ ਪਰ ਅਸੀਂ ਹੋਰ ਤਕਨੀਕ ਦੀ ਵਰਤੋਂ ਕਰਨ ਦੀ ਪ੍ਰਕਿਰਿਆ ਵਿੱਚ ਹਾਂ,” ਉਸਨੇ ਕਿਹਾ।