ਖਬਰਾਂਚਲੰਤ ਮਾਮਲੇਦੁਨੀਆ

ਗੀਤਕਾਰ ਦੇਵ ਕੋਹਲੀ ਦਾ 81 ਸਾਲ ਦੀ ਉਮਰ ‘ਚ ਹੋਇਆ ਦੇਹਾਂਤ

ਮੁੰਬਈ-ਭਾਰਤੀ ਸਿਨੇਮਾ ਦੇ ਮਸ਼ਹੂਰ ਗੀਤਕਾਰ ਦੇਵ ਕੋਹਲੀ ਦਾ ਅੱਜ ਮੁੰਬਈ ਵਿਖੇ ਦੇਹਾਂਤ ਹੋ ਗਿਆ ਹੈ। ਉਨ੍ਹਾਂ ਨੇ 100 ਤੋਂ ਵੱਧ ਹਿੰਦੀ ਫਿਲਮਾਂ ਲਈ ਗੀਤ ਲਿਖੇ ਸਨ ਅਤੇ ਉਨ੍ਹਾਂ ਦੇ ਕਈ ਗੀਤ ਅੱਜ ਵੀ ਲੋਕਾਂ ਦੀ ਜ਼ੁਬਾਨ ‘ਤੇ ਹਨ। 81 ਸਾਲਾਂ ਦੇਵ ਕੋਹਲੀ ਦੀ ਸਿਹਤ ਪਿਛਲੇ ਕੁਝ ਮਹੀਨਿਆਂ ਤੋਂ ਖਰਾਬ ਸੀ। ਉਨ੍ਹਾਂ ਦਾ ਇਲਾਜ ਕੋਕਿਲਾਬੇਨ ਅੰਬਾਨੀ ਹਸਪਤਾਲ ‘ਚ ਚੱਲ ਰਿਹਾ ਸੀ। ਇਸ ਹੋਣਹਾਰ ਗੀਤਕਾਰ ਦੀ ਇਲਾਜ ਦੌਰਾਨ ਮੌਤ ਹੋ ਗਈ। ਗੀਤਕਾਰ ਨੂੰ ਆਪਣਾ ‘ਜਨੂੰਨ’ ਮੰਨਣ ਵਾਲੇ ਦੇਵ ਕੋਹਲੀ ਕੁਆਰੇ ਸਨ।ਦੇਵ ਕੋਹਲੀ ਨੇ ਕਈ ਹਿੰਦੀ ਫਿਲਮਾਂ ਲਈ ਗੀਤ ਲਿਖੇ ਸਨ। ਇਸ ਵਿੱਚ ‘ਮੈਂ ਪਿਆਰ ਕੀਆ’, ‘ਬਾਜ਼ੀਗਰ’, ‘ਜੁੜਵਾ’, ‘ਮੁਸਾਫਿਰ’ ਆਦਿ ਮਸ਼ਹੂਰ ਫਿਲਮਾਂ ਸ਼ਾਮਲ ਹਨ। ਸੰਗੀਤ ਨਿਰਦੇਸ਼ਕਾਂ ਰਾਮ ਲਕਸ਼ਮਣ, ਅਨੂ ਮਲਿਕ, ਆਨੰਦ ਰਾਜ ਆਨੰਦ, ਆਨੰਦ-ਮਿਲਿੰਦ ਨਾਲ ਉਸ ਦੇ ਗੀਤ ਵਿਸ਼ੇਸ਼ ਤੌਰ ‘ਤੇ ਯਾਦਗਾਰ ਬਣ ਗਏ। ਉਸ ਨੂੰ ਫਿਲਮ ਇੰਡਸਟਰੀ ਵਿੱਚ ਆਪਣੀ ਤਾਕਤ ਅਤੇ ਪ੍ਰਤਿਭਾ ਦੇ ਅਨੁਕੂਲ ਮੌਕੇ ਨਹੀਂ ਮਿਲੇ ਸਨ।
