ਆਪ ਦਾ ਕਿਸੇ ਨਾਲ ਗੱਠਜੋੜ ਨਹੀਂ ਹੋਵੇਗਾ-ਭਗਵੰਤ ਮਾਨ

ਚੰਡੀਗੜ-ਅਗਲੇ ਸਾਲ ਹੋਣ ਵਾਲੀ ਪੰਜਾਬ ਚੋਣ ਲਈ ਹਰ ਧਿਰ ਸਰਗਰਮ ਹੈ, ਸਿਆਸੀ ਜੋੜ ਤੋੜ ਲੱਗ ਰਹੇ ਹਨ, ਗੱਠਜੋੜ ਕੀਤੇ ਜਾ ਰਹੇ ਹਨ ਆਮ ਆਦਮੀ ਪਾਰਟੀ ਦੇ ਪੰਜਾਬ ਪ੍ਰਧਾਨ ਭਗਵੰਤ ਮਾਨ ਨੇ ਕਿਹਾ ਹੈ ਕਿ ਸਾਡੀ ਪਾਰਟੀ ਦਾ ਕਿਸੇ ਨਾਲ ਗੱਠਜੋੜ ਨਹੀਂ। ਭਾਜਪਾ ਵੱਲੋਂ ਸੁਖਦੇਵ ਢੀਂਡਸਾ ਦੇ ਅਕਾਲੀ ਦਲ ਸੰਯੁਕਤ ਅਤੇ ਕੈਪਟਨ ਅਮਰਿੰਦਰ ਸਿੰਘ ਨਾਲ ਮਿਲ ਕੇ ਲੜਨ ਬਾਰੇ ਉਨ੍ਹਾਂ ਕਿਹਾ ਕਿ ਢੀਂਡਸਾ, ਇੱਕ ਸੀਨੀਅਰ ਲੀਡਰ ਹਨ ਪਰ ਉਨ੍ਹਾਂ ਦੀ ਪਾਰਟੀ ਨਾਲ ਗਠਜੋੜ ਬਾਰੇ ਕੁੱਝ ਵੀ ਅਜਿਹਾ ਨਹੀਂ ਹੈ। ਕਾਂਗਰਸ ਪਾਰਟੀ ਵਿੱਚ ਬੀਤੇ ਦਿਨੀ ਸ਼ਾਮਲ ਹੋਏ ਗਾਇਕ ਸਿੱਧੂ ਮੂਸੇਵਾਲਾ ਬਾਰੇ ਉਨ੍ਹਾਂ ਕਿਹਾ ਕਿ ਇੱਕ ਗਾਇਕ ਪੱਖੋਂ ਉਹ ਬਹੁਤ ਵਧੀਆ ਹਨ, ਪਰੰਤੂ ਰਾਜਨੀਤੀ ਵਿੱਚ ਉਹ ਨਵੇਂ ਹਨ ਅਤੇ ਲੋਕ ਹੀ ਉਨ੍ਹਾਂ ਦਾ ਭਵਿੱਖ ਤੈਅ ਕਰਨਗੇ। ਅਰਵਿੰਦ ਕੇਜਰੀਵਾਲ ਬਾਰੇ ਉਨ੍ਹਾਂ ਕਿਹਾ ਕਿ ਕੇਜਰੀਵਾਲ ਇਮਾਨਦਾਰ ਅਤੇ ਦੇਸ਼ ਪ੍ਰਤੀ ਬਹੁਤ ਹੀ ਸਮਰਪਤ ਹਨ। ਕੇਜਰੀਵਾਲ ਨੂੰ ਪੰਜਾਬ ਦੇ ਮੁੱਖ ਮੰਤਰੀ ਵਜੋਂ ਉਨ੍ਹਾਂ ਕਿਹਾ ਕਿ ਉਹ ਨਹੀਂ ਹਨ ਕਿਉਂਕਿ ਉਹ ਪਹਿਲਾਂ ਹੀ ਮੁੱਖ ਮੰਤਰੀ ਪੰਜਾਬ ਤੋਂ ਹੋਣ ਬਾਰੇ ਕਹਿ ਚੁੱਕੇ ਹਨ। ਪੰਜਾਬ ਕਾਂਗਰਸ ਪ੍ਰਧਾਨ ਨਵਜੋਤ ਸਿੱਧੂ ਬਾਰੇ ਕਿਹਾ ਕਿ ਉਹ ਬਹੁਤ ਵਧੀਆ ਬੁਲਾਰੇ ਹਨ, ਵਧੀਆ ਬੋਲਦੇ ਹਨ, ਪਰ ਕਈ ਵਾਰੀ ਜ਼ਿਆਦਾ ਬੋਲ ਜਾਂਦੇ ਹਨ, ਜਿਸ ਨਾਲ ਕਾਂਗਰਸ ਨੂੰ ਹੀ ਪੰਗਾ ਖੜਾ ਕਰ ਦਿੰਦੇ ਹਨ। ਹਾਲਾਂਕਿ ਉਨ੍ਹਾਂ ਨਾਲ ਹੀ ਕਿਹਾ ਕਿ ਸਿੱਧੂ, ਆਪ ਬਾਰੇ ਨਹੀਂ ਬੋਲਦੇ। ਉਹ ਬਹੁਤ ਵਧੀਆ ਕ੍ਰਿਕਟਰ ਵੀ ਹਨ ਤੇ ਮੈਂ ਉਨ੍ਹਾਂ ਦਾ ਪ੍ਰਸ਼ੰਸਕ ਵੀ ਹਾਂ। ਸਿੱਧੂ ਕਾਮੇਡੀ ਸ਼ੋਅ ‘ਲਾਫਟਰ ਚੈਲੰਜ’ ਵਿੱਚ ਮੇਰੇ ਜੱਜ ਵੀ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਉਹ ਇੱਕ ਸੱਤਾਧਾਰੀ ਪਾਰਟੀ ਦੇ ਪ੍ਰਧਾਨ ਹਨ, ਜੋ ਵੱਡੀ ਗੱਲ ਹੈ। ਉਹ ਸਿੱਧੂ ਦਾ ਵਿਰੋਧ ਕਰਨ ਲਈ ਵਿਰੋਧ ਨਹੀਂ ਕਰਦੇ, ਜਾਂ ਨਿੱਜੀ ਨਿੰਦਿਆਂ ਕਰੀਏ, ਹਾਲਾਂਕਿ ਬੋਲ ਜਾਂਦੇ ਹਨ ਕਈ ਵਾਰੀ, ਪਰ ਵੱਡੇ ਹਨ, ਕੋਈ ਗੱਲ ਨਹੀਂ। ਸੁਖਬੀਰ ਬਾਦਲ ਬਾਰੇ ਮੀਡੀਆ ਵਲੋਂ ਸਵਾਲ ਪੁੱਛਣ ‘ਤੇ ਉਨ੍ਹਾਂ ਕਿਹਾ ਕਿ ‘ਛੱਡੋ ਪਰ੍ਹੇ,ਉਹ ਕੁੱਝ ਵੀ ਕਹਿ ਦਿੰਦੇ ਹਨ। ਕਦੇ ਉਹ ਪਾਣੀ ਵਾਲੀਆਂ ਬਸਾਂ ਚਲਾ ਦਿੰਦੇ ਹਨ, ਤੇ ਕਦੇ ਚੰਦ ‘ਤੇ ਰੈਲੀ ਕਰ ਦਿੰਦੇ ਹਨ। ਉਸ ਨੂੰ ਤਾਂ ਇਹ ਵੀ ਯਾਦ ਨਹੀਂ ਰਹਿੰਦਾ ਕਿ ਪਿਛਲੇ ਦਿਨ ਉਹ ਕੀ ਬੋਲਿਆ ਸੀ।