ਧਮਕੀਆਂ ਕਾਰਨ ਬਿਆਨ ਦਰਜ ਨਹੀਂ ਕਰਵਾ ਰਹੇ ਕਈ ਦੰਗਾ ਪੀੜਤ

ਲੁਧਿਆਣਾ :  ਦੰਗਿਆਂ ਦੀ ਜਾਂਚ ਲਈ ਕਾਨਪੁਰ ਤੋਂ ਪੰਜਾਬ ਆਈ ਵਿਸ਼ੇਸ਼ ਜਾਂਚ ਟੀਮ ਦੇ ਅਧਿਕਾਰੀ ਅੱਜ ਲੁਧਿਆਣਾ ਪਹੁੰਚੇ। ਉਨ੍ਹਾਂ ਨੇ ਅੱਜ ਫਿਰ ਸਵੇਰੇ ਲੁਧਿਆਣਾ ਵਿੱਚ ਦੰਗਿਆਂ ਤੋਂ ਪ੍ਰਭਾਵਿਤ ਪਰਿਵਾਰਾਂ ਨਾਲ ਗੱਲਬਾਤ ਕੀਤੀ। ਇਸ ਤੋਂ ਪਹਿਲਾਂ ਇਹ ਟੀਮ ਅੰਮ੍ਰਿਤਸਰ, ਮੋਰਿੰਡਾ, ਰੋਪੜ ਆਦਿ ਇਲਾਕਿਆਂ ਵਿੱਚ ਪੀੜਤਾਂ ਨਾਲ ਗੱਲਬਾਤ ਕਰ ਚੁੱਕੀ ਹੈ ਅਤੇ ਲੋਕਾਂ ਦੇ ਬਿਆਨ ਦਰਜ ਕਰਨ ਦੇ ਨਾਲ-ਨਾਲ ਉਨ੍ਹਾਂ ਤੋਂ ਸਬੂਤ ਇਕੱਠੇ ਕੀਤੇ ਜਾ ਰਹੇ ਹਨ। ਯੂਪੀ ‘ਚ ਰਹਿ ਰਹੇ ਦੰਗਾ ਪੀੜਤਾਂ ਦੇ ਪਰਿਵਾਰਾਂ ਨੂੰ ਹੁਣ ਧਮਕੀਆਂ ਮਿਲਣੀਆਂ ਸ਼ੁਰੂ ਹੋ ਗਈਆਂ ਹਨ, ਜਿਸ ਨਾਲ ਐਸਆਈਟੀ ਟੀਮ ਦੀ ਜਾਂਚ ਪ੍ਰਭਾਵਿਤ ਹੋ ਰਹੀ ਹੈ ਕਿਉਂਕਿ ਜਿੰਨ੍ਹਾਂ ਲੋਕਾਂ ਨੇ ਬਿਆਨ ਦਰਜ ਕਰਵਾਉਣੇ ਸਨ, ਉਹ ਹੁਣ ਬਿਆਨ ਦਰਜ ਕਰਵਾਉਣ ਤੋਂ ਪੈਰ ਪਿੱਛੇ ਖਿੱਛ ਰਹੇ ਹਨ। ਦੰਗਾ ਪੀੜਤ ਭਲਾਈ ਕਮੇਟੀ ਦੇ ਪ੍ਰਧਾਨ ਸੁਰਜੀਤ ਸਿੰਘ ਨੇ ਦੱਸਿਆ ਹੈ ਕਿ ਉੱਤਰ ਪ੍ਰਦੇਸ਼ ਵਿੱਚ ਵਸੇ ਸਿੱਖਾਂ ਨੇ ਇਹ ਸੂਚਨਾ ਇੱਥੇ ਆਪਣੇ ਰਿਸ਼ਤੇਦਾਰਾਂ ਨੂੰ ਦਿੱਤੀ ਹੈ। ਪਰ ਉਹ ਆਪਣਾ ਨਾਂ ਨਹੀਂ ਦੱਸਣਾ ਚਾਹੁੰਦਾ। ਟੀਮ ਨੇ ਹੁਣ ਤਕ ਪੰਜਾਬ ਦੇ ਵੱਖ ਵੱਖ ਇਲਾਕਿਆਂ ਵਿਚੋਂ ਕਈ ਦਰਜਨ ਲੋਕਾਂ ਕੋਲੋਂ ਪੁੱਛਗਿੱਛ ਕੀਤੀ ਹੈ ਅਤੇ ਹੁਣ ਤੱਕ ਛੇ ਵਿਅਕਤੀਆਂ ਦੇ ਬਿਆਨ ਦਰਜ ਕੀਤੇ ਹਨ । ਇੰਸਪੈਕਟਰ ਐੱਸ ਪੀ ਸਿੰਘ ਦੀ ਅਗਵਾਈ ਵਿਚ ਇਹ ਟੀਮ ਪੰਜਾਬ ਵਿੱਚ ਪਿਛਲੇ ਪੰਜ ਦਿਨਾਂ ਤੋਂ ਹੈ। ਸਵੇਰੇ ਅੱਠ ਵਜੇ ਦੇ ਕਰੀਬ ਟੀਮ ਜਮਾਲਪੁਰ ਦੇ ਐਮ ਆਈ ਜੀ ਫਲੈਟਸ ਵਿਚ ਪਹੁੰਚੀ ਜਿਸ ਤੋਂ ਬਾਅਦ ਟੀਮ ਦੁਗਰੀ ਦੀ ਸੀਆਰਪੀਐਫ ਕਲੋਨੀ ਵਿੱਚ ਗਈ । ਟੀਮ ਨੇ ਦੋ ਅਜਿਹੇ ਵਿਅਕਤੀਆਂ ਨਾਲ ਗੱਲਬਾਤ ਕੀਤੀ ਜੋ ਕਾਨਪੁਰ ਤੋਂ ਉੱਜੜ ਕੇ ਸਿੱਧਾ ਲੁਧਿਆਣਾ ਪਹੁੰਚੇ ਸਨ । ਉਨ੍ਹਾਂ ਨੇ ਰਸਤੇ ਵਿਚ ਹੋਈ ਲੁੱਟ ਖੋਹ ਅਤੇ ਕੁੱਟ ਮਾਰ ਦੀ ਕਹਾਣੀ ਬਿਆਨ ਕੀਤੀ । ਇੰਸਪੈਕਟਰ ਐਸਪੀ ਸਿੰਘ ਦੀ ਅਗਵਾਈ ਹੇਠ ਪੰਜਾਬ ਪਹੁੰਚੀ ਟੀਮ ਪਿਛਲੇ ਪੰਜ ਦਿਨਾਂ ਤੋਂ ਪੰਜਾਬ ’ਚ ਹੈ। ਜਿਸ ਦੌਰਾਨ ਦਰਜਨਾਂ ਲੋਕਾਂ ਤੋਂ ਪੁੱਛਗਿੱਛ ਕੀਤੀ ਜਾ ਚੁੱਕੀ ਹੈ ਅਤੇ ਹੁਣ ਤਕ ਪੰਜਾਬ ਦੇ 6 ਲੋਕਾਂ ਦੇ ਬਿਆਨ ਕਲਮਬੰਦ ਕੀਤੇ ਜਾ ਚੁੱਕੇ ਹਨ। ਅੱਜ ਟੀਮ ਪਹਿਲਾਂ ਐਮਆਈਜੀ ਫਲੈਟ ਜਮਾਲਪੁਰ ਦੇ ਗੁਰਦੁਆਰਾ ਸਾਹਿਬ ਪਹੁੰਚੀ ਸੀ ਅਤੇ ਬਾਅਦ ਵਿੱਚ ਦੁੱਗਰੀ ਸਥਿਤ ਸੀਆਰਪੀ ਕਲੋਨੀ ਵਿੱਚ ਪਹੁੰਚੀ ਸੀ। ਇੱਥੇ ਦੰਗਾ ਪੀੜਤ ਭਲਾਈ ਕਮੇਟੀ ਦੀ ਮੈਂਬਰ ਗੁਰਦੀਪ ਕੌਰ ਦੇ ਘਰ ਜਾ ਕੇ ਲੋਕਾਂ ਨਾਲ ਗੱਲਬਾਤ ਕੀਤੀ ਜਾ ਰਹੀ ਹੈ। ਪੁਲਿਸ ਨੇ ਅੱਜ ਦੋ ਲੋਕਾਂ ਨਾਲ ਗੱਲ ਕੀਤੀ ਜੋ ਬਰਬਾਦ ਹੋ ਕੇ ਕਾਨਪੁਰ ਤੋਂ ਇੱਥੇ ਆਏ ਸਨ। ਉਨ੍ਹਾਂ ਨੂੰ ਕੁੱਟਿਆ ਅਤੇ ਲੁੱਟਿਆ ਗਿਆ। ਜਿਨ੍ਹਾਂ ਦੇ ਰਿਸ਼ਤੇਦਾਰ ਕਾਨਪੁਰ ਵਿੱਚ ਮਾਰੇ ਗਏ ਹਨ, ਟੀਮ ਉਨ੍ਹਾਂ 50 ਪਰਿਵਾਰਾਂ ਦੀ ਭਾਲ ਕਰ ਰਹੀ ਹੈ। ਪਰ ਟੀਮ ਨੇ ਹੁਣ ਤੱਕ ਸਿਰਫ਼ ਚਾਰ ਤੋਂ ਪੰਜ ਪਰਿਵਾਰ ਹੀ ਲੱਭੇ ਹਨ, ਜਿਨ੍ਹਾਂ ‘ਤੇ ਕੇਸ ਦਰਜ ਹਨ। ਟੀਮ ਦੇ ਮੁਖੀ ਇੰਸਪੈਕਟਰ ਸੰਦੀਪ ਸਿੰਘ ਦਾ ਕਹਿਣਾ ਹੈ ਕਿ 38 ਸਾਲ ਬਾਅਦ ਵੀ ਲੋਕ ਡਰੇ ਹੋਏ ਹਨ। ਕਈ ਲੋਕ ਜਾਣਕਾਰੀ ਦੇ ਰਹੇ ਹਨ ਪਰ ਬਿਆਨ ਦਰਜ ਕਰਨ ਤੋਂ ਟਾਲਾ ਵੱਟ ਰਹੇ ਹਨ। ਅੱਜ ਪੂਰਾ ਦਿਨ ਲੁਧਿਆਣਾ ‘ਚ ਰਹਿ ਕੇ ਲੋਕਾਂ ਤੋਂ ਪੁੱਛਗਿੱਛ ਕਰਕੇ ਉਨ੍ਹਾਂ ਦੇ ਬਿਆਨ ਦਰਜ ਕਰਵਾਉਣ ਲਈ ਮਨਾ ਲਵਾਂਗੇ। ਪ੍ਰਧਾਨ ਮੰਤਰੀ ਇੰਦਰਾ ਗਾਂਧੀ ਦੀ ਹੱਤਿਆ ਤੋਂ ਬਾਅਦ ਦੇਸ਼ ਭਰ ਵਿੱਚ ਦੰਗੇ ਭੜਕ ਗਏ ਸਨ। ਇਸ ਦੌਰਾਨ ਕਾਨਪੁਰ ਵਿੱਚ ਵੀ ਦੰਗੇ ਹੋਏ ਸਨ। ਜਿਸ ਦੌਰਾਨ ਦੰਗਾਕਾਰੀਆਂ ਨੇ 127 ਸਿੱਖਾਂ ਨੂੰ ਕਤਲ ਕਰ ਦਿੱਤਾ ਸੀ। ਇਨ੍ਹਾਂ ਖ਼ਿਲਾਫ਼ ਸ਼ਹਿਰ ਦੇ ਵੱਖ-ਵੱਖ ਥਾਣਿਆਂ ਵਿੱਚ ਕਤਲ, ਲੁੱਟ-ਖੋਹ ਅਤੇ ਡਕੈਤੀ ਵਰਗੀਆਂ ਗੰਭੀਰ ਧਾਰਾਵਾਂ ਤਹਿਤ 40 ਕੇਸ ਦਰਜ ਹਨ। ਪੁਲਿਸ ਨੇ ਜਾਂਚ ਤੋਂ ਬਾਅਦ 29 ਮਾਮਲਿਆਂ ਵਿੱਚ ਅੰਤਿਮ ਰਿਪੋਰਟ ਸੌਂਪੀ ਸੀ। 27 ਮਈ 2019 ਨੂੰ ਇਸ ਮਾਮਲੇ ਵਿੱਚ ਗਠਿਤ ਐਸਆਈਟੀ ਅੰਤਿਮ ਰਿਪੋਰਟ ਵਿੱਚ 20 ਮਾਮਲਿਆਂ ਦੀ ਅਗਾਊਂ ਜਾਂਚ ਕਰ ਰਹੀ ਹੈ।