ਕਾਬੁਲ-ਡਾਇਰੈਕਟੋਰੇਟ ਜਨਰਲ ਆਫ਼ ਇੰਟੈਲੀਜੈਂਸ (ਜੀ.ਡੀ.ਆਈ.) ਨੇ ਦੱਸਿਆ ਕਿ ਅਫ਼ਗਾਨ ਸੁਰੱਖਿਆ ਬਲਾਂ ਨੇ ਪੂਰਬੀ ਸੂਬੇ ਗਜ਼ਨੀ ‘ਚ 35 ਏਕੇ-47 ਅਸਾਲਟ ਰਾਈਫ਼ਲਾਂ ਸਮੇਤ ਹਥਿਆਰਾਂ ਅਤੇ ਗੋਲਾ ਬਾਰੂਦ ਦਾ ਵੱਡਾ ਭੰਡਾਰ ਜ਼ਬਤ ਕੀਤਾ ਹੈ। ਬਿਆਨ ਦੇ ਅਨੁਸਾਰ ਬਰਾਮਦ ਕੀਤੇ ਗਏ ਹਥਿਆਰਾਂ ਅਤੇ ਗੋਲਾ ਬਾਰੂਦ ‘ਚ ਇਕ ਪੀਕੇ ਮਸ਼ੀਨ ਗੰਨ, ਤਿੰਨ ਪਿਸਤੌਲ, ਇਕ 82 ਐੱਮਐੱਮ ਕੈਲੀਬਰ ਦੀ ਐਂਟੀ-ਟੈਂਕ ਗਨ, ਹਜ਼ਾਰਾਂ ਰਾਉਂਡ, ਗੋਲਾ ਬਾਰੂਦ ਅਤੇ ਵਿਸਫ਼ੋਟਕ ਸ਼ਾਮਲ ਹਨ। ਇਹ ਹਥਿਆਰ ਗਜ਼ਨੀ ਸੂਬੇ ਦੇ ਕੁਝ ਹਿੱਸਿਆਂ ‘ਚ ਚਲਾਏ ਗਏ ਅਪਰੇਸ਼ਨ ਦੌਰਾਨ ਜ਼ਬਤ ਕੀਤੇ ਗਏ ਹਨ। ਇਸੇ ਤਰ੍ਹਾਂ ਦੇ ਇਕ ਹੋਰ ਘਟਨਾਕ੍ਰਮ ‘ਚ ਅਫ਼ਗਾਨ ਸੁਰੱਖਿਆ ਬਲਾਂ ਨੇ ਕੁਝ ਹਫ਼ਤੇ ਪਹਿਲਾਂ ਪਰਵਾਨ, ਨੰਗਰਹਾਰ ਅਤੇ ਨਿਮਰੋਜ਼ ਪ੍ਰਾਂਤਾਂ ‘ਚ ਹਥਿਆਰਾਂ ਦੇ ਕਈ ਭੰਡਾਰਾਂ ਦਾ ਪਰਦਾਫ਼ਾਸ਼ ਕੀਤਾ ਸੀ ਅਤੇ ਜ਼ਬਤ ਕੀਤਾ ਸੀ। ਇਸ ਸਬੰਧ ਵਿਚ ਕੋਈ ਗ੍ਰਿਫ਼ਤਾਰੀ ਦੀ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ।
Comment here