ਜਹਾਜ਼ ਹਾਦਸੇ ‘ਚ ਪੰਜਾਬੀ ਨੌਜਵਾਨ ਦੇ ਕਾਤਲ ਤੇ ਭਾਰਤੀ ਪਾਇਲਟ ਸਮੇਤ 4 ਦੀ ਮੌਤ

ਟੋਰਾਂਟੋ– ਕੈਨੇਡਾ ਵਿਚ ਹੋਏ ਜਹਾਜ਼ ਹਾਦਸੇ ਦੌਰਾਨ ਪੰਜਾਬੀ ਨੌਜਵਾਨ ਦੇ ਕਾਤਲ ਅਤੇ ਪਾਇਲਟ ਸਮੇਤ ਚਾਰ ਲੋਕਾਂ ਦੀ ਮੌਤ ਹੋ ਗਈ। ਹਾਦਸੇ ਵਿੱਚ ਮਾਰੇ ਗਏ ਲੋਕਾਂ ਵਿੱਚ ਜਿੰਮੀ ਸੰਧੂ ਕਤਲ ਕੇਸ ਵਿੱਚ ਲੋੜੀਂਦੇ 36 ਸਾਲਾ ਜੀਨ ਕਰੀ ਲਾਹਰਕੈਂਪ, ਰਿਚਮੰਡ ਦੇ ਭਾਰਤੀ ਮੂਲ ਦੇ ਪਾਇਲਟ ਅਭਿਨਵ ਹਾਂਡਾ (26) ਅਤੇ ਕਾਮਲੂਪਸ ਮਾਨ ਦੇ ਡੰਕਨ ਬੇਲੀ (37) ਸ਼ਾਮਲ ਹਨ। ਚੌਥੇ ਮ੍ਰਿਤਕ ਦੇ ਨਾਂ ਦਾ ਅਜੇ ਤੱਕ ਖੁਲਾਸਾ ਨਹੀਂ ਹੋਇਆ ਹੈ। ਟਰਾਂਸਪੋਰਟ ਸੇਫਟੀ ਬੋਰਡ ਦੇ ਬੁਲਾਰੇ ਐਰਿਕ ਵਰਮੇਟ ਮੁਤਾਬਕ ਚਾਰ ਸੀਟਾਂ ਵਾਲਾ ਪਾਈਪਰ ਪੀ.ਏ. 28-140 ਜਹਾਜ਼ ਡ੍ਰਾਈਡਨ ਤੋਂ ਮੈਰਾਥਨ ਜਾ ਰਿਹਾ ਸੀ ਜਦੋਂ ਇਹ ਕਾਕੇਸਸ ਲੁੱਕਆਊਟ ਅਤੇ ਐਗਨਸ ਵਿਚਕਾਰ ਹਾਦਸਾਗ੍ਰਸਤ ਹੋ ਗਿਆ। ਅਭਿਨਵ ਹਾਂਡਾ ਜਹਾਜ਼ ਨੂੰ ਉਡਾ ਰਿਹਾ ਸੀ। ਪ੍ਰਾਈਵੇਟ ਜੈੱਟ ਰਿਚਮੰਡ ਦੀ ਇੱਕ ਔਰਤ ਦਾ ਦੱਸਿਆ ਜਾਂਦਾ ਹੈ। ਪੁਲਿਸ ਅਤੇ ਆਵਾਜਾਈ ਸੁਰੱਖਿਆ ਵਿਭਾਗ ਹਾਦਸੇ ਦੇ ਕਾਰਨਾਂ ਦੀ ਜਾਂਚ ਕਰ ਰਹੇ ਹਨ। ਜਿੰਮੀ ਸੰਧੂ ਦੀ 5 ਫਰਵਰੀ ਨੂੰ ਥਾਈਲੈਂਡ ਦੇ ਫੂਕੇਟ ਵਿੱਚ ਇੱਕ ਹੋਟਲ ਦੇ ਬਾਹਰ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ ਸੀ ਅਤੇ ਕੈਨੇਡੀਅਨ ਪੁਲਿਸ ਨੇ ਜੀਨ ਕਰੀ ਨੂੰ ਫੜਨ ਵਾਲੀ ਜਾਣਕਾਰੀ ਲਈ 100,000 ਇਨਾਮ ਦਾ ਐਲਾਨ ਕੀਤਾ ਸੀ।