ਤਾਇਵਾਨ ਚ ਚੀਨ ਦੀ ਘੁਸਪੈਠ ਜਾਰੀ

ਤਾਇਪੇ – ਆਪਣੀ ਧੌਂਸ ਜਮਾਉਣ ਦੀਆਂ ਹਰਕਤਾਂ ਕਰਕੇ ਦੁਨੀਆ ਭਰ ਵਿਚ ਹੋ ਰਹੀ ਆਲੋਚਨਾ ਦੇ ਬਾਵਜੂਦ ਚੀਨ ਬਾਜ਼ ਨਹੀਂ ਆ ਰਿਹਾ। ਤਾਇਵਾਨ ਵਿਚ ਉਸ ਨੇ ਇਕ ਵਾਰ ਫਿਰ ਘੁਸਪੈਠ ਕੀਤੀ ਹੈ।ਤਾਇਾਵਾਨ ਦੇ ਰੱਖਿਆ ਮੰਤਰਾਲੇ ਮੁਤਾਬਕ ਇਕ ਚੀਨੀ ਮਿਲਟਰੀ ਜਹਾਜ਼ ਲੰਘੇ ਐਤਵਾਰ ਦੁਪਹਿਰ ਤਾਇਵਾਨ ਦੇ ਹਵਾਈ ਪਛਾਣ ਖੇਤਰ ਵਿਚ ਦਾਖਲ ਹੋਇਆ। ਇਸ ਮਹੀਨੇ ਚੀਨ ਦੇ ਪੀਪਲਜ਼ ਲਿਬਰੇਸ਼ਨ ਆਰਮੀ ਏਅਰ ਫੋਰਸ ਦੀ ਇਹ ਤਾਇਵਾਨ ਵਿਚ 12ਵੀਂ ਘੁਸਪੈਠ ਹੈ। ਤਾਇਵਾਨ ਦੇ ਰੱਖਿਆ ਮੰਤਰਾਲੇ ਨੇ ਜਾਣਕਾਰੀ ਦਿੱਤੀ ਕਿ ਚੀਨ ਦੇ ਸ਼ਾਨਕਸੀ ਵਾਈ-8 ਐਂਟੀ ਪਣਡੁੱਬੀ ਜੰਗੀ ਜਹਾਜ਼ ਨੂੰ ਟ੍ਰੈਕ ਕੀਤਾ ਗਿਆ। ਜਵਾਬ ਵਿਚ ਤਾਇਵਾਨ ਨੇ ਆਪਣਾ ਜਹਾਜ਼ ਭੇਜਿਆ ਅਤੇ ਰੇਡੀਓ ਚਿਤਾਵਨੀ ਪ੍ਰਸਾਰਿਤ ਕੀਤੀ। ਇਸ ਮਹੀਨੇ ਹੁਣ ਤੱਕ ਚੀਨ ਦੇ ਸਾਰੇ ਜਹਾਜ਼ ਹੌਲੀ ਗਤੀ ਨਾਲ ਉਡਣ ਵਾਲੇ ਟਰਬੋਪ੍ਰਾਪ ਰਹੇ ਹਨ ਅਤੇ ਇਸ ਵਿਚ ਐਂਟੀ ਪਣਡੁੱਬੀ ਯੁੱਧ, ਇਲਕੈਟ੍ਰੋਨਿਕ ਯੁੱਧ ਅਤੇ ਟੋਹੀ ਐਡੀਸ਼ਨ ਸ਼ਾਮਲ ਰਹੇ। ਪਿਛਲੇ ਸਾਲ ਦੇ ਮੱਧ ਸਤੰਬਰ ਦੇ ਬਾਅਦ ਤੋਂ ਬੀਜਿੰਗ ਨੇ ਨਿਯਮਿਤ ਤੌਰ ‘ਤੇ ਤਾਇਵਾਨ ਦੇ ਹਵਾਈ ਖੇਤਰ ਵਿਚ ਜਹਾਜ਼ਾਂ ਨੂੰ ਭੇਜ ਕੇ ਆਪਣੀ ਗ੍ਰੇ-ਜ਼ੋਨ ਰਣਨੀਤੀ ਨੂੰ ਅੱਗੇ ਵਧਾਇਆ ਹੈ, ਜਿਸ ਵਿਚ ਜ਼ਿਆਦਾਤਰ ਉਦਾਹਰਨ ਜ਼ੋਨ ਦੇ ਦੱਖਣੀ-ਪੱਛਮੀ ਖੇਤਰ ਹੁੰਦੇ ਹਨ ਅਤੇ ਆਮਤੌਰ ‘ਤੇ ਇਕ ਤੋਂ ਤਿੰਨ ਹੌਲੀ ਗਤੀ ਨਾਲ ਉਡਣ ਵਾਲੇ ਟਰਬੋਪ੍ਰੋਪ ਜਹਾਜ਼ਾਂ ਨਾਲ ਲੈਸ ਹੁੰਦੇ ਹਨ। ਅਸਲ ਵਿੱਚ ਚੀਨ ਤਾਇਵਾਨ ‘ਤੇ ਪੂਰਨ ਪ੍ਰਭੂਸੱਤਾ ਦਾ ਦਾਅਵਾ ਕਰਦਾ ਹੈ। ਤਾਇਪੇ ਨੇ ਅਮਰੀਕਾ ਨਾਲ ਰਣਨੀਤਕ ਸੰਬੰਧਾਂ ਨੂੰ ਵਧਾ ਕੇ ਚੀਨੀ ਹਮਲਾਵਰਤਾ ਦਾ ਮੁਕਾਬਲਾ ਕੀਤਾ ਹੈ। ਜਿਸ ਦਾ ਚੀਨ ਵੱਲੋਂ ਵਿਰੋਧ ਕੀਤਾ ਜਾ ਰਿਹਾ ਹੈ ਅਤੇ ਚੀਨ ਨੇ ਧਮਕੀ ਦਿੱਤੀ ਹੈ ਕਿ ਤਾਇਵਾਨ ਦੀ ਆਜ਼ਾਦੀ ਦਾ ਮਤਲਬ ਯੁੱਧ ਹੈ, ਪਰ ਤਾਇਵਾਨ ਵੀ ਹਾਰ ਮੰਨਣ ਨੂੰ ਤਿਆਰ ਨਹੀਂ ਤੇ ਡਰੈਗਨ ਮੂਹਰੇ ਪੂਰੀ ਤਰਾਂ ਡਟਿਆ ਹੋਇਆ ਹੈ।