ਅਜਬ ਗਜਬਅਪਰਾਧਖਬਰਾਂਦੁਨੀਆ

ਚੀਨ ’ਚ ਬੱਚਿਆਂ ਨੂੰ ਲਾਏ ਜਾ ਰਹੇ ਨੇ ‘ਚਿਕਨ ਬਲੱਡ ਇੰਜੈਕਸ਼ਨ’

ਬੀਜਿੰਗ-ਚੀਨ ਵਿੱਚ ‘ਚਿਕਨ ਬਲੱਡ ਟਰੀਟਮੈਂਟ’ ਦੀ ਮੰਗ ਲਗਾਤਾਰ ਵਧਦੀ ਜਾ ਰਹੀ ਹੈ ਜੋ 1960 ਦੇ ਦਹਾਕੇ ਵਿੱਚ ਸੱਭਿਆਚਾਰਕ ਕ੍ਰਾਂਤੀ ਦੇ ਦੌਰਾਨ ਇੱਕ ਸ਼ੌਕ ਸੀ। ਲੋਕ ਆਪਣੇ ਮੁਰਗਿਆਂ ਨੂੰ ਲਿਆਉਂਦੇ ਲਾਈਨ ਵਿੱਚ ਇੰਤਜ਼ਾਰ ਕਰਦੇ ਅਤੇ ਤਾਜ਼ਾ ਚਿਕਨ ਖੂਨ ਪ੍ਰਾਪਤ ਕਰਦੇ, ਜਿਸਨੂੰ ਉਹ ਬਹੁਤ ਸਾਰੀਆਂ ਸਿਹਤ ਸਮੱਸਿਆਵਾਂ ਜਿਵੇਂ ਕਿ ਗੰਜਾਪਨ, ਬਾਂਝਪਨ, ਕੈਂਸਰ, ਆਦਿ ਲਈ ਉੱਤਮ ਸਮਝਦੇ ਹਨ। ਮਾਪੇ ਚਾਹੁੰਦੇ ਹਨ ਕਿ ਉਨ੍ਹਾਂ ਦੇ ਬੱਚੇ ਇੱਕ ਸੁਪਰ ਬੱਚਾ ਬਣ ਜਾਣ ਅਤੇ ਹਰ ਖੇਤਰ ਵਿੱਚ ਸਫਲ ਹੋਣ। ਇਸ ਇੱਛਾ ਨੂੰ ਲੈ ਕੇ ਚੀਨੀ ਮਾਂ-ਪਿਓ ਆਪਣੇ ਬੱਚਿਆਂ ਨੂੰ ‘ਚਿਕਨ ਬਲੱਡ ਇੰਜੈਕਸ਼ਨ’ ਲੈਣ ਲਈ ਪ੍ਰੇਰਿਤ ਕਰਦੇ ਹਨ ਕਿਉਂਕਿ ਇਹ ਉਨ੍ਹਾਂ ਵਿੱਚ ਹਾਈਪਰਐਕਟੀਵਿਟੀ ਵਧਾਉਂਦਾ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਚੀਨੀ ਲੋਕ  ਕਿ ਇਸਦੇ ਬਾਅਦ ਕੁਝ ਵਿਸ਼ੇਸ਼ ਅਧਿਆਪਕ ਅਤੇ ਸਰਬੋਤਮ ਖੇਡ ਕੋਚ ਨੂੰ ਹਾਇਰ ਕਰ ਰਹੇ ਹਨ। ਸਿਰਫ਼ ਇੰਨਾ ਹੀ ਨਹੀਂ ਚੀਨੀ ਲੋਕ ਅੱਜਕੱਲ੍ਹ ਸ਼ਹਿਰ ਦੇ ਸਰਬੋਤਮ ਪਬਲਿਕ ਸਕੂਲਾਂ ਦੇ ਕੋਲ ਹੀ ਮਕਾਨ ਖਰੀਦਣ ਦੀ ਹੱਦ ਤੱਕ ਜਾਂਦੇ ਹਨ।
ਚੀਨੀ ਲੋਕ ਬੱਚਿਆਂ ਦੇ ਪਾਲਣ-ਪੌਸ਼ਣ ਦੀਆਂ ਬਹੁਤ ਸਾਰੀਆਂ ਵੱਖਰੀਆਂ ਸ਼ੈਲੀਆਂ ਆਪਣਾ ਰਹੇ ਹਨ ਜਿਵੇਂ ਕਿ ‘ਹੈਲੀਕਾਪਟਰ ਪਾਲਣ-ਪੋਸ਼ਣ’ ਅਤੇ ਅਮਰੀਕਾ ਵਿੱਚ ਪ੍ਰਸਿੱਧ ‘ਚਿਕਨ ਪਾਲਣ-ਪੋਸ਼ਣ’ ਨਾਂ ਦੀ ਸ਼ੈਲੀ, ਜੋ ਦੇਸ਼ ਵਿੱਚ ਬਹੁਤ ਮਸ਼ਹੂਰ ਹੋ ਰਹੀ ਹੈ। ਹੈਲੀਕਾਪਟਰ ਪਾਲਣ-ਪੋਸ਼ਣ ਅਜਿਹੀ ਪਰਵਰਿਸ਼ ਨੂੰ ਕਿਹਾ ਜਾਂਦਾ ਹੈ ਜਿਸ ਵਿਚ ‘ਮਾਂ-ਬਾਪ ਆਪਣੇ ਬੱਚੇ ਦੇ ਜੀਵਨ ਵਿੱਚ ਬਹੁਤ ਜ਼ਿਆਦਾ ਸ਼ਾਮਲ ਹੋਣ।’
