ਖਲੀਫ਼ਾ ਨੇ ਇਸਲਾਮਿਕ ਸਟੇਟ ਦੀ ਮਦਦ ਦੀ ਗੱਲ ਕਬੂਲੀ, ਹੋ ਸਕਦੀ ਉਮਰ ਕੈਦ

ਅਲੈਗਜ਼ੈਂਡਰੀਆ-ਅਮਰੀਕਾ ਦੇ ਅਲੈਗਜ਼ੈਂਡਰੀਆ ਦੀ ਜ਼ਿਲ੍ਹਾ ਅਦਾਲਤ ਵਿਚ ਹੋਈ ਸੁਣਵਾਈ ਵਿਚ ਮੁਹੰਮਦ ਖਲੀਫਾ (38) ਨੇ ਵਿਦੇਸ਼ੀ ਅੱਤਵਾਦੀ ਸੰਗਠਨ ਇਸਲਾਮਿਕ ਸਟੇਟ ਨੂੰ ਮਦਦ ਪਹੁੰਚਾਉਣ ਲਈ ਸਾਜਿਸ਼ ਰਚਣ ਦਾ ਜ਼ੁਰਮ ਕਬੂਲਿਆ। ਅਦਾਲਤ ਰਿਕਾਰਡ ਮੁਤਾਬਕ ਖਲੀਫਾ ਅਮਰੀਕੀ ਧਰਮਗੁਰੂ ਅਨਵਰ ਅਲ-ਅਵਲਾਕੀ ਦੇ ਉਪਦੇਸ਼ਾਂ ਤੋਂ ਪ੍ਰੇਰਿਤ ਹੋ ਕੇ 2013 ਵਿਚ ਕੈਨੇਡਾ ਤੋਂ ਸੀਰੀਆ ਲਈ ਰਵਾਨਾ ਹੋਇਆ ਸੀ। ਅਵਲਾਕੀ ਬਾਅਦ ਵਿਚ ਅਲਕਾਇਦਾ ਦਾ ਮੋਹਰੀ ਮੈਂਬਰ ਬਣ ਗਿਆ ਸੀ। ਖਲੀਫਾ ਨੂੰ 15 ਅਪ੍ਰੈਲ ਨੂੰ ਸਜ਼ਾ ਸੁਣਾਈ ਜਾਏਗੀ। ਉਸ ਨੂੰ ਉਮਰ ਕੈਦ ਦੀ ਸਜ਼ਾ ਸੁਣਾਈ ਜਾ ਸਕਦੀ ਹੈ।