ਕੋਲਕਾਤਾ-ਪੱਛਮੀ ਬੰਗਾਲ ‘ਚ ਭੁੱਕੀ ਦੀ ਖੇਤੀ ਨੂੰ ਲੈ ਕਿ ਖ਼ਬਰ ਸਾਹਮਣੇ ਆਈ ਹੈ। ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਕਿਹਾ ਕਿ ਉਨ੍ਹਾਂ ਨੇ ਕੇਂਦਰ ਨੂੰ ਚਿੱਠੀ ਲਿਖ ਕੇ ਸੂਬੇ ‘ਚ ਭੁੱਕੀ ਦੀ ਖੇਤੀ ਦੀ ਮਨਜ਼ੂਰੀ ਦੇਣ ਦੀ ਅਪੀਲ ਕੀਤੀ ਹੈ ਤਾਂ ਕਿ ਸੂਬੇ ਦੇ ਲੋਕ ਇਸ ਤੋਂ ਤਿਆਰ ਪਕਵਾਨਾਂ ਦਾ ਆਨੰਦ ਲੈ ਸਕਣ। ਮਮਤਾ ਬੈਨਰਜੀ ਨੇ ਵਿਧਾਨ ਸਭਾ ‘ਚ ਕਿਹਾ ਕਿ ‘ਪੋਸਤੋ’ ਜਾਂ ਭੁੱਕੀ ਮਹਿੰਗੀ ਹੈ, ਕਿਉਂਕਿ ਇਸ ਦੀ ਖੇਤੀ ਸਿਰਫ਼ ਕੁਝ ਸੂਬਿਆਂ ‘ਚ ਕੀਤੀ ਜਾਂਦੀ ਹੈ। ਉਨ੍ਹਾਂ ਕਿਹਾ,”ਬੰਗਾਲੀਆਂ ਨੂੰ ਪੋਸਤੋ ਪਸੰਦ ਹੈ। ਸਿਰਫ਼ ਚਾਰ ਸੂਬਿਆਂ ‘ਚ ਇਸ ਦੀ ਖੇਤੀ ਕਿਉਂ ਕੀਤੀ ਜਾਣੀ ਚਾਹੀਦੀ ਹੈ? ਪੱਛਮੀ ਬੰਗਾਲ ‘ਚ ਇਸ ਦੀ ਖੇਤੀ ਕਿਉਂ ਨਹੀਂ ਕੀਤੀ ਜਾਵੇਗੀ, ਜਦੋਂ ਕਿ ਇਹ ਹਰ ਦਿਨ ਸਾਡੇ ਮੈਨਿਊ ‘ਚ ਹੈ?” ਬੈਨਰਜੀ ਨੇ ਕਿਹਾ ਕਿ ਸਾਰੇ ਪੋਸਤੋ, ਨਸ਼ੀਲੇ ਪਦਾਰਥ ਨਹੀਂ ਹਨ। ਬੈਨਰਜੀ ਨੇ ਕਿਹਾ,”ਸਾਨੂੰ ਦੂਜੇ ਸੂਬਿਆਂ ਤੋਂ ਉੱਚੀਆਂ ਕੀਮਤਾਂ ‘ਤੇ ਪੋਸਤੋ ਕਿਉਂ ਖਰੀਦਣਾ ਪਵੇਗਾ? ਪੱਛਮੀ ਬੰਗਾਲ ‘ਚ ਇੱਥੇ ਪੋਸਤੋ ਦੀ ਖੇਤੀ ਦੀ ਮਨਜ਼ੂਰੀ ਕਿਉਂ ਨਹੀਂ ਮਿਲੇਗੀ? ਮੈਂ ਵਿਰੋਧੀ ਧਿਰ ਦੇ ਮੈਂਬਰਾਂ ਨੂੰ ਇਸ ‘ਤੇ ਕੇਂਦਰ ਨੂੰ ਚਿੱਠੀ ਲਿਖਣ ਲਈ ਕਹਾਂਗੀ।”
ਕੇਂਦਰ ਪੱਛਮੀ ਬੰਗਾਲ ‘ਚ ਭੁੱਕੀ ਦੀ ਖੇਤੀ ਕਰਨ ਦੀ ਮਨਜ਼ੂਰੀ ਦੇਵੇ-ਮਮਤਾ ਬੈਨਰਜੀ

Comment here