ਅੱਜ ਦੇਸ਼ ਹਰ ਖੇਤਰ ‘ਚ ਤਰੱਕੀ ਕਰ ਰਿਹੈ : ਪੀਐਮ ਮੋਦੀ

ਨਵੀਂ ਦਿੱਲੀ-ਲੋਕ ਸਭਾ ‘ਚ ਰਾਸ਼ਟਰਪਤੀ ਦ੍ਰੋਪਦੀ ਮੁਰਮੂ ਦੇ ਭਾਸ਼ਣ ‘ਤੇ ਧੰਨਵਾਦ ਮਤੇ ‘ਤੇ ਚਰਚਾ ਦੇ ਜਵਾਬ ‘ਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ ਕਿ ਰਾਸ਼ਟਰਪਤੀ ਦੇ ਭਾਸ਼ਣ ‘ਚ ਜੋ ਗੱਲਾਂ ਹਨ, ਉਹ ਪੂਰੇ 140 ਕਰੋੜ ਲੋਕਾਂ ਲਈ ਜਸ਼ਨ ਦਾ ਵਿਸ਼ਾ ਹਨ। ਚੁਣੌਤੀਆਂ ਦੀ ਕੀ ਗੱਲ, ਉਹ ਆ ਪਰ 140 ਕਰੋੜ ਲੋਕਾਂ ਦਾ ਸੰਕਲਪ ਵੱਡਾ ਹੈ। ਬਹੁਤ ਸਾਰੇ ਦੇਸ਼ਾਂ ਵਿੱਚ ਭਾਰੀ ਮਹਿੰਗਾਈ ਹੈ। ਖਾਣ-ਪੀਣ ਦਾ ਸੰਕਟ ਹੈ। ਅਤੇ ਸਾਡੇ ਆਂਢ-ਗੁਆਂਢ ਵਿੱਚ ਵੀ ਸਮੱਸਿਆਵਾਂ ਹਨ। ਅਜਿਹੀ ਸਥਿਤੀ ਵਿੱਚ ਭਾਰਤੀਆਂ ਨੂੰ ਮਾਣ ਕਿਉਂ ਨਹੀਂ ਹੋਣਾ ਚਾਹੀਦਾ? ਇਹ ਸਾਡੇ ਲਈ ਮਾਣ ਵਾਲੀ ਗੱਲ ਹੈ ਕਿ ਅਸੀਂ ਦੁਨੀਆ ਦੀ ਪੰਜਵੀਂ ਸਭ ਤੋਂ ਵੱਡੀ ਅਰਥਵਿਵਸਥਾ ਹਾਂ। ਭਾਰਤ ਵਿੱਚ ਸਕਾਰਾਤਮਕਤਾ ਦਾ ਮਾਹੌਲ ਹੈ। ਇਸਦੇ ਪਿੱਛੇ ਸਰਕਾਰ ਦਾ ਹੱਥ ਹੈ ਜੋ ਦੇਸ਼ ਦੇ ਹਿੱਤ ਵਿੱਚ ਫੈਸਲੇ ਲੈਣ ਲਈ ਤਿਆਰ ਹੈ। ਭਾਰਤ ਨੇ ਮੇਡ ਇਨ ਇੰਡੀਆ ਵੈਕਸੀਨ ਬਣਾਈ ਅਤੇ ਇੰਨਾ ਹੀ ਨਹੀਂ, ਇਸ ਨੂੰ 150 ਦੇਸ਼ਾਂ ਵਿੱਚ ਪਹੁੰਚਾਇਆ ਗਿਆ ਜਿੱਥੇ ਇਸਦੀ ਲੋੜ ਸੀ; ਜਦੋਂ ਵਿਸ਼ਵ ਮਹਾਂਮਾਰੀ ਨਾਲ ਜੂਝ ਰਿਹਾ ਸੀ। ਦੇਸ਼ ਬਹੁਤ ਮਜ਼ਬੂਤੀ ਨਾਲ ਅੱਗੇ ਵਧ ਰਿਹਾ ਹੈ। ਪਹਿਲਾਂ ਸਰਟੀਫਿਕੇਟ ਨਹੀਂ ਮਿਲ ਸਕਦਾ ਸੀ, ਅੱਜ ਮੋਬਾਈਲ ‘ਤੇ ਟੀਕੇ ਦਾ ਸਰਟੀਫਿਕੇਟ ਮਿਲ ਜਾਂਦਾ ਹੈ। ਭਾਰਤ ਅੱਜ ਇੱਕ ਮੈਨੂਫੈਕਚਰਿੰਗ ਹੱਬ ਵਜੋਂ ਉੱਭਰ ਰਿਹਾ ਹੈ। ਨਿਰਾਸ਼ਾ ਵਿੱਚ ਡੁੱਬੇ ਲੋਕ ਇਸ ਦੇਸ਼ ਦੀ ਤਰੱਕੀ ਤੋਂ ਉੱਭਰ ਨਹੀਂ ਸਕਦੇ।
