ਅਮਰੀਕਾ-ਏਲੇਘੇਨੀ ਕਾਊਂਟੀ ਪੁਲਸ ਨੇ ਕਿਹਾ ਕਿ ਪੱਛਮੀ ਪੈਨਸਿਲਵੇਨੀਆ ਦੇ ਇਕ ਪੁਲਸ ਮੁਖੀ ਦੀ ਮੌਤ ਅਤੇ ਦੋ ਹੋਰ ਅਧਿਕਾਰੀਆਂ ਦੇ ਜ਼ਖ਼ਮੀ ਹੋਣ ਦੀ ਘਟਨਾ ਤੋਂ ਬਾਅਦ ਪੁਲਸ ਨੇ ਪਿੱਛਾ ਕਰ ਕੇ ਇਕ ਸ਼ੱਕੀ ਵਿਅਕਤੀ ਨੂੰ ਮਾਰ ਦਿੱਤਾ। ਉਸ ਕੋਲੋਂ 5 ਬੰਦੂਕਾਂ ਬਰਾਮਦ ਕੀਤੀਆਂ ਗਈਆਂ ਹਨ। ਅਧਿਕਾਰੀਆਂ ਨੇ ਕਿਹਾ ਕਿ ਪੁਲਸ ਮੁਖੀ ਅਤੇ ਇਕ ਹੋਰ ਅਧਿਕਾਰੀ ਨੂੰ ਸੋਮਵਾਰ ਨੂੰ ਪਿਟਸਬਰਗ ਦੇ ਉੱਤਰ-ਪੂਰਬ ਵਿਚ ਏਲੇਘਨੀ ਕਾਊਂਟੀ ਦੇ ਬੈਰੇਕਨਰੀਜ਼ ਵਿਚ ਵੱਖ-ਵੱਖ ਬਲਾਕਾਂ ਵਿਚ ਗੋਲ਼ੀ ਮਾਰ ਦਿੱਤੀ ਗਈ ਸੀ। ਅਧਿਕਾਰੀਆਂ ਨੇ ਕਿਹਾ ਕਿ ਸ਼ੱਕੀ ਨੇ ਇਕ ਵਾਹਨ ਨੂੰ ਟੱਕਰ ਮਾਰ ਦਿੱਤੀ ਸੀ ਅਤੇ ਪੁਲਸ ਦੇ ਨਾਲ ਗੋਲ਼ੀਬਾਰੀ ਕੀਤੀ ਸੀ ਜਿਸ ਤੋਂ ਬਾਅਦ ਪਿਟਸਬਰਗ ਵਿਚ ਉਸ ਨੂੰ ਮਾਰ ਮੁਕਾਇਆ ਗਿਆ। ਨਿਰਵਾਚਿਤ ਗਵਰਨਰ, ਸਟੇਟ ਅਟਾਰਨੀ ਜਰਨਲ ਜੋਸ਼ ਸ਼ਾਪਿਰੋ ਨੇ ਕਿਹਾ ਕਿ ਬ੍ਰੈਕੇਨਰੀਜ਼ ਪੁਲਸ ਮੁਖੀ ਜਸਟਿਨ ਮੈਕਇੰਟਾਇਰ ਪੈਨੇਸਿਲਵੇਨੀਆ ਵਾਸੀਆਂ ਦੀ ਸੁਰੱਖਿਆ ਲਈ ਸ਼ੱਕੀ ਵਿਅਕਤੀ ਵੱਲ ਭੱਜੇ ਅਤੇ ਉਨ੍ਹਾਂ ਨੇ ਲੋਕਾਂ ਦੀ ਸੇਵਾ ਵਿਚ ਆਪਣਾ ਜੀਵਨ ਵਾਰ ਦਿੱਤਾ। ਬਾਕੀ ਜ਼ਖ਼ਮੀ ਦੋ ਅਧਿਕਾਰੀਆਂ ਦਾ ਇਲਾਜ ਹੋ ਰਿਹਾ ਹੈ।
ਏਲੇਘੇਨੀ ਕਾਊਂਟੀ ਪੁਲਸ ਨੇ ਕਿਹਾ ਕਿ ਸੂਬਾ ਪੁਲਸ ਨੇ ਹਥਿਆਰਾਂ ਨਾਲ ਜੁੜੇ ਉਲੰਘਨ ‘ਤੇ ਰੂਟ 22 ‘ਤੇ ਡੂਕਸੇਨ ਦੇ 28 ਸਾਲਾ ਆਰੋਨ ਲੈਮੋਂਟ ਸਵਾਨ ਜੂਨੀਅਰ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ ਸੀ, ਪਰ ਉਹ ਭੱਜ ਗਿਆ। ਪੁਲਸ ਨੇ ਕਿਹਾ ਕਿ ਮਾਮਲੇ ਦੌਰਾਨ ਸਵਾਨ ਵੱਲੋਂ ਵਰਤੀਆਂ ਗਈਆਂ 5 ਬੰਦੂਕਾਂ ਬਰਮਾਦ ਕੀਤੀਆਂ ਗਈਆਂ, ਚਾਰ ਬ੍ਰੈਕੇਨਰੀਜ਼ ਵਿਚ ਅਤੇ ਇਕ ਹੋਮਵੁੱਡ ਬ੍ਰਸ਼ਨਟਨ ਵਿਚ।
ਗੋਲ਼ੀਬਾਰੀ ਦੌਰਾਨ ਅਮਰੀਕਾ ਪੁਲਸ ਮੁਖੀ ਦੀ ਮੌਤ, ਦੋ ਜ਼ਖ਼ਮੀ

Comment here