ਚੀਨ ਦੀ ਆਰਥਿਕ ਹਾਲਤ ਨਾਜ਼ੁਕ

ਬੀਜਿੰਗ-ਮੀਡੀਆ ਰਿਪੋਰਟ ਮੁਤਾਬਕ ਚੀਨ ਦੀ ਆਰਥਿਕ ਹਾਲਤ ਬਹੁਤ ਖਰਾਬ ਹੈ ਅਤੇ ਸ਼੍ਰੀਲੰਕਾ ਵਾਂਗ ਇਹ ਵੀ ਬਰਬਾਦੀ ਦੇ ਕੰਢੇ ਪਹੁੰਚ ਗਈ ਹੈ। ਪਿਛਲੇ ਦੋ ਦਹਾਕਿਆਂ ’ਚ ਚੀਨ ਦੇ ਸਕਲ ਘਰੇਲੂ ਉਤਪਾਦ (ਜੀ ਡੀ ਪੀ) ਨੇ ਸਾਲ ਦਰ ਸਾਲ ਦੋਹਰੇ ਅੰਕਾਂ ’ਚ ਵਾਧਾ ਕਰਕੇ ਪੂਰੀ ਦੁਨੀਆ ਨੂੰ ਹੈਰਾਨ ਕਰ ਦਿੱਤਾ ਹੈ। ਪਰ ਹੁਣ 2022 ਦੀ ਸ਼ੁਰੂਆਤ ਤੋਂ ਹੀ ਚੀਨ ਦੀ ਆਰਥਿਕਤਾ ਵਿੱਚ ਗਿਰਾਵਟ ਆਉਣੀ ਸ਼ੁਰੂ ਹੋ ਗਈ ਹੈ। ਚੀਨ ਤੋਂ ਮਿਲੇ ਸੰਕੇਤਾਂ ਤੋਂ ਪਤਾ ਲੱਗਦਾ ਹੈ ਕਿ ਚੀਨ ਵਿਚ ਸਭ ਕੁਝ ਠੀਕ ਨਹੀਂ ਹੈ।ਜੂਨ ਲਗਾਤਾਰ 10 ਵਾਂ ਮਹੀਨਾ ਹੈ ਜਦੋਂ ਚੀਨ ਵਿੱਚ ਜਾਇਦਾਦ ਦੀਆਂ ਕੀਮਤਾਂ ਵਿੱਚ ਗਿਰਾਵਟ ਆਈ ਹੈ।
ਕੋਲੇ ਦੀ ਕਮੀ ਨਾਲ ਚੀਨ ਬੁਰੀ ਤਰ੍ਹਾਂ ਪੀੜਤ ਹੈ ਅਤੇ ਇਸ ਕਾਰਨ ਦੇਸ਼ ਵਿਚ ਬਿਜਲੀ ਦੀ ਭਾਰੀ ਕਮੀ ਹੋ ਗਈ ਹੈ। ਇੰਨਾ ਹੀ ਨਹੀਂ ਦੇਸ਼ ਦੀ ਬੈਂਕਿੰਗ ਵਿਵਸਥਾ ਵੀ ਡਗਮਗਾਣ ਲੱਗੀ ਹੈ। ਬਹੁਤ ਸਾਰੇ ਛੋਟੇ ਬੈਂਕਾਂ ਨੇ ਡਿਫਾਲਟ ਕੀਤਾ ਹੈ। ਚੀਨ ਦੀ ਜੀਡੀਪੀ ਵਿਕਾਸ ਦਰ ਵੀ ਸਥਿਰ ਹੋ ਗਈ ਹੈ। ਮਨੀਕੰਟਰੋਲ ਦੀ ਇਕ ਰਿਪੋਰਟ ਦੇ ਅਨੁਸਾਰ, ਚੀਨ ਦੇ ਰੀਅਲ ਅਸਟੇਟ ਸੈਕਟਰ ਵਿੱਚ ਗੜਬੜੀ ਪਿਛਲੇ ਸਾਲ ਸ਼ੁਰੂ ਹੋਈ ਸੀ, ਜਦੋਂ ਸਰਕਾਰ ਨੇ ਕਰਜ਼ੇ ‘ਤੇ ਰੀਅਲ ਅਸਟੇਟ ਕੰਪਨੀਆਂ ਦੀ ਨਿਰਭਰਤਾ ਨੂੰ ਘਟਾਉਣ ਲਈ ਤਿੰਨ ਨਿਯਮ ਬਣਾਏ ਸਨ, ਜਿਸ ਨੂੰ ‘ਥ੍ਰੀ ਰੈੱਡ ਲਾਈਨਜ਼’ ਵਜੋਂ ਜਾਣਿਆ ਜਾਂਦਾ ਹੈ। ਚੀਨ ਦੀ ਸਭ ਤੋਂ ਵੱਡੀ ਰੀਅਲ ਅਸਟੇਟ ਕੰਪਨੀ ਐਵਰਗ੍ਰਾਂਡ ਇਨ੍ਹਾਂ ਨਿਯਮਾਂ ਦੇ ਟੈਸਟ ਚ ਫੇਲ ਹੋ ਗਈ। ਨਤੀਜੇ ਵਜੋਂ, ਐਵਰਗ੍ਰੈਂਡ ਨੂੰ ਵਧੇਰੇ ਕਰਜ਼ੇ ਜੁਟਾਉਣ ਵਿੱਚ ਮੁਸ਼ਕਲ ਆਈ।
