ਗੁਰੇਜ਼ ਵੈਲੀ ਤੋਂ ਕਾਹਦਾ ਗੁਰੇਜ਼.. ਹੁੰਮਹੁਮਾ ਕੇ ਆਓ ਘੁੰਮਕੜੋ

ਬਾਂਦੀਪੋਰਾ ਦੀ ‘ਗੁਰੇਜ਼ ਵੈਲੀ’ ਸੈਲਾਨੀਆਂ ਲਈ ਖਿੱਚ ਦਾ ਕੇਂਦਰ ਬਣੀ

ਸ਼੍ਰੀਨਗਰ- ਜੰਮੂ-ਕਸ਼ਮੀਰ ਚ ਆਮ ਵਰਗਾ ਮਹੌਲ ਸਥਾਪਿਤ ਕਰਨ ਦੀ ਪੂਰੀ ਕੋਸ਼ਿਸ਼ ਹੋ ਰਹੀ ਹੈ। ਸੈਰ ਸਪਾਟੇ ਨੂੰ ਉਤਸ਼ਾਹਿਤ ਕਰਨ ਦੇ ਯਤਨਾਂ ਨੂੰ ਬੂਰ ਪੈ ਵੀ ਰਿਹਾ ਹੈ।ਵੈਸੇ ਤਾਂ ਸਾਰੀ ਵਾਦੀ ਚ ਸੈਲਾਨੀਆਂ ਦੀ ਭੀੜ ਲੱਗੀ ਰਹਿੰਦੀ ਹੈ, ਪਰ ਜੰਮੂ-ਕਸ਼ਮੀਰ ਪ੍ਰਸ਼ਾਸਨ ਸੂਬੇ ਦੀਆਂ ਉਨ੍ਹਾਂ ਥਾਵਾਂ ’ਤੇ ਵੀ ਸੈਲਾਨੀਆਂ ਨੂੰ ਲੁਭਾਉਣ ਵਿਚ ਲੱਗਾ ਹੈ, ਜਿਨ੍ਹਾਂ ਦੀ ਖੂਬਸੂਰਤੀ ਬਾਰੇ ਸੈਲਾਨੀ ਅਣਜਾਣ ਹਨ। ਇਨ੍ਹਾਂ ਵਿਚੋਂ ਇਕ ਹੈ ਬਾਂਦੀਪੋਰਾ ਜ਼ਿਲ੍ਹੇ ਵਿਚ ਸਥਿਤ ਗੁਰੇਜ਼ ਵੈਲੀ, ਜਿਸ ਦੀ ਸੁੰਦਰਤਾ ਨੂੰ ਰਾਸ਼ਟਰੀ ਅਤੇ ਕੌਮਾਂਤਰੀ ਪੱਧਰ ’ਤੇ ਪਹੁੰਚਾਉਣ ਲਈ ਪ੍ਰਸ਼ਾਸਨ ਤੇਜ਼ੀ ਨਾਲ ਕੰਮ ਕਰ ਰਿਹਾ ਹੈ। ਇਥੇ ਤਿੰਨ ਦਿਨਾਂ ਉਤਸਵ ਦਾ ਆਯੋਜਨ ਕੀਤਾ ਹੈ, ਜਿੱਥੇ ਸਥਾਨਕ ਸੱਭਿਆਚਾਰ ਦਾ ਪ੍ਰਦਰਸ਼ਨ ਕੀਤਾ ਜਾ ਰਿਹਾ ਹੈ। ਉਤਸਵ ਦਾ ਉਦੇਸ਼ ਖੇਤਰ ਦੀ ਵਿਰਾਸਤ ਅਤੇ ਸੱਭਿਆਚਾਰ ਨੂੰ ਉਜਾਗਰ ਕਰਨਾ ਹੈ। ਉਤਸਵ ਦੌਰਾਨ ਗੁਰੇਜ ਦੇ ਵੱਖ-ਵੱਖ ਕਲੱਬਾਂ ਵਲੋਂ ਕਈ ਸੱਭਿਆਚਾਰਕ ਅਤੇ ਰਿਵਾਇਤੀ ਪ੍ਰੋਗਰਾਮਾਂ ਦਾ ਪ੍ਰਦਰਸ਼ਨ ਕੀਤਾ ਜਾਵੇਗਾ। ਉਤਸਵ ਦੀ ਵਿਸ਼ੇਸ਼ਤਾ ਵੱਖ-ਵੱਖ ਸਥਾਨਕ ਸਮੂਹਾਂ ਵਲੋਂ ਵਿਸ਼ੇਸ਼ ਰੂਪ ਨਾਲ ਸ਼ੀਨਾ, ਦਰਦੀ, ਪਹਾੜੀ ਅਤੇ ਹੋਰ ਸਥਾਨਕ ਬੋਲੀਆਂ ਵਿਚ ਸੱਭਿਆਚਾਰਕ ਰੰਗ ਦੀ ਪੇਸ਼ਕਾਰੀ ਹੈ। ਗੁਰੇਜ਼ ਘਾਟੀ ਐਡਵੈਂਚਰ, ਰਾਫਟਿੰਗ, ਟਰੈਕਿੰਗ ਅਤੇ ਕੁਦਰਤੀ ਨਜਾ਼ਰੇ ਮਾਨਣ ਵਾਲਿਆਂ ਲਈ ਵਧੀਆ ਸੈਰਗਾਹ ਸਾਬਿਤ ਹੋ ਸਕਦੀ ਹੈ।