ਚੀਨ ਨੂੰ ਅਮਰੀਕੀਆਂ ਵਿਰੁੱਧ ਸੱਟੇਬਾਜ਼ੀ ਕਰਨਾ ਮਹਿੰਗਾ ਪਵੇਗਾ: ਬਾਇਡੇਨ

ਵਾਸ਼ਿੰਗਟਨ : ਅਮਰੀਕੀ ਰਾਸ਼ਟਰਪਤੀ ਜੋਅ ਬਾਇਡੇਨ ਨੇ ਤਾਈਵਾਨ ਨੂੰ ਚੀਨ ਦੀਆਂ ਧਮਕੀਆਂ ‘ਤੇ ਜਵਾਬੀ ਹਮਲਾ ਕਰਦੇ ਹੋਏ ਆਪਣੇ ਚੀਨੀ ਹਮਰੁਤਬਾ ਸ਼ੀ ਜਿਨਪਿੰਗ ਨੂੰ ਕਿਹਾ ਕਿ ਅਮਰੀਕੀ ਲੋਕਾਂ ਦੇ ਖਿਲਾਫ ਸੱਟੇਬਾਜ਼ੀ ਕਰਨਾ ਉਨ੍ਹਾਂ ਨੂੰ ਮਹਿੰਗਾ ਪਵੇਗਾ। ਉਸਨੇ ਕਿਹਾ ਕਿ ਬਾਇਡੇਨ ਪ੍ਰਸ਼ਾਸਨ ਪਹਿਲਾਂ ਹੀ ਇਹ ਸਪੱਸ਼ਟ ਕਰ ਚੁੱਕਾ ਹੈ ਕਿ ਲੰਬੇ ਸਮੇਂ ਲਈ ਵਧੇਰੇ ਜ਼ਿੱਦੀ ਅਤੇ ਤਾਨਾਸ਼ਾਹੀ ਚੀਨ ਦਾ ਮੁਕਾਬਲਾ ਕਰਨ ਦਾ ਸਭ ਤੋਂ ਪ੍ਰਭਾਵਸ਼ਾਲੀ ਯੂਐਸ ਤਰੀਕਾ ਆਪਣੇ ਲੋਕਾਂ, ਆਰਥਿਕਤਾ ਅਤੇ ਲੋਕਤੰਤਰ ਵਿੱਚ ਨਿਵੇਸ਼ ਕਰਨਾ ਹੈ। ਬੀਤੇ ਮੰਗਲਵਾਰ ਰਾਤ ਨੂੰ ਆਪਣੇ ਪਹਿਲੇ ਸਟੇਟ ਆਫ਼ ਦ ਯੂਨੀਅਨ (ਰਾਸ਼ਟਰਪਤੀ ਦਾ ਸੰਸਦ ਨੂੰ ਸਾਲਾਨਾ ਸੰਬੋਧਨ) ਸੰਬੋਧਨ ਵਿੱਚ, ਬਿਡੇਨ ਨੇ ਕਿਹਾ, “ਮੈਂ ਸ਼ੀ ਨੂੰ ਕਿਹਾ ਕਿ ਅਮਰੀਕੀ ਲੋਕਾਂ ਦੇ ਵਿਰੁੱਧ ਸੱਟਾ ਲਗਾਉਣਾ ਕਦੇ ਵੀ ਸਹੀ ਨਹੀਂ ਹੋਵੇਗਾ।” ਅਸੀਂ ਲੱਖਾਂ ਅਮਰੀਕੀਆਂ ਲਈ ਵਧੀਆ ਨੌਕਰੀਆਂ ਪੈਦਾ ਕਰਾਂਗੇ, ਸੜਕਾਂ, ਹਵਾਈ ਅੱਡਿਆਂ, ਬੰਦਰਗਾਹਾਂ ਅਤੇ ਜਲ ਮਾਰਗਾਂ ਦਾ ਆਧੁਨਿਕੀਕਰਨ ਕਰਾਂਗੇ। ਬਾਇਡੇਨ ਨੇ ਕਿਹਾ ਕਿ ਦੇਸ਼ ਇਲੈਕਟ੍ਰਿਕ ਵਾਹਨਾਂ ਨੂੰ ਚਾਰਜ ਕਰਨ ਲਈ ਪੰਜ ਲੱਖ ਚਾਰਜਿੰਗ ਸਟੇਸ਼ਨਾਂ ਦਾ ਇੱਕ ਨੈਟਵਰਕ ਸਥਾਪਤ ਕਰੇਗਾ, ਹਰ ਬੱਚੇ ਅਤੇ ਹਰ ਅਮਰੀਕੀ ਨੂੰ ਘਰ ਵਿੱਚ ਸਾਫ਼ ਪਾਣੀ ਦੀ ਸਪਲਾਈ ਕਰਨ ਲਈ ਜ਼ਹਿਰੀਲੇ ਲੀਡ ਨਾਲ ਬਣੇ ਪਾਈਪਾਂ ਨੂੰ ਬਦਲਣਾ ਸ਼ੁਰੂ ਕਰੇਗਾ। -ਸ਼ਹਿਰੀ, ਪੇਂਡੂ ਜਾਂ ਕਬਾਇਲੀ ਭਾਈਚਾਰੇ ਨੂੰ ਕਿਫਾਇਤੀ ਕੀਮਤ ‘ਤੇ ਹਾਈ-ਸਪੀਡ ਇੰਟਰਨੈਟ ਪਹੁੰਚ ਪ੍ਰਦਾਨ ਕੀਤੀ ਜਾਵੇਗੀ।