ਚੋਣ ਕਮਿਸ਼ਨ ਮੁਖੀ ਖਿਲਾਫ਼ ਮਾਨਹਾਨੀ ਮੁਕੱਦਮਾ ਦਰਜ ਕਰਾਂਗੇ-ਇਮਰਾਨ

ਇਸਲਾਮਾਬਾਦ-ਇਥੋਂ ਦੇ ਚੋਣ ਕਮਿਸ਼ਨ ਦੇ ਮੁਖੀ ’ਤੇ ਨਿਸ਼ਾਨਾ ਸਾਧਦਿਆਂ ਸਾਬਕਾ ਪ੍ਰਧਾਨ ਮੰਤਰੀ ਇਮਰਾਨ ਖ਼ਾਨ ਨੇ ਕਿਹਾ ਕਿ ਉਨ੍ਹਾਂ ਨੂੰ ਅਯੋਗ ਐਲਾਨ ਕਰਕੇ ਉਨ੍ਹਾਂ ਦੇ ਵੱਕਾਰ ਨੂੰ ਨਸ਼ਟ ਕਰਨ ਲਈ ਉਨ੍ਹਾਂ iਖ਼ਲਾਫ਼ 10 ਅਰਬ ਰੁਪਏ ਦਾ ਮਾਨਹਾਨੀ ਦਾ ਮੁਕੱਦਮਾ ਦਾਇਰ ਕਰਨਗੇ।
70 ਸਾਲਾ ਖ਼ਾਨ ਨੂੰ ਇਸ ਮਹੀਨੇ ਦੀ ਸ਼ੁਰੂਆਤ ’ਚ ਪਾਕਿਸਤਾਨ ਦੇ ਚੋਣ ਕਮਿਸ਼ਨ (ਈ. ਸੀ. ਪੀ.) ਦੇ 5 ਮੈਂਬਰੀ ਪੈਨਲ ਵਲੋਂ ਮੌਜੂਦਾ ਨੈਸ਼ਨਲ ਅਸੈਂਬਲੀ ਦੀ ਮੈਂਬਰਸ਼ਿਪ ਤੋਂ ਅਯੋਗ ਐਲਾਨ ਕਰ ਦਿੱਤਾ ਗਿਆ ਸੀ, ਜਿਸ ਦੇ ਮੁਖੀ ਸਿਕੰਦਰ ਸੁਲਤਾਨ ਰਾਜਾ ਸਨ। ਆਪਣੇ ਲੰਬੇ ਮਾਰਚ ਦੇ ਚੌਥੇ ਦਿਨ ਦੀ ਸ਼ੁਰੂਆਤ ’ਚ ਕਮੋਂਕੀ ’ਚ ਪੀ. ਟੀ. ਆਈ. ਦੇ ਹਮਾਇਤੀਆਂ ਨੂੰ ਸੰਬੋਧਨ ਕਰਦਿਆਂ ਖ਼ਾਨ ਨੇ ਕਿਹਾ ਕਿ ਸਿਕੰਦਰ ਸੁਲਤਾਨ, ਮੈਂ ਤੁਹਾਨੂੰ ਅਦਾਲਤ ’ਚ ਲੈ ਕੇ ਜਾਵਾਂਗਾ।