ਅਫਗਾਨ ਛੱਡਣ ਤੋਂ ਪਹਿਲਾਂ ਅਮਰੀਕੀ ਫੌਜ ਅਰਬਾਂ ਡਾਲਰਾਂ ਦੇ ਹਥਿਆਰ ਬਰਬਾਦ ਕਰ ਗਈ

ਕਾਬੁਲ – ਅਮਰੀਕੀ ਫੌਜ ਬਾਰੇ ਖਬਰ ਆਈ ਹੈ ਕਿ ਉਸ ਨੇ ਅਫਗਾਨਿਸਤਾਨ ਛੱਡਣ ਤੋਂ ਪਹਿਲਾਂ ਅਰਬਾਂ ਡਾਲਰ ਦੇ ਹਥਿਆਰਾਂ ਅਤੇ ਵਾਹਨਾਂ ਨੂੰ ਬਰਬਾਦ ਕਰ ਦਿੱਤਾ ਸੀ, ਅਫਗਾਨ ਮੀਡੀਆ ਨੇ ਤਾਲਿਬਾਨ ਦੇ ਹਵਾਲੇ ਨਾਲ ਇਹ ਗੱਲ ਕਹੀ ਹੈ। ਤਾਲਿਬਾਨ ਨੇ ਪੱਤਰਕਾਰਾਂ ਨੂੰ ਸੀ. ਈ. ਏ. ਦੇ ਸਾਬਕਾ ਆਪ੍ਰੇਸ਼ਨਲ ਸੈਂਟਰ ਦੇ ਅੰਦਰ ਜਾਣ ਦੀ ਇਜਾਜ਼ਤ ਦਿੱਤੀ ਸੀ। ਇਸ ਦੌਰਾਨ ਉਸਨੇ ਦੱਸਿਆ ਕਿ ਅਮਰੀਕੀ ਫੌਜੀਆਂ ਨੇ ਇਥੋਂ ਜਾਣ ਤੋਂ ਪਹਿਲਾਂ ਸਾਡੇ ਮਿਲਟਰੀ ਉਪਕਰਣਾਂ, ਵਾਹਨਾਂ ਅਤੇ ਕਾਗਜ਼ਾਂ ਨੂੰ ਅੱਗ ਲਗਾ ਦਿੱਤੀ ਸੀ। ਟੋਲੋ ਨਿਊਜ਼ ਨੇ ਇਸ ਬਾਰੇ ਖਬਰ ਦਿੱਤੀ ਹੈ। ‘ਈਗਲ’ ਨਾਂ ਦਾ ਸੀ. ਈ. ਏ. ਦਾ ਇਹ ਕੈਂਪ ਕਾਬੁਲ ਦੇ ਦੇਹ ਸਭ ਇਲਾਕੇ ਵਿਚ ਸਥਿਤ ਹੈ। ਅਮਰੀਕੀ ਖੁਫੀਆ ਅਫਸਰ ਅਤੇ ਅਫਗਾਨ ਦੀ ਐੱਨ. ਡੀ. ਐੱਸ. 01 ਫੋਰਸਿਜ ਇਥੇ ਤਾਇਨਾਤ ਸੀ। ਹੁਣ ਇਹ ਇਲਾਕਾ ਤਾਲਿਬਾਨ ਦੇ ਕਬਜ਼ੇ ਵਿਚ ਹੈ। ਅਮਰੀਕੀ ਫੌਜ ਨੇ ਜ਼ਰੂਰੀ ਕਾਗਜ਼ਾਂ, ਸੈਂਕੜੇ ਹੰਵੀਜ, ਫੌਜੀ ਟੈਂਕਾਂ ਅਤੇ ਹਥਿਆਰਾਂ ਨੂੰ ਨਸ਼ਟ ਕਰ ਦਿੱਤਾ ਸੀ। ਕੈਂਪ ਦੇ ਕਮਾਂਡਰ ਮੌਲਵੀ ਅਥਨੈਨ ਨੇ ਕਿਹਾ ਕਿ ਉਨ੍ਹਾਂ ਨੇ ਇਥੇ ਉਹ ਸਭ ਕੁਝ ਨਸ਼ਟ ਕਰ ਦਿੱਤਾ ਜੋ ਇਸਤੇਮਾਲ ਹੋ ਸਕਦਾ ਸੀ। ਅਜੇ ਤਾਲਿਬਾਨ ਨੇ ਇਸ ਕੈਂਪ ਦੇ ਕਈ ਕਮਰਿਆਂ ਵਿਚ ਐਂਟਰੀ ਨਹੀਂ ਕੀਤੀ ਹੈ। ਉਨ੍ਹਾਂ ਡਰ ਕਿ ਇਥੋਂ ਮਾਈਨਸ ਵਿਛੀਆਂ ਹੋ ਸਕਦੀਆਂ ਹਨ।