ਹੈਕਰਾਂ ਦੀ ਮੰਗ, ਦੁਨੀਆ ਤਾਲਿਬਾਨ ਸਰਕਾਰ ਨੂੰ ਮਾਨਤਾ ਦੇਵੇ
ਦੁਬਈ-ਬੀਤੇ ਦਿਨੀਂ ਹੈਕਰਾਂ ਨੇ ਅਸ਼ਰਫ ਗਨੀ ਦੇ ਫੇਸਬੁੱਕ ਪੇਜ਼ ਤੋਂ ਪੋਸਟ ਲਿਖ ਕੇ ਅੰਤਰਰਾਸ਼ਟਰੀ ਭਾਈਚਾਰੇ ਤੋਂ ਮੰਗ ਕੀਤੀ ਹੈ ਕਿ ਉਹ ਤਾਲਿਬਾਨ ਨੂੰ ਮਾਨਤਾ ਦੇਣ। ਖ਼ੁਦ ਅਸ਼ਰਫ ਗਨੀ ਨੇ ਟਵੀਟ ਕਰਕੇ ਆਪਣੇ ਫੇਸਬੁੱਕ ਪੇਜ਼ ਦੇ ਹੈਕ ਕੀਤੇੇ ਜਾਣ ਦੀ ਸੂਚਨਾ ਦਿੱਤੀ। ਉਨ੍ਹਾਂ ਕਿਹਾ ਕਿ ਹੈਕ ਹੋਣ ਦੇ ਬਾਅਦ ਫੇਸਬੁੱਕ ’ਤੇ ਲਿਖੀ ਹਰ ਪੋਸਟ ਨੂੰ ਉਹ ਖ਼ਾਰਿਜ ਕਰਦੇ ਹਨ। ਜਦੋਂ ਤੱਕ ਉਹ ਪੇਜ਼ ਦੁਬਾਰਾ ਮੇਰੇ ਕੰਟਰੋਲ ਵਿਚ ਨਹੀਂ ਆ ਜਾਂਦਾ ਹੈ, ਉਸ ’ਤੇ ਲਿਖੀ ਗਈ ਕੋਈ ਵੀ ਪੋਸਟ ਕਾਨੂੰਨੀ ਨਹੀਂ ਹੈ।
ਦੱਸ ਦੇਈਏ ਕਿ ਅਸ਼ਰਫ ਗਨੀ ਤਾਲਿਬਾਨ ਦੇ ਕਾਬੁਲ ’ਤੇ ਕਬਜ਼ੇ ਤੋਂ ਠੀਕ ਪਹਿਲਾਂ ਯੂ.ਏ.ਈ. ਫਰਾਰ ਹੋ ਗਏ ਸਨ। ਗਨੀ ’ਤੇ ਅਫ਼ਗਾਨਿਸਤਾਨ ਦੇ ਸਰਕਾਰੀ ਖ਼ਜ਼ਾਨੇ ਵਿਚੋਂ 12 ਅਰਬ ਰੁਪਏ ਲੈ ਕੇ ਫਰਾਰ ਹੋਣ ਦਾ ਦੋਸ਼ ਲੱਗਾ ਸੀ। ਇਸ ਦੇ ਬਾਅਦ ਅਸ਼ਰਫ ਗਨੀ ਨੇ ਇਨ੍ਹਾਂ ਦੋਸ਼ਾਂ ’ਤੇ ਸਫ਼ਾਈ ਦਿੱਤੀ ਸੀ ਅਤੇ ਕਿਹਾ ਕਿ ਕਾਬੁਲ ਨੂੰ ਤਾਲਿਬਾਨ ਨੇ ਘੇਰ ਲਿਆ ਸੀ ਅਤੇ ਉਹ ਖ਼ੂਨ-ਖ਼ਰਾਬੇ ਨੂੰ ਰੋਕਣ ਲਈ ਦੇਸ਼ ਛੱਡ ਕੇ ਗਏ ਸਨ।
Comment here