ਟੈਕਸਾਸ ‘ਚ ਪ੍ਰੋਫੈਸਰ ਠਾਕੁਰ ਵਿਗਿਆਨੀਆਂ ਦੀ ਸੰਸਥਾ ਦੇ ਉਪ ਪ੍ਰਧਾਨ ਨਿਯੁਕਤ

ਹਿਊਸਟਨ-ਟੈਮਸਟ ਦੇ ਨਿਰਦੇਸ਼ਕ ਮੰਡਲ ਨੇ ਅਮਰੀਕਾ ਵਿੱਚ ਭਾਰਤੀ ਮੂਲ ਦੇ ਪ੍ਰੋਫੈਸਰ ਗਣੇਸ਼ ਠਾਕੁਰ ਨੂੰ ‘ਟੈਕਸਾਸ ਅਕੈਡਮੀ ਆਫ ਮੈਡੀਸਨ, ਇੰਜਨੀਅਰਿੰਗ, ਸਾਇੰਸ ਐਂਡ ਟੈਕਨਾਲੋਜੀ’ ਦਾ ਉਪ-ਪ੍ਰਧਾਨ ਨਿਯੁਕਤ ਕੀਤਾ ਗਿਆ ਹੈ। ਇਸ ਸੰਸਥਾ ਵਿੱਚ ਰਾਜ ਦੇ ਚੋਟੀ ਦੇ ਵਿਗਿਆਨੀ ਅਤੇ ਖੋਜਕਰਤਾ ਨਵੀਨਤਾ ਅਤੇ ਖੋਜ ਲਈ ਇਕੱਠੇ ਕੰਮ ਕਰਦੇ ਹਨ। ਮੰਡਲ ਨੇ ਠਾਕੁਰ ਨੂੰ ਬ੍ਰੈਂਡੇਨ ਲੀ ਦੀ ਪ੍ਰਧਾਨਗੀ ਹੇਠ ਉਪ ਪ੍ਰਧਾਨ ਨਿਯੁਕਤ ਕੀਤਾ ਗਿਆ ਹੈ। ਠਾਕੁਰ ਹਿਊਸਟਨ ਯੂਨੀਵਰਸਿਟੀ ਵਿੱਚ ਪੈਟਰੋਲੀਅਮ ਇੰਜਨੀਅਰਿੰਗ ਦੇ ਪ੍ਰੋਫੈਸਰ ਹਨ। ਉਹ ਆਪਣੇ ਦੋ ਸਾਲਾਂ ਦੇ ਕਾਰਜਕਾਲ ਵਿਚ ਨਿਰਦੇਸ਼ਕ ਮੰਡਲ ਨੂੰ ਰਣਨੀਤਕ ਯੋਜਨਾ, ਪ੍ਰੋਗਰਾਮਿੰਗ ਅਤੇ ਸੰਚਾਰ ਲਈ ਸਲਾਹ ਦੇਣ ਦਾ ਕੰਮ ਕਰਨਗੇ। ਮੂਲ ਰੂਪ ਤੋਂ ਝਾਰਖੰਡ ਨਿਵਾਸੀ ਠਾਕੁਰ ਯੂਨੀਵਰਸਿਟੀ ਆਫ ਹਿਊਸਟਨ ਦੇ ਪਹਿਲੇ ਫੈਕਲਟੀ ਮੈਂਬਰ ਹਨ, ਜੋ ਟੈਮਸਟ ਦੀ ਅਗਵਾਈ ਕਰਨਗੇ।