ਨਵੇਂ ਸਾਲ ‘ਤੇ ਮਿਆਂਮਾਰ ਨੇ ਸੈਂਕੜੇ ਕੈਦੀ ਛੱਡੇ

ਯਾਂਗੂਨ -ਨਵੇਂ ਸਾਲ ਦੇ ਜਸ਼ਨਾਂ ਮੌਕੇ ਮਿਆਂਮਾਰ ਵਿੱਚ ਹਜ਼ਾਰਾਂ ਕੈਦੀਆਂ ਨੂੰ ਰਿਹਾਈ ਦਿੱਤੀ ਜਾਂਦੀ ਹੈ। ਇਸ ਵਾਰ ਵੀ ਰਵਾਇਤੀ ਨਵੇਂ ਸਾਲ ਦੇ ਪਹਿਲੇ ਦਿਨ ਐਤਵਾਰ ਨੂੰ ਕੁੱਲ 1,619 ਕੈਦੀਆਂ ਦੀ ਸਜ਼ਾ ਮੁਆਫ਼ ਕਰ ਕੇ ਉਹਨਾਂ ਨੂੰ ਰਿਹਾਅ ਕਰ ਦਿੱਤਾ। ਕੌਂਸਲ ਦੇ ਹੁਕਮਾਂ ਅਨੁਸਾਰ ਮਿਆਂਮਾਰ ਦੇ 1,577 ਕੈਦੀਆਂ ਅਤੇ 42 ਵਿਦੇਸ਼ੀ ਕੈਦੀਆਂ ਨੂੰ ਦੇਸ਼ ਦੇ ਰਵਾਇਤੀ ਨਵੇਂ ਸਾਲ ਦਾ ਜਸ਼ਨ ਮਨਾਉਣ ਅਤੇ ਸਬੰਧਤ ਦੇਸ਼ਾਂ ਨਾਲ ਸਬੰਧਾਂ ਦੇ ਮੱਦੇਨਜ਼ਰ ਰਿਹਾਅ ਕੀਤਾ ਗਿਆ। ਕੌਂਸਲ ਨੇ ਇਸ ਸਾਲ 12 ਫਰਵਰੀ ਨੂੰ ਡਾਇਮੰਡ ਜੁਬਲੀ ਯੂਨੀਅਨ ਦਿਵਸ ਦੇ ਮੌਕੇ ‘ਤੇ ਮਿਆਂਮਾਰ ਦੇ 814 ਕੈਦੀਆਂ ਅਤੇ ਸੱਤ ਵਿਦੇਸ਼ੀ ਕੈਦੀਆਂ ਨੂੰ ਰਿਹਾਅ ਕੀਤਾ ਸੀ। ਮਿਆਂਮਾਰ ਨੇ 2021 ਵਿੱਚ ਨਵੇਂ ਸਾਲ ਦੇ ਮੌਕੇ ਆਮ ਮੁਆਫ਼ੀ ਦੇ ਤਹਿਤ 23,184 ਕੈਦੀਆਂ ਨੂੰ ਰਿਹਾਅ ਕੀਤਾ ਸੀ।