ਰਿਪੋਰਟ ਦੇ ਅਨੁਸਾਰ ਜੋ ਲੋਕ ਪਾਲਣ ਪੋਸ਼ਣ ਦੇ ਇਸ ਰੂਪ ਦਾ ਅਭਿਆਸ ਕਰਦੇ ਹਨ, ਉਨ੍ਹਾਂ ਲਈ ਸਿਰਫ ਇੱਕ ਸਕੂਲ ਕਾਫ਼ੀ ਨਹੀਂ ਹੈ, ਚੰਗੇ ਗ੍ਰੇਡ ਕਾਫ਼ੀ ਨਹੀਂ ਹਨ, ਕਿਉਂਕਿ ਬਾਕੀ ਸਾਰੇ ਵੀ ਬਰਾਬਰ ਪ੍ਰਦਰਸ਼ਨ ਕਰ ਰਹੇ ਹਨ। ਹੁਣ ਬੱਚਿਆਂ ਤੋਂ ਹੋਰ ਵਧ ਉਮੀਦਾਂ ਕੀਤੀਆਂ ਜਾ ਰਹੀਆਂ ਹਨ। ਚੀਨ ਵਿੱਚ ਇੱਕ ਵੱਡਾ ਸਿੱਖਿਆ ਸੁਧਾਰ ਹੋਇਆ ਹੈ, ਜਿਸਦੇ ਤਹਿਤ ‘‘ਇੱਕ ਵਿਦਿਆਰਥੀ ਦੀ ਸਰੀਰਕ, ਸੱਭਿਆਚਾਰਕ ਅਤੇ ਕਲਾਤਮਕ ਕੁਸ਼ਲਤਾਵਾਂ ਦੇ ਨਾਲ ਨਾਲ ਅੰਤਰਰਾਸ਼ਟਰੀ ਤਜ਼ਰਬਿਆਂ’’ ਨੂੰ ਵੀ ਸਕੂਲ ਦੇ ਦਾਖਲੇ ਲਈ ਵਿਚਾਰਿਆ ਜਾਂਦਾ ਹੈ। ਇਸ ਦੇ ਤਹਿਤ ‘ਚਿਕਨ ਮਾਪੇ’ ਬੱਚਿਆਂ ਨੂੰ ਸਿਖਲਾਈ ਸੰਸਥਾਵਾਂ ਵਿੱਚ ਭੇਜਦੇ ਹਨ ਜਿੱਥੇ ਉਹ ਅੰਗਰੇਜ਼ੀ, ਗਣਿਤ, ਚੀਨੀ ਜਾਂ ਹੋਰ ਵਿਸ਼ੇ ਸਿੱਖ ਸਕਦੇ ਹਨ। ਇਸ ਤੋਂ ਇਲਾਵਾ ਚੀਨ ਵਿੱਚ ’ਚਿਕਨ ਬੇਬੀਜ਼’ ਨੂੰ ਖੇਡਾਂ, ਸੰਗੀਤ, ਸਭਿਆਚਾਰ ਅਤੇ ਅਜਿਹੀਆਂ ਹੋਰ ਗਤੀਵਿਧੀਆਂ ਵਿਚ ਵੀ ਮਾਹਰ ਹੋਣਾ ਪੈਂਦਾ ਹੈ ਕਿਉਂਕਿ ਇਹ ਸਕੂਲ ਦਾਖਲਾ ਪ੍ਰੀਖਿਆਵਾਂ ਦੌਰਾਨ ਬੋਨਸ ਅੰਕ ਵਜੋਂ ਗਿਣੇ ਜਾਂਦੇ ਹਨ।
ਅਜਿਹੀ ਸਥਿਤੀ ਦਰਮਿਆਨ ਚੀਨੀ ਬੱਚਿਆਂ ਵਿੱਚ ਡਿਪਰੈਸ਼ਨ ਦੀ ਸਮੱਸਿਆ ਵੀ ਵਧ ਰਹੀ ਹੈ। 2019-20 ਦੀ ਰਾਸ਼ਟਰੀ ਮਾਨਸਿਕ ਸਿਹਤ ਵਿਕਾਸ ਰਿਪੋਰਟ ਵਿੱਚ ਪਾਇਆ ਗਿਆ ਹੈ ਕਿ 25 ਪ੍ਰਤੀਸ਼ਤ ਚੀਨੀ ਕਿਸ਼ੋਰ ਡਿਪਰੈਸ਼ਨ ਤੋਂ ਪੀੜਤ ਸਨ ਅਤੇ 7.4 ਪ੍ਰਤੀਸ਼ਤ ਗੰਭੀਰ ਉਦਾਸੀ ਨਾਲ ਪੀੜਤ ਸਨ। ਬੀਜਿੰਗ ਚਿਲਡਰਨ ਹਸਪਤਾਲ ਦੇ ਮਨੋਵਿਗਿਆਨ ਵਿਭਾਗ ਦੇ ਡਾਇਰੈਕਟਰ ਦੇ ਹਵਾਲੇ ਨਾਲ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਬੱਚੇ ਆਪਣੇ ਮਾਪਿਆਂ ਤੋਂ ਬਹੁਤ ਜ਼ਿਆਦਾ ਦਬਾਅ ਮਹਿਸੂਸ ਕਰ ਰਹੇ ਹਨ।

Comment here