ਅਦਾਲਤ ‘ਚ ਪੇਸ਼ ਹੋਈ 10 ਸਾਲਾਂ ਪਹਿਲਾਂ ਚੋਰੀ ਹੋਈ ਮੱਝ

ਜੈਪੁਰ-ਤੁਸੀਂ ਕਈ ਵਾਰ ਅਪਰਾਧੀਆਂ ਨੂੰ ਅਦਾਲਤ ‘ਚ ਪੇਸ਼ ਹੁੰਦੇ ਸੁਣਿਆ ਜਾਂ ਦੇਖਿਆ ਹੋਵੇਗਾ ਪਰ ਚੌਮੂ ਅਦਾਲਤ ‘ਚ ਇਕ ਅਜਿਹਾ ਮਾਮਲਾ ਸਾਹਮਣੇ ਆਇਆ ਹੈ, ਜਿਸ ਨੂੰ ਸੁਣ ਕੇ ਤੁਸੀਂ ਹੈਰਾਨ ਰਹਿ ਜਾਓਗੇ। ਰਾਜਧਾਨੀ ਜੈਪੁਰ ਦੇ ਦਿਹਾਤੀ ਖੇਤਰ ‘ਚ ਸਥਿਤ ਚੌਮੂ ਕੋਰਟ ‘ਚ ਮੱਝ ਖੁਦ ਅਦਾਲਤ ‘ਚ ਪੇਸ਼ੀ ਲਈ ਆਈ ਸੀ।ਸ਼ਿਕਾਇਤਕਰਤਾ ਮੱਝ ਨੂੰ ਪਛਾਣ ਲਈ ਅਦਾਲਤ ‘ਚ ਪੇਸ਼ੀ ਲਈ ਪਿਕਅੱਪ ਗੱਡੀ ‘ਚ ਲੈ ਕੇ ਆਇਆ ਸੀ, ਜਿਸਦੀ ਪਛਾਣ ਨਹੀਂ ਹੋ ਸਕੀ। ਦਰਅਸਲ ਸ਼ਿਕਾਇਤਕਰਤਾ ਦੀ ਮੱਝ ਕਰੀਬ 10 ਸਾਲ ਪਹਿਲਾਂ ਚੋਰੀ ਹੋ ਗਈ ਸੀ। ਹੁਣ ਮੱਝ ਨੂੰ ਚੋਰੀ ਹੋਈ ਮੱਝ ਦੀ ਤਸਦੀਕ ਕਰਨ ਲਈ ਖੁਦ ਅਦਾਲਤ ਵਿੱਚ ਪੇਸ਼ ਹੋਣਾ ਪਿਆ। ਇੱਥੇ ਸ਼ਿਕਾਇਤਕਰਤਾ ਮੱਝ ਨੂੰ ਪਿਕਅੱਪ ਗੱਡੀ ਵਿੱਚ ਲੈ ਕੇ ਅਦਾਲਤ ਵਿੱਚ ਲੈ ਗਿਆ, ਜਿੱਥੇ ਅਦਾਲਤੀ ਅਧਿਕਾਰੀਆਂ ਨੇ ਪਿੱਕਅੱਪ ਗੱਡੀ ਦੇ ਨੇੜੇ ਆ ਕੇ ਉਸ ਦੀ ਪੜਤਾਲ ਕੀਤੀ।
ਮੱਝ 10 ਸਾਲ ਪਹਿਲਾਂ ਚੋਰੀ ਹੋਈ ਸੀ
ਸ਼ਿਕਾਇਤਕਰਤਾ ਚਰਨ ਸਿੰਘ ਨੇ ਦੱਸਿਆ ਕਿ 10 ਸਾਲ ਪਹਿਲਾਂ ਹਰਮਾੜਾ ਥਾਣਾ ਖੇਤਰ ਤੋਂ ਮੇਰੀ ਮੱਝ ਚੋਰੀ ਹੋ ਗਈ ਸੀ। ਹਾਲ ਹੀ ‘ਚ ਕੁਝ ਦਿਨ ਪਹਿਲਾਂ ਭਰਤਪੁਰ ਪੁਲਸ ਨੇ ਭਰਤਪੁਰ ਇਲਾਕੇ ‘ਚੋਂ ਇਕ ਮੱਝ ਬਰਾਮਦ ਕੀਤੀ ਸੀ, ਜਿਸ ਬਾਰੇ ਮੈਨੂੰ ਸੂਚਨਾ ਮਿਲੀ ਸੀ। ਜਿਸ ‘ਤੇ ਚਰਨ ਸਿੰਘ ਥਾਣੇ ਪਹੁੰਚਿਆ ਅਤੇ ਉਥੋਂ ਮੱਝ ਦੀ ਨਿਸ਼ਾਨਦੇਹੀ ਕਰਵਾ ਕੇ ਮੱਝ ਨੂੰ ਪਿਕਅੱਪ ਗੱਡੀ ‘ਚ ਪਾ ਕੇ ਚੰਮੂ ਦੀ ਅਦਾਲਤ ‘ਚ ਵੈਰੀਫਿਕੇਸ਼ਨ ਲਈ ਲਿਆਂਦਾ ਸੀ|