ਆਪਣੀ ਧੀ ਨੂੰ ਗੁਆਉਣ ਤੋਂ ਬਾਅਦ ਵੀ ਮੈਦਾਨ ’ਚ ਉੱਤਰਿਆ ਕ੍ਰਿਕਟਰ

ਨਵੀਂ ਦਿੱਲੀ– ਸਪੋਰਟਸਮੈਨ ਵਿੱਚ ਇੱਕ ਅਜਿਹੀ ਸ਼ਮਤਾ ਹੁੰਦੀ ਹੈ ਕਿ ਉਹ ਹਰ ਕਿਸਮ ਦੇ ਦਰਦ ਨੂੰ ਆਪਣੇ ਅੰਦਰ ਸਮਾ ਸਕਦਾ ਹੈ ਅਤੇ ਹਰ ਕਿਸਮ ਦੇ ਲੱਕਛ ਨੂੰ ਹਾਸਿਲ ਕਰ ਸਕਦਾ ਹੈ। ਇਸ ਤਰ੍ਹਾਂ ਦੀ ਘਟਨਾਵਾਂ ਅਕਸਰ ਦੇਖਣ ਨੂੰ ਮਿਲ ਜਾਂਦੀਆਂ ਹਨ, ਜਿਸ ਤੋਂ ਪਤਾ ਲੱਗਦਾ ਹੈ ਕਿ ਕਿਸੇ ਖਿਡਾਰੀ ਲਈ ਉਸ ਦੀ ਜ਼ਿੰਦਗੀ ਵਿਚ ਖੇਡਾਂ ਦੀ ਕਿੰਨੀ ਮਹੱਤਤਾ ਹੈ। ਅਜਿਹੀ ਹੀ ਇੱਕ ਘਟਨਾ ਬੜੌਦਾ ਦੇ ਰਣਜੀ ਖਿਡਾਰੀ ਵਿਸ਼ਨੂੰ ਸੋਲੰਕੀ ਨਾਲ ਵਾਪਰੀ, ਜਿਸ ਨੇ ਹਾਲ ਹੀ ਵਿੱਚ ਆਪਣੀ ਧੀ ਨੂੰ ਗੁਆ ਦਿੱਤਾ ਅਤੇ ਇਸ ਦੇ ਬਾਵਜੂਦ ਉਹ ਆਪਣੀ ਟੀਮ ਲਈ ਮੈਦਾਨ ਵਿੱਚ ਨਿਕਲ ਗਏ। ਪਰ ਵਿਸ਼ਨੂੰ ਸੋਲੰਕੀ ਨੇ ਚੰਡੀਗੜ੍ਹ ਖਿਲਾਫ ਸ਼ਾਨਦਾਰ ਸੈਂਕੜਾ ਖੇਡ ਕੇ ਦਿਖਾਇਆ ਕਿ ਉਹ ਔਖੇ ਹਾਲਾਤਾਂ ‘ਚ ਵੀ ਕ੍ਰਿਕਟ ਨੂੰ ਸਮਰਪਿਤ ਹੈ। ਉਸ ਦੇ ਸੈਂਕੜੇ ਦੇ ਦਮ ‘ਤੇ ਚੰਡੀਗੜ੍ਹ ਦੀ ਟੀਮ ਤੀਜੇ ਦਿਨ ਖ਼ਬਰ ਲਿਖੇ ਜਾਣ ਤਕ 500 ਤੋਂ ਵੱਧ ਦੌੜਾਂ ਬਣਾ ਚੁੱਕੀ ਹੈ। 5ਵੇਂ ਨੰਬਰ ‘ਤੇ ਬੱਲੇਬਾਜ਼ੀ ਕਰਨ ਆਏ ਸੋਲੰਕੀ ਨੇ ਦੂਜੇ ਦਿਨ ਹੀ ਆਪਣੀ ਟੀਮ ਨੂੰ ਮਜ਼ਬੂਤ ਸਥਿਤੀ ‘ਚ ਪਹੁੰਚਾ ਦਿੱਤਾ ਸੀ। ਸੋਲੰਕੀ ਨੇ 165 ਗੇਂਦਾਂ ਵਿੱਚ 104 ਦੌੜਾਂ ਦੀ ਪਾਰੀ ਖੇਡੀ ਜਿਸ ਵਿੱਚ 12 ਚੌਕੇ ਸ਼ਾਮਲ ਸਨ। ਸੋਲੰਕੀ ਦੀ ਇਸ ਬੱਲੇਬਾਜ਼ੀ ਦੀ ਵੀ ਹਰ ਪਾਸੇ ਚਰਚਾ ਹੋ ਰਹੀ ਹੈ ਕਿਉਂਕਿ ਘਰ ‘ਚ ਇੰਨੀ ਵੱਡੀ ਘਟਨਾ ਹੋਣ ਤੋਂ ਬਾਅਦ ਵੀ ਇਸ ਤਰ੍ਹਾਂ ਖੇਡਣਾ ਕਿਸੇ ਵੀ ਖਿਡਾਰੀ ਲਈ ਆਸਾਨ ਨਹੀਂ ਹੈ। ਉਨ੍ਹਾਂ ਦੀ ਇਸ ਪਾਰੀ ਦੀ ਸੋਸ਼ਲ ਮੀਡੀਆ ‘ਤੇ ਕਾਫੀ ਚਰਚਿਤ ਹੈ। ਸੌਰਾਸ਼ਟਰ ਦੇ ਵਿਕਟਕੀਪਰ ਬੱਲੇਬਾਜ਼ ਸ਼ੈਲਡਨ ਜੈਕਸਨ ਨੇ ਟਵੀਟ ਕੀਤਾ ਕਿ ਵਿਸ਼ਨੂੰ ਉਨ੍ਹਾਂ ਦੀ ਨਜ਼ਰ ‘ਚ ਸਭ ਤੋਂ ਮਜ਼ਬੂਤ ਖਿਡਾਰੀ ਹੈ। 35 ਸਾਲਾ ਜੈਕਸਨ ਨੇ ਲਿਖਿਆ ਹੈ ਕਿ ਵਿਸ਼ਨੂੰ ਸੋਲੰਕੀ ਅਤੇ ਉਨ੍ਹਾਂ ਦੇ ਪਰਿਵਾਰ ਨੂੰ ਮੇਰਾ ਸਲਾਮ, ਕਿਸੇ ਵੀ ਖਿਡਾਰੀ ਲਈ ਇਹ ਆਸਾਨ ਨਹੀਂ ਹੁੰਦਾ। ਵਿਸ਼ਨੂੰ ਨੂੰ ਉਸ ਦੇ ਸੈਂਕੜੇ ਲਈ ਸ਼ੁੱਭਕਾਮਨਾਵਾਂ ਅਤੇ ਉਮੀਦ ਹੈ ਕਿ ਉਹ ਇਸੇ ਤਰ੍ਹਾਂ ਖੇਡਦਾ ਰਹੇਗਾ।