ਅਫਗਾਨ ਫੌਜ ਨੇ ਤਾਲਿਬਾਨਾਂ ਦੇ ਦੋ ਵੱਡੇ ਨੇਤਾ ਮਾਰ ਸੁੱਟੇ

ਕਾਬੁਲ – ਤਾਲਿਬਾਨਾਂ ਨਾਲ ਚੱਲ ਰਹੇ ਯੁੱਧ ਦੇ ਦਰਮਿਆਨ ਅਫਗਾਨਿਸਤਾਨ ਫੌਜ ਨੂੰ ਵੱਡੀ ਸਫਲਤਾ ਮਿਲੀ ਹੈ, ਫੌਜ ਨੇ ਤਾਲਿਬਾਨ ਦੇ 2 ਹਾਈ ਪ੍ਰੋਫਾਈਲ ਨੇਤਾ ਮਾਰ ਦਿੱਤੇ। ਜਜਾਨ ਸੂਬੇ ਵਿਚ ਸੁਰੱਖਿਆ ਬਲਾਂ ਨਾਲ ਸੰਘਰਸ਼ ਵਿਚ ਜਿੱਥੇ ਤਾਲਿਬਾਨ ਦਾ ਪ੍ਰਮੁੱਖ ਮੈਂਬਰ ਮੁੱਲਾ ਸ਼ਫੀਕ ਮਾਰਿਆ ਗਿਆ,  ਪਖਤੀਆਂ ਵਿਚ ਤਾਲਿਬਾਨ ਦੇ ਉਪ ਮਿਲਟਰੀ ਪ੍ਰਮੁੱਖ ਅਬਦੁੱਲ ਹੱਕ ਓਮਾਰੀ ਨੂੰ ਮਾਰ ਦਿੱਤਾ। ਮੀਡੀਆਈ ਰਿਪੋਰਟਾਂ ਮੁਤਾਬਕ ਸੂਬਾਈ ਗਵਰਨਰ ਦੇ ਇਕ ਬੁਲਾਰੇ ਮੁਹੰਮਦ ਰਜ਼ਾ ਗਫੂਰੀ ਨੇ ਦੱਸਿਆ ਕਿ ਮੁੱਲਾ ਸ਼ਫੀਕ ਸ਼ੇਬਰਘਨ-ਮਜਾਰ ਹਾਈਵੇਅ ‘ਤੇ ਸੁਰੱਖਿਆ ਚੌਂਕੀਆਂ ‘ਤੇ ਹਮਲਾ ਕਰਨ ਮਗਰੋਂ ਮਾਰਿਆ ਗਿਆ। ਗਫੂਰੀ ਨੇ ਕਿਹਾ,”ਮੁੱਲਾ ਸ਼ਫੀਕ ਸੂਬੇ ਦੇ ਫੈਜਾਬਾਦ ਜ਼ਿਲ੍ਹੇ ਵਿਚ ਸਰਕਾਰੀ ਬਲਾਂ ਖ਼ਿਲਾਫ਼ ਅੱਤਵਾਦੀ ਗਤੀਵਿਧੀਆਂ ਵਿਚ ਸਾਮਲ ਸੀ ਅਤੇ ਉਹ ਜ਼ਿਲ੍ਹੇ ਨੂੰ ਅਸਥਿਰ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਸੀ।”  ਭਾਵੇਂਕਿ ਤਾਲਿਬਾਨ ਨੇ ਹੁਣ ਤੱਕ ਸੰਘਰਸ਼ ‘ਤੇ ਕੋਈ ਟਿੱਪਣੀ ਨਹੀਂ ਕੀਤੀ । ਅਬਦੁੱਲ ਹੱਕ ਓਮਾਰੀ ਤਾਲਿਬਾਨ ਨੇਤਾ ਦਾ ਬੇਟਾ ਸੀ, ਜੋ ਦੋਹਾ ਵਿਚ ਤਾਲਿਬਾਨ ਵਾਰਤਾ ਦਲ ਦਾ ਵੀ ਹਿੱਸਾ ਹੈ। ਲੰਬੇ ਸਮੇਂ ਤੋ ਚੱਲ ਰਹੇ ਅਫਗਾਨਿਸਤਾਨ ਵਿਚ ਤਾਲਿਬਾਨੀਆਂ ਦੀ ਦਹਿਸ਼ਤ ਦੇ ਬਾਅਦ ਅਫਗਾਨ ਸੈਨਾ ਲਈ ਅਸਲ ਵਿਚ ਇਹ ਵੱਡੀ ਉਪਲਬਧੀ ਹੈ। ਤਾਲਿਬਾਨ ਵਾਰਤਾ ਦਲ ਦੇ ਮੈਂਬਰ ਅਨਸ ਹੱਕਾਨੀ, ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਕਿ ਅਤੇ ਕਿਹਾ ਕਿ ਦੋਹਾ ਵਿਚ ਤਾਲਿਬਾਨ ਵਾਰਤਾਕਾਰ ਮੁਹੰਮਦ ਨਬੀ ਓਮਾਰੀ ਦਾ ਬੇਟਾ ਅਬਦੁੱਲ ਹੱਕ ਓਮਾਰੀ ਅਫਗਾਨ ਸੁਰੱਖਿਆ ਬਲਾਂ ਖ਼ਿਲਾਫ਼ ਸਿੱਧੀ ਗੋਲੀਬਾਰੀ ਵਿਚ ਮਾਰਿਆ ਗਿਆ।