ਟੋਕੀਓ-ਸਮਾਚਾਰ ਏਜੰਸ਼ੀ ਸ਼ਿਨਹੂਆ ਦੀ ਖ਼ਬਰ ਮੁਤਾਬਕ ਜਾਪਾਨ ਦੇ ਓਸਾਕਾ ਸੂਬੇ ਵਿੱਚ 20 ਬੱਚਿਆਂ ਨੂੰ ਮੰਗਲਵਾਰ ਨੂੰ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਕਿਉਂਕਿ ਉਹਨਾਂ ਦੇ ਸਕੂਲ ਵਿੱਚ ਗੰਧਕ ਵਰਗੀ ਬਦਬੂ ਆ ਰਹੀ ਸੀ। ਇਸ ਕਾਰਨ ਕੁਝ ਬੱਚਿਆਂ ਦੀ ਹਾਲਤ ਖਰਾਬ ਹੋ ਗਈ ਸੀ। ਓਸਾਕਾ ਦੇ ਟੋਯੋਨਾਕਾ ਸ਼ਹਿਰ ਦੇ ਐਲੀਮੈਂਟਰੀ ਸਕੂਲ ਵਿੱਚ ਬਦਬੂ ਆਉਣ ਤੋਂ ਬਾਅਦ ਸਵੇਰੇ 9 ਵਜੇ ਅੱਗ ਬੁਝਾਊ ਵਿਭਾਗ ਨੂੰ ਬੁਲਾਇਆ ਗਿਆ।
ਐਮਰਜੈਂਸੀ ਕਾਲ ਦੇ ਜਵਾਬ ਵਿੱਚ 10 ਤੋਂ ਵੱਧ ਐਂਬੂਲੈਂਸਾਂ ਅਤੇ ਫਾਇਰ ਟਰੱਕ ਸਕੂਲ ਵਿੱਚ ਪਹੁੰਚੇ। ਫਾਇਰਫਾਈਟਰਜ਼ ਗੰਧਕ ਵਰਗੀ ਗੰਧ ਦੇ ਸਰੋਤ ਦਾ ਪਤਾ ਲਗਾਉਣ ਦੀ ਕੋਸ਼ਿਸ਼ ਵਿੱਚ ਇਮਾਰਤ ਵਿੱਚ ਦਾਖਲ ਹੋਏ, ਜਦੋਂ ਕਿ ਸੱਤ ਤੋਂ 11 ਸਾਲ ਦੀ ਉਮਰ ਦੇ 20 ਬੱਚਿਆਂ ਨੂੰ ਕਥਿਤ ਤੌਰ ’ਤੇ ਜਾਂਚ ਲਈ ਹਸਪਤਾਲ ਲਿਜਾਇਆ ਗਿਆ ਕਿਉਂਕਿ ਉਹ ਬੀਮਾਰ ਮਹਿਸੂਸ ਕਰ ਰਹੇ ਸਨ। ਗੈਸ ਡਿਟੈਕਟਰਾਂ ਦੀ ਵਰਤੋਂ ਕਰਦੇ ਹੋਏ ਸਕੂਲ ਦੀ ਫਾਇਰਫਾਈਟਰਜ਼ ਦੀ ਖੋਜ ਵਿੱਚ ਕੋਈ ਅਸਧਾਰਨਤਾਵਾਂ ਸਾਹਮਣੇ ਨਹੀਂ ਆਈਆਂ ਹਾਲਾਂਕਿ ਜਾਂਚ ਜਾਰੀ ਹੈ।
Comment here