ਚੰਦਰਮਾ ‘ਤੇ ਕਬਜ਼ੇ ਬਾਰੇ ਅਮਰੀਕਾ ਫੈਲਾ ਰਿਹਾ ਝੂਠ-ਚੀਨ

ਬੀਜਿੰਗ-ਚੀਨ ਦੁਆਰਾ ਚੰਦਰਮਾ ‘ਤੇ ਕਬਜ਼ਾ ਕਰਨ ਦਾ ਮਾਮਲਾ ਭਖ ਗਿਆ ਹੈ। ਚੀਨ ਨੇ ਅਮਰੀਕਾ ਦੇ ਪੁਲਾੜ ਮੁਖੀ ਦੇ ਇਸ ਦੋਸ਼ ਨੂੰ ਖਾਰਜ ਕਰ ਦਿੱਤਾ ਹੈ ਕਿ ਚੀਨ ਚੰਦਰਮਾ ‘ਤੇ ਕਬਜ਼ਾ ਕਰਨਾ ਚਾਹੁੰਦਾ ਹੈ। ਅਮਰੀਕੀ ਪੁਲਾੜ ਮੁਖੀ ਨੇ ਕਿਹਾ ਕਿ ਬੀਜਿੰਗ ਚੰਦਰਮਾ ‘ਤੇ ਫੌਜੀ ਪੁਲਾੜ ਪ੍ਰੋਗਰਾਮ ਲਈ ਕਬਜ਼ਾ ਕਰਨਾ ਚਾਹੁੰਦਾ ਹੈ।
ਨਾਸਾ ਦੇ ਪ੍ਰਸ਼ਾਸਕ ਬਿਲ ਨੇਲਸਨ ਨੇ ਜਰਮਨ ਅਖਬਾਰ ਬਿਲਡ ਨੂੰ ਕਿਹਾ ਕਿ ਦੁਨੀਆ ਦੇ ਦੇਸ਼ਾਂ ਨੂੰ ਚੀਨ ਤੋਂ ਸੁਚੇਤ ਰਹਿਣਾ ਚਾਹੀਦਾ ਹੈ। ਨੈਲਸਨ ਨੇ ਕਿਹਾ ਕਿ ਚੀਨ ਚੰਨ ‘ਤੇ ਉਤਰਨਾ ਚਾਹੁੰਦਾ ਹੈ, ਜਿਸ ਦਾ ਖੁਦ ਦਾਅਵਾ ਹੈ, ਅਤੇ ਕਹਿ ਰਿਹਾ ਹੈ ਕਿ ਇਹ ਚੀਨ ਦਾ ਹੈ, ਬਾਕੀ ਦੇਸ਼ਾਂ ਨੂੰ ਬਾਹਰ ਰਹਿਣਾ ਚਾਹੀਦਾ ਹੈ।
ਇਸ ਦੇ ਨਾਲ ਹੀ ਚੀਨੀ ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਝਾਓ ਲੀਜਿਆਨ ਨੇ ਨਾਸਾ ਪ੍ਰਸ਼ਾਸਕ ਦੇ ਦੋਸ਼ਾਂ ਨੂੰ ਨਕਾਰਦਿਆਂ ਕਿਹਾ ਕਿ ਅਮਰੀਕਾ ਦਾ ਕੰਮ ਝੂਠ ਦੇ ਦੋਸ਼ ਲਗਾਉਣਾ ਹੈ। ਸੋਮਵਾਰ ਨੂੰ ਝਾਓ ਨੇ ਕਿਹਾ ਕਿ ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਅਮਰੀਕਾ ਨੇ ਅਜਿਹੇ ਦੋਸ਼ ਲਗਾਏ ਹਨ। ਝਾਓ ਨੇ ਕਿਹਾ ਕਿ ਨਾਸਾ ਦੇ ਲੋਕ ਤੱਥਾਂ ਨੂੰ ਨਜ਼ਰਅੰਦਾਜ਼ ਕਰਕੇ ਝੂਠੇ ਦੋਸ਼ ਲਗਾਉਂਦੇ ਹਨ।
ਝਾਓ ਨੇ ਕਿਹਾ ਕਿ ਅਮਰੀਕਾ ਦਾ ਨਾਸਾ ਪ੍ਰਸ਼ਾਸਨ ਹਮੇਸ਼ਾ ਚੀਨ ਦੇ ਜ਼ਰੂਰੀ ਪੁਲਾੜ ਪ੍ਰੋਗਰਾਮਾਂ ਦੀ ਗਲਤ ਵਿਆਖਿਆ ਕਰਦਾ ਰਿਹਾ ਹੈ। ਚੀਨ ਨੇ ਸਖ਼ਤ ਲਹਿਜੇ ਵਿੱਚ ਕਿਹਾ ਕਿ ਅਮਰੀਕਾ ਦਾ ਇਹ ਪ੍ਰਚਾਰ ਕਿਸੇ ਦੇ ਹਿੱਤ ਵਿੱਚ ਨਹੀਂ ਹੈ। ਚੀਨ ਨੇ ਕਿਹਾ ਕਿ ਅਸੀਂ ਹਮੇਸ਼ਾ ਹਥਿਆਰਾਂ ਦੀ ਨੀਤੀ ਤੋਂ ਦੂਰ ਰਹੇ ਹਾਂ ਅਤੇ ਲੋਕਾਂ ਦੇ ਭਵਿੱਖ ਨੂੰ ਹੋਰ ਬਿਹਤਰ ਬਣਾਉਣ ਲਈ ਪੁਲਾੜ ‘ਚ ਇਕੱਠੇ ਕੰਮ ਕਰ ਰਹੇ ਹਾਂ।
ਨੇਲਸਨ ਨੂੰ ਪੁੱਛਿਆ ਕਿ ਚੀਨ ਪੁਲਾੜ ਵਿੱਚ ਕਿਹੜੇ ਟੀਚੇ ਹਾਸਲ ਕਰਨਾ ਚਾਹੁੰਦਾ ਹੈ। ਇਸ ਦੇ ਜਵਾਬ ਵਿੱਚ ਨੈਲਸਨ ਨੇ ਕਿਹਾ ਕਿ ਚੀਨੀ ਯਾਤਰੀ ਸਿੱਖ ਰਹੇ ਹਨ ਕਿ ਦੂਜੇ ਦੇਸ਼ਾਂ ਦੇ ਉਪਗ੍ਰਹਿ ਕਿਵੇਂ ਨਸ਼ਟ ਕੀਤੇ ਜਾਂਦੇ ਹਨ। ਜਿੱਥੇ ਬੀਜਿੰਗ 2035 ਤਕ ਆਪਣਾ ਚੰਦਰਮਾ ਸਟੇਸ਼ਨ ਬਣਾ ਸਕਦਾ ਹੈ ਅਤੇ ਨਾਲ ਹੀ ਇੱਕ ਸਾਲ ਬਾਅਦ ਉੱਥੇ ਪ੍ਰਯੋਗ ਸ਼ੁਰੂ ਕਰ ਸਕਦਾ ਹੈ। ਨੈਲਸਨ ਨੇ ਅੱਗੇ ਕਿਹਾ ਕਿ ਚੀਨ ਦੇ ਅਜਿਹੇ ਕਦਮਾਂ ਕਾਰਨ ਦੱਖਣੀ ਧਰੁਵ ਲਈ ਮੁਕਾਬਲਾ ਵਧੇਗਾ।