ਦੱਸ ਦਈਏ ਕਿ ਕੋਹਲੀ ਦਾ ਜਨਮ 2 ਨਵੰਬਰ 1942 ਨੂੰ ਰਾਵਲਪਿੰਡੀ (ਪਾਕਿਸਤਾਨ) ਵਿੱਚ ਹੋਇਆ ਸੀ, ਭਾਰਤ-ਪਾਕਿਸਤਾਨ ਦੀ ਵੰਡ ਤੋਂ ਬਾਅਦ ਗੀਤਕਾਰ ਦੇਹਰਾਦੂਨ ਆ ਕੇ ਵੱਸ ਗਏ। ਦੇਵ ਕੋਹਲੀ ਮਹਿਜ਼ 16 ਸਾਲ ਦੇ ਸਨ, ਜਦੋਂ ਉਹਨਾਂ ਦੇ ਪਿਤਾ ਦਾ ਦੇਹਾਂਤ ਹੋ ਗਿਆ ਸੀ। ਫਿਰ ਉਹ 22 ਸਾਲ ਦੀ ਉਮਰ ਵਿੱਚ ਕੰਮ ਦੀ ਤਲਾਸ਼ ਲਈ ਮੁੰਬਈ ਆ ਗਏ।
ਪਹਿਲੀ ਵਾਰ ਦੇਵ ਕੋਹਲੀ ਨੂੰ ਸਾਲ 1969 ‘ਚ ਫਿਲਮ ‘ਗੁੰਡਾ’ ‘ਚ ਮੌਕਾ ਮਿਲਿਆ ਪਰ ਸਾਲ 1971 ‘ਚ ਬਣੀ ਫਿਲਮ ਲਾਲ ਪੱਥਰ ਲਈ ਲਿਖਿਆ ਗੀਤ ‘ਗੀਤਾ ਗਾਤਾ ਹੂੰ ਮੈਂ’ ਉਨ੍ਹਾਂ ਦੀ ਪਹਿਲੀ ਸਫਲਤਾ ਸੀ। ਇਹ ਗੀਤ ਅੱਜ ਵੀ ਲੋਕਾਂ ਦੇ ਬੁੱਲਾਂ ‘ਤੇ ਛਾਇਆ ਹੋਇਆ ਹੈ। ਦੱਸ ਦਈਏ ਕਿ ਸਾਲ 1970 ਤੋਂ 1980 ਤੱਕ ਉਨ੍ਹਾਂ ਦੀ ਪਛਾਣ ਨਹੀਂ ਸੀ ਪਰ ਸਾਲ 1989 ‘ਚ ਸਲਮਾਨ ਖਾਨ ਦੀ ਮੈਗਾਬਲਾਕਸਟਰ ਫਿਲਮ ‘ਮੈਂ ਪਿਆਰ ਕੀਆ’ ਲਈ ਉਨ੍ਹਾਂ ਨੇ ਕਬੂਤਰ ਜਾ ਜਾ, ਦੀਦੀ ਤੇਰਾ ਦੇਵਰ ਦੀਵਾਨਾ ਵਰਗੇ ਗੀਤ ਲਿਖੇ। ਜਿਨ੍ਹਾਂ ਨੇ ਉਸ ਨੂੰ ਅਲੱਗ ਪਹਿਚਾਣ ਦਿਵਾਈ। ਦੇਵ ਕੋਹਲੀ ਦੀ ਮ੍ਰਿਤਕ ਦੇਹ ਨੂੰ ਅੱਜ ਦੁਪਹਿਰ 2 ਵਜੇ ਅੰਧੇਰੀ ਦੇ ਲੋਖੰਡਵਾਲਾ ਕੰਪਲੈਕਸ ਸਥਿਤ ਲਿਆਂਦਾ ਜਾਵੇਗਾ। ਉਸ ਤੋਂ ਬਾਅਦ ਓਸ਼ੀਵਾਰਾ ਸ਼ਮਸ਼ਾਨਘਾਟ ‘ਚ ਉਨ੍ਹਾਂ ਦਾ ਸਸਕਾਰ ਕੀਤਾ ਜਾਵੇਗਾ।

Comment here