ਰੀਅਲ ਅਸਟੇਟ ਸੈਕਟਰ ਚੀਨ ਦੀ ਜੀਡੀਪੀ ਦਾ 12% ਹਿੱਸਾ ਹੈ, ਇਸ ਲਈ ਜੇ ਐਵਰਗ੍ਰੈਂਡ ਦੀਵਾਲੀਆ ਹੋ ਜਾਂਦਾ ਹੈ, ਤਾਂ ਇਸਦਾ ਅਸਰ ਪੂਰੀ ਚੀਨੀ ਆਰਥਿਕਤਾ ‘ਤੇ ਪਵੇਗਾ। ਇਸ ਨਾਲ ਸੀਮੈਂਟ, ਸਟੀਲ, ਸੈਨੇਟਰੀ ਵੇਅਰ ਅਤੇ ਹੋਰ ਕਈ ਉਦਯੋਗਾਂ ਦੀ ਮੰਗ ਘਟੇਗੀ। ਫਿਲਹਾਲ ਹਾਲਾਤ ਇਹ ਹਨ ਕਿ ਲਗਾਤਾਰ 12ਵੇਂ ਮਹੀਨੇ ਮਕਾਨਾਂ ਦੀ ਵਿਕਰੀ ਚ ਗਿਰਾਵਟ ਆਈ ਹੈ, ਜੋ ਕਿ 1990 ਤੋਂ ਬਾਅਦ ਨਿੱਜੀ ਜਾਇਦਾਦ ਬਾਜ਼ਾਰ ਚ ਸਭ ਤੋਂ ਲੰਬੀ ਮੰਦੀ ਹੈ।
ਐਵਰਗ੍ਰੈਂਡ ਦੇ 1300 ਤੋਂ ਵੱਧ ਪ੍ਰੋਜੈਕਟ ਹਨ, ਜੋ ਚੀਨ ਦੇ 280 ਸ਼ਹਿਰਾਂ ਵਿੱਚ ਫੈਲੇ ਹੋਏ ਹਨ।  ਕੰਪਨੀ ਦੀ ਕੁੱਲ ਜਾਇਦਾਦ 2 ਟ੍ਰਿਲੀਅਨ ਯੁਆਨ ਹੈ, ਜੋ ਚੀਨ ਦੀ ਕੁੱਲ ਜੀਡੀਪੀ ਦਾ 2% ਹੈ। ਐਵਰਗ੍ਰੈਂਡ ਦੇ ਗਾਹਕ ਇਸ ਸਮੇਂ 15 ਮਿਲੀਅਨ ‘ਤੇ ਖੜ੍ਹੇ ਹਨ, ਜਿਨ੍ਹਾਂ ਦੇ ਪੈਸੇ ਫਸੇ ਹੋਏ ਹਨ। ਲਗਭਗ ੫੦ ਸ਼ਹਿਰਾਂ ਵਿੱਚ ੧੦੦ ਤੋਂ ਵੱਧ ਪ੍ਰੋਜੈਕਟਾਂ ਦੇ ਗਾਹਕਾਂ ਨੇ ਭੁਗਤਾਨ ਕਰਨਾ ਬੰਦ ਕਰ ਦਿੱਤਾ ਹੈ ਅਤੇ ਉਹ ਆਪਣੇ ਪੈਸੇ ਦੀ ਮੰਗ ਕਰ ਰਹੇ ਹਨ। ਕੰਪਨੀ ਦੀ 300 ਬਿਲੀਅਨ ਡਾਲਰ ਤੋਂ ਵੱਧ ਦੀ ਦੇਣਦਾਰੀ ਹੈ ਅਤੇ ਉਸਨੇ ਪਹਿਲਾਂ ਹੀ ਕਈ ਬਾਂਡਾਂ ਦਾ ਭੁਗਤਾਨ ਕਰਨ ਵਿੱਚ ਡਿਫਾਲਟ ਕਰਨਾ ਸ਼ੁਰੂ ਕਰ ਦਿੱਤਾ ਹੈ।