ਏਸ਼ੀਆ ਕੱਪ : ਪਾਕਿ ਨੇ ਬੰਗਲਾਦੇਸ਼ ਨੂੰ 7 ਵਿਕਟਾਂ ਨਾਲ ਦਿੱਤੀ ਕਰਾਰੀ ਹਾਰ

ਨਵੀਂ ਦਿੱਲੀ-ਹਾਰਿਸ ਰਊਫ ਅਤੇ ਨਸੀਮ ਸ਼ਾਹ ਦੀ ਤੂਫਾਨੀ ਗੇਂਦਬਾਜ਼ੀ ਤੋਂ ਬਾਅਦ ਇਮਾਮ ਉਲ ਹੱਕ ਅਤੇ ਮੁਹੰਮਦ ਰਿਜ਼ਵਾਨ ਦੇ ਅਰਧ ਸੈਂਕੜਿਆਂ ਦੀ ਮਦਦ ਨਾਲ ਪਾਕਿਸਤਾਨ ਨੇ ਬੁੱਧਵਾਰ ਨੂੰ ਏਸ਼ੀਆ ਕੱਪ ਕ੍ਰਿਕਟ ਟੂਰਨਾਮੈਂਟ ਦੇ ਸੁਪਰ ਫੋਰ ਪੜਾਅ ‘ਚ ਬੰਗਲਾਦੇਸ਼ ‘ਤੇ 7 ਵਿਕਟਾਂ ਨਾਲ ਆਸਾਨ ਜਿੱਤ ਦਰਜ ਕੀਤੀ। ਬੰਗਲਾਦੇਸ਼ ਦੇ 194 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦੇ ਹੋਏ ਪਾਕਿਸਤਾਨ ਨੇ ਇਮਾਮ (84 ਗੇਂਦਾਂ ‘ਤੇ 78 ਦੌੜਾਂ, ਪੰਜ ਚੌਕੇ, ਚਾਰ ਛੱਕੇ) ਦੇ ਅਰਧ ਸੈਂਕੜੇ ਅਤੇ ਰਿਜ਼ਵਾਨ (79 ਗੇਂਦਾਂ ‘ਚ ਨਾਬਾਦ 63 ਦੌੜਾਂ, ਸੱਤ ਚੌਕੇ, ਇਕ ਛੱਕਾ) ਦੀ ਮਦਦ ਨਾਲ ਤੀਜੇ ਵਿਕਟ ਵਿਚਾਲੇ ਸਾਂਝੇਦਾਰੀ ਕੀਤੀ। 85 ਦੌੜਾਂ ਦੀ ਸਾਂਝੇਦਾਰੀ ਦੀ ਬਦੌਲਤ ਉਨ੍ਹਾਂ ਨੇ 63 ਗੇਂਦਾਂ ਬਾਕੀ ਰਹਿੰਦਿਆਂ ਤਿੰਨ ਵਿਕਟਾਂ ‘ਤੇ 194 ਦੌੜਾਂ ਬਣਾ ਕੇ ਜਿੱਤ ਦਰਜ ਕੀਤੀ।ਸਸਤੇ ‘ਚ ਨਿਪਟੀ ਬੰਗਲਾ ਟੀਮ: ਬੰਗਲਾਦੇਸ਼ ਨੇ ਇਸ ਤੋਂ ਪਹਿਲਾਂ ਮੁਸ਼ਫਿਕੁਰ ਰਹੀਮ (87 ਗੇਂਦਾਂ ‘ਤੇ 64, ਪੰਜ ਚੌਕੇ) ਅਤੇ ਕਪਤਾਨ ਸ਼ਾਕਿਬ ਅਲ ਹਸਨ (57 ਗੇਂਦਾਂ ‘ਤੇ 53, ਸੱਤ ਚੌਕੇ) ਅਤੇ ਰਊਫ (19 ਦੌੜਾਂ ‘ਤੇ 4 ਵਿਕਟਾਂ) ਦੇ ਅਰਧ-ਸੈਂਕੜੇ ਲਗਾਏ ਸਨ ਦੋਵਾਂ ਵਿਚਾਲੇ 100 ਦੌੜਾਂ ਦੀ ਸਾਂਝੇਦਾਰੀ ਹੋਈ ਸੀ। ਪਾਕਿਸਤਾਨੀ ਤੇਜ਼ ਗੇਂਦਬਾਜ਼ਾਂ ਦੀ ਤਿੱਖੀ ਗੇਂਦਬਾਜ਼ੀ ਦੇ ਸਾਹਮਣੇ ਉਹ 38.4 ਓਵਰਾਂ ‘ਚ 193 ਦੌੜਾਂ ‘ਤੇ ਸਿਮਟ ਗਏ। ਮੁਸ਼ਫਿਕੁਰ ਅਤੇ ਸ਼ਾਕਿਬ ਤੋਂ ਇਲਾਵਾ ਕੋਈ ਵੀ ਬੰਗਲਾਦੇਸ਼ੀ ਬੱਲੇਬਾਜ਼ ਚੰਗਾ ਨਹੀਂ ਖੇਡ ਸਕਿਆ। ਟੀਮ ਨੇ ਪਾਵਰ ਪਲੇਅ ‘ਚ ਹੀ 47 ਦੌੜਾਂ ‘ਤੇ ਆਪਣੀਆਂ ਪਹਿਲੀਆਂ ਚਾਰ ਵਿਕਟਾਂ ਗੁਆ ਦਿੱਤੀਆਂ ਸਨ, ਜਦਕਿ 30 ਤੋਂ 39 ਓਵਰਾਂ ‘ਚ ਟੀਮ ਨੇ 47 ਦੌੜਾਂ ਜੋੜ ਕੇ ਛੇ ਵਿਕਟਾਂ ਗੁਆ ਦਿੱਤੀਆਂ ਸਨ।
ਟੀਚੇ ਦਾ ਪਿੱਛਾ ਕਰਦਿਆਂ ਫਖਰ ਜ਼ਮਾਨ (20) ਅਤੇ ਇਮਾਮ ਨੇ ਪਹਿਲੀ ਵਿਕਟ ਲਈ 9.1 ਓਵਰਾਂ ਵਿੱਚ 35 ਦੌੜਾਂ ਜੋੜ ਕੇ ਪਾਕਿਸਤਾਨ ਨੂੰ ਸੁਰੱਖਿਅਤ ਸ਼ੁਰੂਆਤ ਦਿੱਤੀ। ਫਖਰ ਨੇ ਤਸਕੀਨ ਅਹਿਮਦ ਦੇ ਪਹਿਲੇ ਹੀ ਓਵਰ ‘ਚ ਦੋ ਚੌਕੇ ਲਗਾ ਕੇ ਸ਼ੁਰੂਆਤ ਕੀਤੀ। ਪੰਜਵੇਂ ਓਵਰ ਵਿੱਚ ਜਦੋਂ ਟੀਮ ਦਾ ਸਕੋਰ ਬਿਨਾਂ ਕੋਈ ਵਿਕਟ ਗਵਾਏ 15 ਦੌੜਾਂ ਸੀ ਤਾਂ ਸਟੇਡੀਅਮ ਦੀ ਫਲੱਡਲਾਈਟ ਬੰਦ ਹੋਣ ਕਾਰਨ ਖੇਡ ਲਗਭਗ 20 ਮਿੰਟ ਲਈ ਰੋਕ ਦਿੱਤੀ ਗਈ। ਇਮਾਮ ਨੇ ਵੀ ਸੱਤਵੇਂ ਓਵਰ ‘ਚ ਤਸਕਿਨ ‘ਤੇ ਤਿੰਨ ਚੌਕੇ ਲਗਾ ਕੇ ਆਪਣਾ ਰਵੱਈਆ ਦਿਖਾਇਆ।
ਪਾਕਿਸਤਾਨ ਦੇ ਵਿਕਟ ਕੀਪਰ ਬੱਲੇਬਾਜ਼ ਮੁਹੰਮਦ ਰਿਜ਼ਵਾਨ ਨੇ ਆਉਂਦਿਆਂ ਹੀ ਤਿੱਖਾ ਰਵੱਈਆ ਦਿਖਾਇਆ। ਉਸ ਨੇ ਹਸਨ ਮਹਿਮੂਦ ਦੇ ਓਵਰ ਵਿੱਚ ਛੱਕਾ ਜੜ ਕੇ ਆਪਣਾ ਖਾਤਾ ਖੋਲ੍ਹਿਆ ਅਤੇ ਫਿਰ ਚੌਕਾ ਵੀ ਜੜਿਆ। ਰਿਜ਼ਵਾਨ ਨੇ 23ਵੇਂ ਓਵਰ ਵਿੱਚ ਮੇਹਦੀ ਹਸਨ ਮਿਰਾਜ ਦੀ ਗੇਂਦ ’ਤੇ ਚੌਕਾ ਜੜ ਕੇ ਟੀਮ ਦੀਆਂ ਦੌੜਾਂ ਦਾ ਸੈਂਕੜਾ ਪੂਰਾ ਕੀਤਾ। ਇਮਾਮ ਨੇ ਮੇਹਦੀ ਹਸਨ ਮਿਰਾਜ ‘ਤੇ ਛੱਕਾ ਲਗਾ ਕੇ 61 ਗੇਂਦਾਂ ‘ਚ ਆਪਣਾ ਅਰਧ ਸੈਂਕੜਾ ਪੂਰਾ ਕੀਤਾ। ਉਸਨੇ ਇਸ ਆਫ ਸਪਿਨਰ ਦੇ ਓਵਰ ਵਿੱਚ ਇੱਕ ਛੱਕਾ ਅਤੇ ਇੱਕ ਚੌਕਾ ਵੀ ਲਗਾਇਆ ਪਰ ਉਸੇ ਓਵਰ ਵਿੱਚ ਬੋਲਡ ਹੋ ਗਿਆ।