ਕਾਂਗਰਸੀ ਨੇਤਾ ਨੇ ਵਸੀਮ ਰਿਜ਼ਵੀ ਦੇ ਸਿਰ ਦਾ ਰੱਖਿਆ ਇਨਾਮ

ਨਵੀਂ ਦਿੱਲੀ-ਯੂਪੀ ਸ਼ੀਆ ਵਕਫ ਬੋਰਡ  ਦੇ ਸਾਬਕਾ ਚੇਅਰਮੈਨ ਵਸੀਮ ਰਿਜ਼ਵੀ ਨੇ ਹਾਲ ਹੀ ਵਿੱਚ ਮੁਸਲਮ ਧਰਮ ਛੱਡ ਕੇ ਹਿੰਦੂ ਧਰਮ ਅਪਣਾਅ ਲਿਆ ਸੀ। ਉਹ ਆਪਣੇ ਬਿਆਨਾਂ ਕਰਕੇ ਅਕਸਰ ਵਿਵਾਦਾਂ ਵਿੱਚ ਰਹਿੰਦਾ ਹੈ। ਹੁਣ ਵੀ ਉਸ ਦੇ ਨਾਮ ਨਾਲ ਜੁੜੇ ਮਸਲੇ ਚਰਚਾ ਵਿੱਚ ਹਨ। ਕਾਂਗਰਸ ਨੇਤਾ ਰਸ਼ੀਦ ਖਾਨ  ਨੇ ਵਸੀਮ ਰਿਜ਼ਵੀ ਦਾ ਸਿਰ ਲਿਆਉਣ ਵਾਲੇ ਨੂੰ 25 ਲੱਖ ਰੁਪਏ ਦਾ ਇਨਾਮ ਦੇਣ ਦਾ ਐਲਾਨ ਕੀਤਾ। ਉਨ੍ਹਾਂ ਕਿਹਾ ਕਿ ਉਹ ਇਨਾਮ ਦੇਣ ਦੇ ਆਪਣੇ ਪੁਰਾਣੇ ਬਿਆਨ ‘ਤੇ ਕਾਇਮ ਹਨ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਰਿਜ਼ਵੀ ‘ਤੇ ਇਸਲਾਮ ਬਾਰੇ ਗਲਤ ਬਿਆਨ ਦੇਣ ਦਾ ਦੋਸ਼ ਲਗਾਇਆ ਹੈ।  ਖਾਨ ਨੇ ਪੁੱਛਿਆ, ‘ਜੇਕਰ ਕੋਈ ਭਗਵਾਨ ਰਾਮ ਲਈ ਅਜਿਹਾ ਬਿਆਨ ਦਿੰਦਾ ਹੈ ਤਾਂ  ਕੀ ਤੁਸੀਂ ਸਹਿਣਾ ਸੀ?’ ਕਾਂਗਰਸ ਨੇਤਾ ਨੇ ਕਿਹਾ ਕਿ ਰਿਜ਼ਵੀ ਵਰਗੇ ਲੋਕ ਧਰਮ ਦੇ ਨਾਂ ‘ਤੇ ਜ਼ਹਿਰ ਉਗਲ ਰਹੇ ਹਨ। ਉਨ੍ਹਾਂ ਨੇ ਯੂਪੀ ਸ਼ੀਆ ਵਕਫ਼ ਬੋਰਡ ਦੇ ਸਾਬਕਾ ਪ੍ਰਧਾਨ ਨੂੰ ਸਬਕ ਸਿਖਾਉਣ ਦੀ ਗੱਲ ਕਹੀ ਹੈ। ਰਿਜ਼ਵੀ ਨੇ ਬੀਤੇ ਸੋਮਵਾਰ ਨੂੰ ਡਾਸਨਾ ਦੇ ਦੇਵੀ ਮੰਦਰ ‘ਚ ਹਿੰਦੂ ਧਰਮ ਅਪਣਾ ਲਿਆ। ਸਮਾਗਮ ਦੌਰਾਨ ਰਿਜ਼ਵੀ ਨੇ ਸਲੋਕਾਂ ਦਾ ਪਾਠ ਕੀਤਾ। ਮੰਦਰ ਦੇ ਪੁਜਾਰੀ ਯੇਤੀ ਨਰਸਿਮਹਾਨੰਦ ਸਰਸਵਤੀ ਨੇ ਆਪਣੇ ਨਵੇਂ ਨਾਂ ਦਾ ਐਲਾਨ ਕਰਦਿਆਂ ਕਿਹਾ ਕਿ ਰਿਜ਼ਵੀ ਹੁਣ ਜਤਿੰਦਰ ਨਰਾਇਣ ਸਿੰਘ ਤਿਆਗੀ ਦੇ ਨਾਂ ਨਾਲ ਜਾਣੇ ਜਾਣਗੇ। ਧਰਮ ਪਰਿਵਰਤਨ ਕਰਨ ਤੋਂ ਬਾਅਦ, ਉਸਨੇ ਦੋਸ਼ ਲਗਾਇਆ ਕਿ ਮੁਸਲਮਾਨਾਂ ਨੇ ਉਸਨੂੰ ਭਾਈਚਾਰੇ ਵਿੱਚੋਂ “ਕੱਢ ਦਿੱਤਾ” ਹੈ ਅਤੇ ਉਹ ਕੋਈ ਵੀ ਧਰਮ ਚੁਣ ਸਕਦਾ ਹੈ। ਉਨ੍ਹਾਂ ਕਿਹਾ, ‘ਸੰਸਾਰ ਵਿੱਚ ਸਨਾਤਨ ਧਰਮ ਸਭ ਤੋਂ ਉੱਤਮ ਹੈ। ਮੁਸਲਮਾਨ ਹਿੰਦੂਆਂ ਦੇ ਘਰ ਸਾੜ ਦਿੰਦੇ ਸਨ।