ਧੀਆਂ ਦੇਸ਼ ਦਾ ਮਾਣ ਬਣੀਆਂ-ਪੀ ਵੀ ਸਿੰਧੂ ਨੇ ਦਿਵਾਇਆ ਭਾਰਤ ਨੂੰ ਦੂਜਾ ਉਲੰਪਿਕ ਤਮਗਾ

ਟੋਕੀਓ-ਪੀਵੀ ਸਿੰਧੂ ਨੇ ਟੋਕੀਓ ਓਲੰਪਿਕ ਵਿੱਚ ਚੀਨ ਦੇ ਹੀ ਬਿੰਗ ਜਿਆਓ  ਨੂੰ ਹਰਾ ਕੇ ਕਾਂਸੀ ਦਾ ਤਗਮਾ ਜਿੱਤ ਕੇ ਇਤਿਹਾਸ ਰਚਿਆ ਹੈ। ਇਸ ਜਿੱਤ ਦੇ ਨਾਲ ਪੀਵੀ ਸਿੰਧੂ ਲਗਾਤਾਰ ਦੋ ਓਲੰਪਿਕ ਤਗਮੇ ਜਿੱਤਣ ਵਾਲੀ ਭਾਰਤ ਦੀ ਪਹਿਲੀ ਮਹਿਲਾ ਖਿਡਾਰੀ ਬਣ ਗਈ ਹੈ। ਭਾਰਤੀ ਸਟਾਰ ਸ਼ਟਲਰ ਨੇ ਇਸ ਤੋਂ ਪਹਿਲਾਂ 2016 ਰੀਓ ਓਲੰਪਿਕ ਵਿੱਚ ਚਾਂਦੀ ਦਾ ਤਗਮਾ ਜਿੱਤਿਆ ਸੀ। ਪੀਵੀ ਸਿੰਧੂ ਦਾ ਟੋਕੀਓ ਓਲੰਪਿਕ ਵਿੱਚ ਭਾਰਤ ਦਾ ਦੂਜਾ ਤਮਗਾ ਹੈ। ਭਾਰਤ ਨੇ ਆਪਣਾ ਪਹਿਲਾ ਤਮਗਾ ਵੇਟਲਿਫਟਰ ਮੀਰਾਬਾਈ ਚਾਨੂ ਦੁਆਰਾ ਟੋਕੀਓ ਵਿੱਚ ਪ੍ਰਾਪਤ ਕੀਤਾ। ਮੁੱਕੇਬਾਜ਼ ਲਵਲੀਨਾ ਵੀ ਫਾਈਨਲ ਵਿੱਚ ਪਹੁੰਚ ਚੁੱਕੀ ਹੈ। ਉਹ ਹੁਣ ਸੋਨ ਤਮਗਾ ਮੈਚ ਵਿੱਚ ਪ੍ਰਵੇਸ਼ ਕਰੇਗੀ। ਜੇ ਉਹ ਨਹੀਂ ਜਿੱਤਦੀ, ਤਾਂ ਵੀ ਉਹ ਚਾਂਦੀ ਦੇ ਤਗਮੇ ਨਾਲ ਦੇਸ਼ ਵਾਪਸ ਆਵੇਗੀ। ਛੇਵਾਂ ਦਰਜਾ ਪ੍ਰਾਪਤ ਪੀਵੀ ਸਿੰਧੂ ਅਤੇ ਅੱਠਵਾਂ ਦਰਜਾ ਪ੍ਰਾਪਤ ਹਾਈ ਬਿੰਗ ਜ਼ਿਆਓ ਐਤਵਾਰ ਨੂੰ ਟੋਕੀਓ ਵਿੱਚ ਕਾਂਸੀ ਦੇ ਤਗਮੇ ਲਈ ਭਿੜੇ। ਪੀਵੀ ਸਿੰਧੂ, ਜੋ ਇੱਕ ਦਿਨ ਪਹਿਲਾਂ ਤਾਈ ਜ਼ੂ ਯਿੰਗ ਤੋਂ ਮੈਚ ਹਾਰ ਗਈ ਸੀ। ਉਸ ਨੇ ਚੀਨ ਦੀ ਸਟਾਰ ਸ਼ਟਲਰ ਹੀ ਬਿੰਗ ਜਿਆਓ ਨੂੰ 21-13, 21-15 ਨਾਲ ਹਰਾਇਆ। ਇਸ ਮੈਚ ਨੂੰ ਜਿੱਤਣ ਵਿੱਚ ਉਸਨੂੰ 52 ਮਿੰਟ ਲੱਗੇ। ਪਿਛਲੇ ਕੁਝ ਮੈਚਾਂ ਵਿੱਚ, ਸਾਵਧਾਨੀ ਨਾਲ ਖੇਡਣ ਵਾਲੀ ਪੀਵੀ ਸਿੰਧੂ ਨੇ ਬਿੰਗ ਜ਼ਿਆਓ ਦੇ ਵਿਰੁੱਧ ਹਮਲਾਵਰ ਖੇਡ ਦਿਖਾਈ ਅਤੇ ਸ਼ਾਨਦਾਰ ਸਮੈਸ਼ ਲਗਾਏ। ਭਾਰਤੀ ਸ਼ਟਲਰ ਨੂੰ ਵੀ ਇਸ ਦਾ ਫਾਇਦਾ ਮਿਲਿਆ ਅਤੇ ਉਸ ਨੇ ਸ਼ੁਰੂ ਤੋਂ ਹੀ ਵਾਧਾ ਬਣਾਇਆ।