ਆਦਿਤਿਆ ਐੱਲ-1 ਨੇ ਪੁਲਾੜ ‘ਚ ਲਗਾਈ ਪਹਿਲੀ ਛਾਲ

ਨਵੀਂ ਦਿੱਲੀ-ਭਾਰਤ ਦੇ ਪਹਿਲੇ ਸੂਰਜ ਮਿਸ਼ਨ ਆਦਿਤਿਆ ਐਲ-1 ਬਾਰੇ ਭਾਰਤੀ ਪੁਲਾੜ ਏਜੰਸੀ ਇਸਰੋ ਨੇ ਇੱਕ ਵੱਡਾ ਅਪਡੇਟ ਦਿੱਤਾ ਹੈ। ਇਸਰੋ ਨੇ ਕਿਹਾ ਹੈ ਕਿ ਆਦਿਤਿਆ ਐਲ1 ਦੀ ਔਰਬਿਟ ਪਹਿਲੀ ਵਾਰ ਬਦਲੀ ਗਈ ਹੈ। ਇਸਰੋ ਨੇ ਇਹ ਜਾਣਕਾਰੀ ਐਕਸ ਉਤੇ ਦਿੱਤੀ ਹੈ। ਹੁਣ ਇਹ 235×19500 ਕਿਲੋਮੀਟਰ ਦੀ ਔਰਬਿਟ ਤੋਂ 245×22459 ਕਿਲੋਮੀਟਰ ਦੀ ਔਰਬਿਟ ‘ਤੇ ਸਫਲਤਾਪੂਰਵਕ ਪਹੁੰਚ ਗਿਆ ਹੈ। ਕਲਾਸ ਬਦਲਣ ਦੀ ਪ੍ਰਕਿਰਿਆ ਆਈਐੱਸਟੀਆਰਏਸੀ , ਬੈਂਗਲੁਰੂ ਤੋਂ ਸਫਲਤਾਪੂਰਵਕ ਕੀਤੀ ਗਈ ਹੈ। ਔਰਬਿਟ ਨੂੰ ਬਦਲਣ ਦੀ ਅਗਲੀ ਪ੍ਰਕਿਰਿਆ 5 ਸਤੰਬਰ ਨੂੰ ਸਵੇਰੇ 3 ਵਜੇ ਹੋਵੇਗੀ। ਤੁਹਾਨੂੰ ਦੱਸ ਦਈਏ ਕਿ 16 ਦਿਨਾਂ ਦੌਰਾਨ ਆਦਿਤਿਆ ਐੱਲ-1 ਆਪਣੀ ਔਰਬਿਟ ਨੂੰ ਪੰਜ ਵਾਰ ਬਦਲੇਗਾ ਅਤੇ ਇਸ ਤੋਂ ਬਾਅਦ ਇਹ ਐੱਲ-1 ਬਿੰਦੂ ਵੱਲ ਵਧੇਗਾ।
ਜ਼ਿਕਰਯੋਗ ਹੈ ਕਿ ਆਦਿਤਿਆ ਐਲ-1 4 ਮਹੀਨਿਆਂ ‘ਚ 15 ਲੱਖ ਕਿਲੋਮੀਟਰ ਦੀ ਦੂਰੀ ਤੈਅ ਕਰੇਗਾ। ਫਿਰ ਲਾਗਰੇਂਜ ਪੁਆਇੰਟ-1 ‘ਤੇ ਪਹੁੰਚ ਜਾਵੇਗਾ। ਲਾਗਰੇਂਜ ਪੁਆਇੰਟ-1 ਉਹ ਬਿੰਦੂ ਹੈ ਜਿੱਥੇ ਸੂਰਜ ਅਤੇ ਧਰਤੀ ਦੀਆਂ ਗੁਰੂਤਾ ਸ਼ਕਤੀਆਂ ਸੰਤੁਲਿਤ ਹੋ ਜਾਂਦੀਆਂ ਹਨ। ਇੱਥੇ ਕਿਸੇ ਵੀ ਉਪਕਰਨ ਨੂੰ ਕੰਮ ਕਰਨ ਲਈ ਜ਼ਿਆਦਾ ਊਰਜਾ ਦੀ ਲੋੜ ਨਹੀਂ ਹੁੰਦੀ ਹੈ। ਅਜਿਹੀ ਸਥਿਤੀ ‘ਚ ਆਦਿਤਿਆ ਐਲ-1 ਲਗਾਤਾਰ ਸੂਰਜ ‘ਤੇ ਨਜ਼ਰ ਰੱਖ ਸਕਦਾ ਹੈ ਅਤੇ ਉਸ ਦਾ ਅਧਿਐਨ ਕਰ ਸਕਦਾ ਹੈ। ਇਸ ਨੂੰ ਐੱਲ-1 ‘ਤੇ ਹਾਲੋ ਆਰਬਿਟ ‘ਚ ਆਦਿਤਿਆ ਐੱਲ-1 ‘ਚ ਫਾਇਰਿੰਗ ਰਾਹੀਂ ਹੀ ਸਥਾਪਿਤ ਕੀਤਾ ਜਾਵੇਗਾ।