ਅਪਰਾਧਸਿਆਸਤਖਬਰਾਂ

ਕੱਟੜਪੰਥੀਆਂ ਨੇ ਅਹਿਮਦੀ ਭਾਈਚਾਰੇ ਦੇ ਦੋ ਮੀਨਾਰ ਢਾਹੇ

ਪੇਸ਼ਾਵਰ-ਅਹਿਮਦੀ ਭਾਈਚਾਰਾ ਦੇਸ਼ ਵਿੱਚ ਲਗਾਤਾਰ ਤਬਾਹ ਕੀਤਾ ਜਾ ਰਿਹਾ ਹੈ ਅਤੇ ਸਰਕਾਰ ਤਮਾਸ਼ਾ ਦੇਖ ਰਹੀ ਹੈ। ਪੁਲਸ ਨੇ ਕਥਿਤ ਤੌਰ ’ਤੇ ਕੁਝ ਮੌਲਵੀਆਂ ਦੇ ਇਸ਼ਾਰੇ ’ਤੇ ਪੰਜਾਬ ਸੂਬੇ ਵਿੱਚ ਘੱਟ ਗਿਣਤੀ ਅਹਿਮਦੀ ਭਾਈਚਾਰੇ ਦੇ ਧਾਰਮਿਕ ਸਥਾਨਾਂ ਦੇ ਦੋ ਮੀਨਾਰ ਢਾਹ ਦਿੱਤੇ ਹਨ। ਅਹਿਮਦੀ ਭਾਈਚਾਰੇ ਦੇ ਨੁਮਾਇੰਦਿਆਂ ਮੁਤਾਬਕ 8 ਦਸੰਬਰ ਨੂੰ ਲਾਹੌਰ ਤੋਂ ਕਰੀਬ 80 ਕਿਲੋਮੀਟਰ ਦੂਰ ਗੁਜਰਾਂਵਾਲਾ ਦੇ ਬਾਗਬਾਨਪੁਰਾ ਇਲਾਕੇ ਨੂੰ ਪੁਲਸ ਦੀ ਟੁਕੜੀ ਨੇ ਘੇਰ ਲਿਆ ਅਤੇ ਅਹਿਮਦੀ ਧਰਮ ਅਸਥਾਨ ਦੀਆਂ ਮੀਨਾਰਾਂ ਨੂੰ ਢਾਹ ਦਿੱਤਾ।
ਜਮਾਤ ਅਹਿਮਦੀਆ ਪੰਜਾਬ ਦੇ ਇੱਕ ਅਹੁਦੇਦਾਰ ਆਮਿਰ ਮਹਿਮੂਦ ਨੇ ਸੋਮਵਾਰ ਨੂੰ ਕਿਹਾ ਕਿ ਪੁਲਸ ਨੇ ਸਥਾਨਕ ਮੌਲਵੀਆਂ ਦੇ ਇਸ਼ਾਰੇ ’ਤੇ ਕਾਰਵਾਈ ਕੀਤੀ, ਜਿਨ੍ਹਾਂ ਨੇ ਧਮਕੀ ਦਿੱਤੀ ਸੀ ਕਿ ਜੇਕਰ ਮੀਨਾਰਾਂ ਨੂੰ ਨਾ ਢਾਹਿਆ ਗਿਆ ਤਾਂ ਅਹਿਮਦੀ ਧਾਰਮਿਕ ਅਸਥਾਨਾਂ ’ਤੇ ਹਮਲੇ ਕੀਤਾ ਜਾਵੇਗਾ। ਦੱਸ ਦੇਈਏ ਕਿ ਪਾਕਿਸਤਾਨ ਵਿੱਚ ਕਾਨੂੰਨ ਦੇ ਤਹਿਤ, ਅਹਿਮਦੀ ਭਾਈਚਾਰਾ ਮੀਨਾਰ ਨਹੀਂ ਬਣਾ ਸਕਦਾ ਜਾਂ ਆਪਣੇ ਪੂਜਾ ਸਥਾਨ ਨੂੰ ਮਸਜਿਦ ਨਹੀਂ ਕਹਿ ਸਕਦਾ।
ਇਸ ਤੋਂ ਪਹਿਲਾਂ ਅਹਿਮਦੀਆਂ ਨੇ ਧਾਰਮਿਕ ਕੱਟੜਪੰਥੀਆਂ ਦੇ ਗੁੱਸੇ ਤੋਂ ਬਚਣ ਲਈ ਆਮ ਲੋਕਾਂ ਦੀਆਂ ਨਜ਼ਰਾਂ ਤੋਂ ਛੁਪਾਉਣ ਲਈ ਮੀਨਾਰ ਦੇ ਆਲੇ-ਦੁਆਲੇ ਸਟੀਲ ਦੀਆਂ ਚਾਦਰਾਂ ਵਿਛਾ ਦਿੱਤੀਆਂ ਸਨ। ਹਾਲਾਂਕਿ ਕੁਝ ਸਥਾਨਕ ਮੌਲਵੀਆਂ, ਖ਼ਾਸਕਰ ਤਹਿਰੀਕ-ਏ-ਲਬੈਇਕ ਪਾਕਿਸਤਾਨ (ਟੀ. ਐੱਲ. ਪੀ.) ਨਾਲ ਸਬੰਧਤ, ਮੀਨਾਰਾਂ ਨੂੰ ਹਟਾਉਣ ਦੀ ਮੰਗ ਕਰਨ ਤੋਂ ਬਾਅਦ ਪ੍ਰਸ਼ਾਸਨ ਹਰਕਤ ਵਿੱਚ ਆ ਗਿਆ। ਮਹਿਮੂਦ ਨੇ ਕਿਹਾ ਕਿ ਅਹਿਮਦੀ ਭਾਈਚਾਰਾ ਪੁਲਸ ਦੀ ਗੈਰ-ਨਿਆਇਕ ਕਾਰਵਾਈ ਦੀ ਨਿੰਦਾ ਕਰਦਾ ਹੈ।

Comment here