ਤਾਲਿਬਾਨੀ ਬਲਾਂ ਨੇ 6 ਆਈਐਸ ਅੱਤਵਾਦੀ ਮਾਰੇ

ਕਾਬੁਲ-ਬੀਤੀ ਰਾਤ ਇੱਤੇ ਤਾਲਿਬਾਨ ਸੁਰੱਖਿਆ ਬਲਾਂ ਨੇ ਅੱਤਵਾਦੀ ਇਸਲਾਮਿਕ ਸਟੇਟ ਸਮੂਹ ਦੇ ਛੇ ਮੈਂਬਰਾਂ ਨੂੰ ਮਾਰ ਦਿੱਤਾ। ਸੱਤਾਧਾਰੀ ਸਮੂਹ ਦੇ ਪ੍ਰਸ਼ਾਸਨ ਦੇ ਬੁਲਾਰੇ ਨੇ ਇਹ ਜਾਣਕਾਰੀ ਦਿੱਤੀ। ਬੁਲਾਰੇ ਕਾਰੀ ਯੂਸਫ ਅਹਿਮਦੀ ਨੇ ਕਿਹਾ ਕਿ ਅੱਤਵਾਦੀ ਟਿਕਾਣੇ ‘ਤੇ ਛਾਪੇਮਾਰੀ ‘ਚ ਮਾਰੇ ਗਏ ਆਈਐਸ ਮੈਂਬਰ ਹਾਲ ਹੀ ਦੇ ਹਫਤਿਆਂ ‘ਚ ਦੋ ਵੱਡੇ ਹਮਲਿਆਂ ‘ਚ ਸ਼ਾਮਲ ਸਨ। ਜਿਨ੍ਹਾਂ ‘ਚੋਂ ਇਕ ਸ਼ਹਿਰ ਦੀ ਇਕ ਮਸਜਿਦ ‘ਤੇ ਅਤੇ ਦੂਜਾ ਇਕ ਵਿਦਿਅਕ ਅਦਾਰੇ ‘ਤੇ ਹਮਲਾ ਸੀ, ਜਿਸ ਵਿਚ ਕਈ ਵਿਦਿਆਰਥਣਾਂ ਦੀ ਮੌਤ ਹੋ ਗਈ ਸੀ।”
ਉਨ੍ਹਾਂ ਕਿਹਾ,” ਮਾਰੇ ਗਏ ਅੱਤਵਾਦੀ ਵਜ਼ੀਰ ਅਕਬਰ ਖਾਨ ਮਸਜਿਦ ਅਤੇ ਕਾਜ਼ ਵਿਦਿਅਕ ਸੰਸਥਾ ‘ਤੇ ਹਮਲਾਵਰ ਸਨ। ਇਸ ਕਾਰਵਾਈ ‘ਚ ਤਾਲਿਬਾਨ ਸੁਰੱਖਿਆ ਬਲ ਦਾ ਵੀ ਮਾਰਿਆ ਗਿਆ। ਮਹੱਤਵਪੂਰਨ ਗੱਲ ਇਹ ਹੈ ਕਿ ਕਾਜ ਇੰਸਟੀਚਿਊਟ ਸਿੱਖਿਆ ਕੇਂਦਰ ਦੇ ਮਹਿਲਾ ਵਰਗ ਵਿੱਚ 30 ਸਤੰਬਰ ਨੂੰ ਹੋਏ ਧਮਾਕੇ ਵਿੱਚ 53 ਲੋਕ ਮਾਰੇ ਗਏ ਸਨ, ਜਿਨ੍ਹਾਂ ਵਿੱਚ ਜ਼ਿਆਦਾਤਰ ਲੜਕੀਆਂ ਅਤੇ ਔਰਤਾਂ ਸਨ।