ਕਾਜੀਗੁੰਡ-ਬਨਿਹਾਲ ਸੁਰੰਗ ਆਵਾਜਾਈ ਦੇ ਪ੍ਰੀਖਣ ਲਈ ਖੋਲ੍ਹੀ

ਨਵੀਂ ਦਿੱਲੀ-ਜੰਮੂ ਅਤੇ ਸ਼੍ਰੀਨਗਰ ਦਰਮਿਆਨ ਯਾਤਰਾ ਦੇ ਸਮੇਂ ਵਿੱਚ ਲਗਭਗ 1.5 ਘੰਟੇ ਅਤੇ ਦੂਰੀ 16 ਕਿਲੋਮੀਟਰ ਘਟਾਉਣ ਵਾਲੀ ਕਾਜੀਗੁੰਡ ਅਤੇ ਬਨਿਹਾਲ ਵਿਚਾਲੇ 8.5 ਕਿਲੋਮੀਟਰ ਸੁਰੰਗ ਨੂੰ ਆਵਾਜਾਈ ਪ੍ਰੀਖਣ ਲਈ ਖੋਲ ਦਿੱਤਾ ਗਿਆ ਹੈ। ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਕੇਂਦਰੀ ਮੰਤਰੀ ਨਿਤਿਨ ਗਡਕਰੀ ਨੇ ਇਕ ਟਵੀਟ ‘ਚ ਕਿਹਾ ਕਿ ਸਮੁੰਦਰ ਤਲ ਤੋਂ 5800 ਫੁੱਟ ਦੀ ਉੱਚਾਈ ‘ਤੇ ਬਣੀ ਇਹ ਸੁਰੰਗ ਜਵਾਹਰ ਸੁਰੰਗ ਦੀ ਜਗ੍ਹਾ ਲਵੇਗੀ ਅਤੇ ਹਰ ਮੌਸਮ ‘ਚ ਸੰਪਰਕ ਪ੍ਰਦਾਨ ਕਰੇਗੀ। ਉਨ੍ਹਾਂ ਟਵੀਟ ਕੀਤਾ,”ਕਾਜੀਗੁੰਡ ਅਤੇ ਬਨਿਹਾਲ ਵਿਚਾਲੇ 8.5 ਕਿਲੋਮੀਟਰ ਲੰਬੀ ਸੁਰੰਗ ਦਾ ਕੰਮ ਪੂਰਾ ਹੋ ਚੁਕਿਆ ਹੈ ਅਤੇ ਪ੍ਰੀਖਣ ਲਈ ਆਵਾਜਾਈ ਨੂੰ ਖੋਲ੍ਹਿਆ ਗਿਆ ਹੈ।” ਬਿਲਡ, ਆਪਰੇਟ ਐਂਡ ਟਰਾਂਸਫਰ ‘ਤੇ ਬਣੀ ਇਹ ਸੁਰੰਗ ਰਾਸ਼ਟਰੀ ਰਾਜਮਾਰਗਾਂ ‘ਤੇ ਸਭ ਤੋਂ ਕਠਿਨ ਇਲਾਕੇ ਤੋਂ ਹੋ ਕੇ ਲੰਘਦੀ ਹੈ। ਇਹ ਗੈਸ ਕੱਢਣ ਅਤੇ ਤਾਜ਼ੀ ਹਵਾ ਲਿਆਉਣ ਲਈ ਇਕ ਨਿਕਾਸ ਪ੍ਰਣਾਲੀ ਨਾਲ ਜੁੜਿਆ ਹੈ। ਇਸ ‘ਚ 124 ਜੈੱਟ ਪੱਖੇ, 234 ਸੀ.ਸੀ.ਟੀ.ਵੀ. ਆਧੁਨਿਕ ਕੈਮਰੇ ਅਤੇ ਇਕ ਅੱਗ ਬੁਝਾਊ ਪ੍ਰਣਾਲੀ ਸਥਾਪਤ ਹੈ।ਇਸ ਨਾਲ ਜੰਮੂ ਅਤੇ ਸ਼੍ਰੀਨਗਰ ਵਿਚਾਲੇ ਯਾਤਰਾ ਦੇ ਸਮੇਂ ਲਗਭਗ 1.5 ਘੰਟੇ ਅਤੇ ਦੂਰੀ ‘ਚ 16 ਕਿਲੋਮੀਟਰ ਦੀ ਕਮੀ ਹੋਵੇਗੀ। ਸਰੁੰਗ ਕਸ਼ਮੀਰ ਅਤੇ ਜੰਮੂ ਸੰਪਰਕ ਦੀ ਸਹੂਲਤ ਪ੍ਰਦਾਨ ਕਰੇਗੀ ਅਤੇ ਸਰਦੀਆਂ ‘ਚ ਬਰਫ਼ਬਾਰੀ ਅਤੇ ਜ਼ਮੀਨ ਖਿੱਸਕਣ ਕਾਰਨ ਸੜਕ ਬੰਦ ਹੋਣ ਦੀ ਸਮੱਸਿਆ ਹੱਲ ਕਰੇਗੀ।