ਕਾਬੁਲ-ਅਫ਼ਗਾਨਿਸਤਾਨ ’ਚ ਤਾਲਿਬਾਨੀ ਸਰਕਾਰ ਆਪਣੀ ਹਕੂਮਤ ਦੀ ਦਹਿਸ਼ਤ ਫੈਲਾਉਣ ਲਈ ਹੇਰਾਤ ਸ਼ਹਿਰ ’ਚ ਲਾਸ਼ ਲਿਆ ਕੇ ਉਸ ਨੂੰ ਕਰੇਨ ਨਾਲ ਚੌਰਾਹੇ ’ਤੇ ਟੰਗ ਦਿੱਤਾ। ਹੇਰਾਤ ਸ਼ਹਿਰ ਦੇ ਜਿਸ ਚੌਰਾਹੇ ’ਤੇ ਇਹ ਲਾਸ਼ ਲਟਕਾਈ ਗਈ ਸੀ, ਉਸਦੇ ਕੋਲ ਹੀ ਫਾਰਮੇਸੀ ਦੀ ਦੁਕਾਨ ਚਲਾਉਣ ਵਾਲੇ ਵਜ਼ੀਰ ਅਹਿਮਦ ਸਿੱਦੀਕੀ ਨੇ ਦੱਸਿਆ ਕਿ ਤਾਲਿਬਾਨ ਚਾਰ ਲਾਸ਼ਾਂ ਲੈ ਕੇ ਆਏ। ਇਨ੍ਹਾਂ ’ਚੋਂ ਇਕ ਲਾਸ਼ ਨੂੰ ਉਨ੍ਹਾਂ ਨੇ ਕਰੇਨ ਦੀ ਮਦਦ ਨਾਲ ਚੌਰਾਹੇ ’ਤੇ ਟੰਗ ਦਿੱਤਾ। ਤਿੰਨ ਹੋਰ ਲਾਸ਼ਾਂ ਨੂੰ ਦੂਜੇ ਚੌਰਾਹਿਆਂ ’ਤੇ ਇਸੇ ਹੀ ਤਰ੍ਹਾਂ ਟੰਗਣ ਲਈ ਲੈ ਗਏ।
ਤਾਲਿਬਾਨ ਨੇ ਚੌਰਾਹੇ ’ਤੇ ਲਾਸ਼ ਟੰਗਦੇ ਹੋਏ ਐਲਾਨ ਕੀਤਾ ਕਿ ਮਾਰੇ ਗਏ ਇਨ੍ਹਾਂ ਚਾਰ ਲੋਕਾਂ ਨੇ ਅਗਵਾ ਕਾਂਡ ਕੀਤਾ ਸੀ ਤੇ ਇਨ੍ਹਾਂ ਸਾਰਿਆਂ ਨੂੰ ਪੁਲਿਸ ਨੇ ਮੁਕਾਬਲੇ ’ਚ ਮਾਰਿਆ ਹੈ। ਤਾਲਿਬਾਨ ਦਾ ਇਸ ਘਟਨਾ ਦੇ ਸਬੰਧ ’ਚ ਕੋਈ ਬਿਆਨ ਨਹੀਂ ਆਇਆ ਹੈ। ਤਾਲਿਬਾਨ ਦੇ ਸੰਸਥਾਪਕਾਂ ’ਚੋਂ ਇਕ ਤੇ ਇਸਲਾਮੀ ਕਾਨੂੰਨਾਂ ਦੇ ਸਖ਼ਤੀ ਨਾਲ ਲਾਗੂ ਕਰਨ ਦੇ ਹਮਾਇਤੀ ਮੁੱਲਾ ਨੂਰਉੱਦੀਨ ਤੁਰਾਬੀ ਨੇ ਪਿਛਲੇ ਹਫ਼ਤੇ ਕਿਹਾ ਸੀ ਕਿ ਤਾਲਿਬਾਨ ਮੁੜ ਤੋਂ ਫਾਂਸੀ ਤੇ ਹੱਥ ਕੱਟਣ ਦੀ ਸਜ਼ਾ ਸ਼ੁਰੂ ਕਰੇਗਾ। ਇਸ ਵਾਰ ਇਹ ਸਜ਼ਾ ਜਨਤਕ ਨਹੀਂ ਹੋਵੇਗੀ।
ਤਾਲਿਬਾਨ ਦਾ ਅਗਸਤ ’ਚ ਪੂਰੇ ਅਫ਼ਗਾਨਿਸਤਾਨ ’ਤੇ ਕਬਜ਼ਾ ਹੋਣ ਤੋਂ ਬਾਅਦ ਤੋਂ ਹਰ ਦਿਨ ਉਸ ਦੇ ਜ਼ੁਲਮ ਢਾਹੁਣ ਦੀਆਂ ਘਟਨਾਵਾਂ ਸਾਹਮਣੇ ਆ ਰਹੀਆਂ ਹਨ। ਉਸ ਨੇ ਮੁੜ ਤੋਂ ਆਪਣੇ ਪੁਰਾਣੇ ਸ਼ਾਸਨ ਦੀ ਯਾਦ ਦਿਵਾ ਦਿੱਤੀ ਹੈ। ਤਾਲਿਬਾਨ ਦੀ ਸਰਕਾਰ ਬਣਨ ਤੋਂ ਬਾਅਦ ਕਾਇਦੇ ਕਾਨੂੰਨਾਂ ਦੀ ਬਜਾਏ ਹੁਣ ਉਹ ਪੁਰਾਣੇ ਅੰਦਾਜ਼ ’ਚ ਹੀ ਸਰਕਾਰ ਚਲਾਉਣ ਲੱਗਾ ਹੈ।
ਤਾਲਿਬਾਨ ਨੇ ਕਾਇਦੇ ਕਾਨੂੰਨ ਛਿੱਕੇ ’ਤੇ ਟੰਗੇ, ਲਾਸ਼ ਨੂੰ ਚੌਰਾਹੇ ’ਤੇ ਟੰਗਿਆ

Comment here