ਪੀਐਮ ਮੋਦੀ ਦਾ ਵਿਰੋਧੀ ਪਾਰਟੀਆਂ ‘ਤੇ ਹਮਲਾ
ਅੱਜ ਦੇਸ਼ ਹਰ ਖੇਤਰ ਵਿੱਚ ਤਰੱਕੀ ਕਰ ਰਿਹਾ ਹੈ। ਕੁਝ ਲੋਕ ਇਸ ਨੂੰ ਮੰਨਣ ਨੂੰ ਤਿਆਰ ਨਹੀਂ ਹੈ। ਨਵਿਆਉਣਯੋਗ ਊਰਜਾ ਵਿੱਚ ਚੌਥੇ ਨੰਬਰ ‘ਤੇ, ਭਾਰਤ ਅੱਜ ਮੋਬਾਈਲ ਨਿਰਮਾਣ ਵਿੱਚ ਦੂਜਾ ਸਭ ਤੋਂ ਵੱਡਾ ਦੇਸ਼ ਬਣ ਗਿਆ ਹੈ। ਅੱਜ ਖਿਡਾਰੀ ਆਪਣਾ ਰੁਤਬਾ ਦਿਖਾ ਰਹੇ ਹਨ। ਦੁਨੀਆ ਵਿੱਚ ਭਾਰਤ ਦਾ ਡੰਕਾ ਵੱਜ ਰਿਹਾ ਹੈ। ਭਾਰਤ ਮੈਨੂਫੈਕਚਰਿੰਗ ਦਾ ਹੱਬ ਬਣ ਗਿਆ ਹੈ। ਅੱਜ ਦੇਸ਼ ਵਿੱਚ ਹਰ ਖੇਤਰ ਵਿੱਚ ਆਸ ਦੀ ਕਿਰਨ ਨਜ਼ਰ ਆ ਰਹੀ ਹੈ, ਪਰ ਕੁਝ ਲੋਕਾਂ ਨੂੰ ਇਹ ਨਜ਼ਰ ਨਹੀਂ ਆ ਰਹੀ।
ਦੇਸ਼ ਸਟਾਰਟਅੱਪ ਦੇ ਨਾਲ ਤੇਜ਼ੀ ਨਾਲ ਅੱਗੇ ਵਧ ਰਿਹਾ ਹੈ
ਅੱਜ ਦੇਸ਼ ਵਿੱਚ 109 ਯੂਨੀਕੋਰਨ ਬਣ ਚੁੱਕੇ ਹਨ। ਕਾਕਾ ਹਥਰਾਸੀ ਦਾ ਹਵਾਲਾ ਦਿੰਦਿਆਂ ਕਿਹਾ ਕਿ ਜੋ ਕੁਝ ਸੋਚਦਾ ਹੈ, ਉਹੀ ਦੇਖੇਗਾ। ਕੁਝ ਲੋਕ ਨਿਰਾਸ਼ ਹਨ। ਇਹ ਨਿਰਾਸ਼ਾ ਵੀ ਇੰਝ ਹੀ ਨਹੀਂ ਆਈ।ਇੱਕ ਤਾਂ ਜਨਤਾ ਦਾ ਹੁਕਮ ਹੈ, ਮੁੜ ਮੁੜ ਹੁਕਮ। ਉਨ੍ਹਾਂ ਕਿਹਾ ਕਿ 2014 ਤੋਂ ਪਹਿਲਾਂ ਅਰਥਵਿਵਸਥਾ ਖਟਾਈ ਹੋ ਗਈ ਸੀ, ਮਹਿੰਗਾਈ ਦੋਹਰੇ ਅੰਕ ਵਿੱਚ ਰਹੀ ਸੀ। ਕੁਝ ਚੰਗਾ ਵਾਪਰਦਾ ਹੈ ਅਤੇ ਨਿਰਾਸ਼ਾ ਉਭਰ ਕੇ ਸਾਹਮਣੇ ਆਉਂਦੀ ਹੈ।