ਅਪਰਾਧਸਿਆਸਤਖਬਰਾਂਦੁਨੀਆ

ਕਵੀ ਮੁਨੱਵਰ ਰਾਣਾ ਵੱਲੋਂ ਤਾਲਿਬਾਨਾਂ ਦੀ ਤਾਰੀਫ, ਕਿਹਾ- ਰਾਇ ਕਾਇਮੀ ਲਈ ਕਾਹਲੀ ਨਾ ਕਰੋ

ਨਵੀਂ ਦਿੱਲੀ-ਅਫਗਾਨਿਸਤਾਨ ਉੱਤੇ ਤਾਲਿਬਾਨਾਂ ਦੀ ਸੱਤਾ ਸਥਾਪਤੀ ਮਗਰੋਂ ਦੁਨੀਆ ਭਰ ਵਿੱਚ ਬਹਿਸ ਛਿੜ ਪਈ ਹੈ ਕਿ ਇਸ ਨਾਲ ਦੁਨੀਆ ਦੇ ਹੋਰ ਮੁਲਕਾਂ ਚ ਸਰਗਰਮ ਕੱਟੜਪ੍ਰਸਤਾਂ ਨੂੰ ਵੀ ਬਲ ਮਿਲੇਗਾ, ਤੇ ਅਫਗਾਨਿਸਤਾਨ ਵਿੱਚ ਤਾਲਿਬਾਨੀ ਕਹਿਰ ਦਾ ਸ਼ਿਕਾਰ ਹੋ ਰਹੇ ਆਮ ਲੋਕਾਂ, ਖਾਸ ਕਰਕੇ ਔਰਤਾਂ ਤੇ ਬੱਚਿਆਂ ਦੀ ਹਾਲਤ ਹੋਰ ਮੰਦੀ ਹੋਣ ਨੂੰ ਲੈ ਕੇ ਫਿਕਰਮੰਦੀ ਜਾ਼ਹਰ ਕੀਤੀ ਜਾ ਰਹੀ ਹੈ, ਪਰ ਅਜਿਹੇ ਚ ਕਝ ਲੋਕ ਤਾਲਿਬਾਨ ਦੀ ਤਾਰੀਫ ਕਰ ਰਹੇ ਹਨ, ਇਹਨਾਂ ਵਿੱਚ  ਭਾਰਤ ਦੇ ਮਸ਼ਹੂਰ ਕਵੀ ਮੁਨੱਵਰ ਰਾਣਾ ਦਾ ਨਾਮ ਵੀ ਸ਼ਾਮਲ ਹੈ, ਰਾਣਾ ਨੇ ਤਾਲਿਬਾਨ ਦਾ ਸਮਰਥਨ ਕਰਦਿਆਂ ਕਿਹਾ ਕਿ ਇਸ ਬਾਰੇ ਰਾਏ ਬਣਾਉਣ ਵਿੱਚ ਬਹੁਤ ਜਲਦਬਾਜ਼ੀ ਕੀਤੀ ਜਾ ਰਹੀ ਹੈ। ਰਾਣਾ ਨੇ ਕਿਹਾ ਕਿ 20 ਸਾਲਾਂ ਵਿੱਚ ਬਹੁਤ ਸਾਰੇ ਦੇਸ਼ਾਂ ਦੀਆਂ ਫੌਜਾਂ ਨੇ ਤਾਲਿਬਾਨ ‘ਤੇ ਬੰਬ ਸੁੱਟੇ ਹਨ ਤੇ ਅੱਜ ਜੋ ਹੋ ਰਿਹਾ ਹੈ ਉਹ ਬਦਲੇ ਦੀ ਕਾਰਵਾਈ ਹੈ। ਅਫਗਾਨਿਸਤਾਨ ਵਿੱਚੋਂ ਸਿਰਫ ਉਹੀ ਲੋਕ ਭੱਜ ਰਹੇ ਹਨ, ਜੋ ਪਿਛਲੀ ਅਫਗਾਨ ਸਰਕਾਰ ਦੇ ਬਹੁਤ ਨਜ਼ਦੀਕੀ ਰਹੇ ਹਨ। ਮੁਨੱਵਰ ਰਾਣਾ ਨੇ ਕਿਹਾ,“ਇਹ ਕਿਤੇ ਵੀ ਸਾਬਤ ਨਹੀਂ ਹੋਇਆ ਹੈ ਕਿ ਉਨ੍ਹਾਂ (ਤਾਲਿਬਾਨ) ਨੇ ਕਿਸੇ ਨੂੰ ਮਾਰਿਆ ਹੈ ਜਾਂ ਭਜਾ ਦਿੱਤਾ ਹੈ। ਜਦੋਂ ਤਖ਼ਤੇ ਪਲਟ ਦਿੱਤੇ ਜਾਂਦੇ ਹਨ, ਤਾਂ ਛੋਟੀਆਂ-ਮੋਟੀਆਂ ਚੀਜ਼ਾਂ ਇੱਧਰ-ਉੱਧਰ ਖਿੰਡ-ਪੁੰਡ ਜਾਂਦੀਆਂ ਹਨ। ਜੇ ਭਾਰਤ ਵਿੱਚ ਕਿਤੇ ਸਰਕਾਰ ਬਦਲ ਜਾਵੇ, ਤਾਂ ਇਸ ਸਰਕਾਰ ਦੇ ਖਾਸ ਲੋਕ ਕਿਤੇ ਨਾ ਕਿਤੇ ਲੁਕ ਜਾਣਗੇ। ਹੁਣ ਤੱਕ ਅਜਿਹੀ ਕੋਈ ਰਿਪੋਰਟ ਨਹੀਂ ਜਿਸ ਵਿੱਚ ਤਾਲਿਬਾਨ ਨੇ ਅੱਤਿਆਚਾਰ ਕੀਤਾ ਹੋਵੇ। ਇਹ ਉਹੀ ਲੋਕ ਹਨ ਜੋ ਭੱਜ ਰਹੇ ਹਨ ਜਾਂ ਲੁਕੇ ਹੋਏ ਹਨ ਜੋ ਅਫਗਾਨ ਸਰਕਾਰ ਦੇ ਖ਼ਾਸ ਸਨ। ਇੱਕ ਆਮ ਆਦਮੀ ਜਿਸ ਦਾ ਕਿਸੇ ਨਾਲ ਕੋਈ ਲੈਣਾ-ਦੇਣਾ ਨਹੀਂ, ਉਹ ਇਹ ਨਹੀਂ ਕਹਿ ਸਕਦਾ ਕਿ ਲੋਕ ਉਸ ਕਾਰਨ ਭੱਜ ਰਹੇ ਹਨ। ਰਾਣਾ ਨੇ ਕਿਹਾ, “ਅਫ਼ਗ਼ਾਨਿਸਤਾਨ ਤਾਲਿਬਾਨ ਦਾ ਹੀ ਦੇਸ਼ ਹੈ, ਉਸ ਨੂੰ ਵੀਹ ਸਾਲਾਂ ਤੋਂ ਮਾਰਿਆ ਜਾ ਰਿਹਾ ਹੈ। ਅਮਰੀਕਾ ਨੇ ਬਹੁਤ ਅੱਤਿਆਚਾਰ ਕੀਤੇ ਹਨ। ਕੋਈ ਵੀ ਪਰਿਵਾਰ ਅਜਿਹਾ ਨਹੀਂ ਹੋਵੇਗਾ ਜਿਸ ਦੇ ਦੋ ਜਾਂ ਚਾਰ ਲੋਕਾਂ ਦੀ ਮੌਤ ਇਸ ਅੱਤਿਆਚਾਰ ਕਾਰਣ ਨਾ ਹੋਈ ਹੋਵੇ। ਹੁਣ ਜਦੋਂ ਉਹ ਸੱਤਾ ਵਿੱਚ ਆ ਰਹੇ ਹਨ, ਉਹ ਜਸ਼ਨ ਮਨਾ ਰਹੇ ਹਨ। ਫਿਲਹਾਲ ਨਾ ਤਾਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਇਸ ਬਾਰੇ ਕੁਝ ਕਿਹਾ ਹੈ ਤੇ ਨਾ ਹੀ ਵਿਦੇਸ਼ ਮੰਤਰੀ ਨੇ।’

Comment here